Karikani B'aai 26:27 - Te B'aib'ara

²⁷ Ma ngaia are, e taku Itaaka nakoia, “E aera ngkai kam a manga roko ni kawarai, ao are kam a tia n riribai, ma ni kanakoai mai abami?”

Karikani B'aai 26:27 ပူးပေါင်းရင်းမြစ်များ

Karikani B'aai 26:14

Ao a rangi ni bakantang i rouna kaain Biritia i bukina ngke a rangi ni m'aiti ana tiibu, ana kao, ao ana toro.

Karikani B'aai 26:16

Ao e a taku Abimereka nakon Itaaka, “Ko na kitana abara, b'a ko a rangi ni korakora riki nakoira.”

Karikani B'aai 26:28

Ao a taku, “Ti a ataia ngkai b'a E bon memena te UEA iroum, ao e riai b'a ti na karaoa te boraraoi i marenara ma ngkoe, ao ti butiiko b'a ko na berita iai

M'akuri 7:14

Ao e kananako Ioteb'a b'a e na weteaki nakoina tamana are Iakob'a ma ana utu ni kabaneia, ake itingauni ma niman.

M'akuri 7:27

Ao teuare kaikoaka raona e butua nako Mote, ao e taku, “Antai ae karaoiko b'a te tia tautaeka ao te tia motiki-taeka i aora?

M'akuri 7:35

Mote aei, are a rawa i rouna, ngke a kaangai, “Antai ae karaoiko b'a te tia tautaeka ao te tia motiki-taeka?” Boni ngaia are e kanakoaki iroun te Atua b'a te tia tautaeka ao te tia kamaiu n ana buobuoki te anera are kaoti nakoina n te kai.

M'akuri 7:9

A bakantang natin Iakob'a iroun tariia are Ioteb'a, ma ngaia are a kaboa nako Aikubita; ma E mena te Atua i rouna,

Te Kaotioti 3:9

Noria, N na kanakoia tem'angina man ana botannaomata Tatan b'a a na bobaraaki i rarikini waem, te koraki aika taani kewe, aika taku b'a I-Iutaia ngaiia, ma bon tiaki, ao a na ataia b'a I tangiriko.

Tani Motiki-taeka 11:7

Ao e taku Iebeta, Ao e aera ngkoa ngke kam ribaai? Bon tiaki ngkami ngkoa ake kam kanakoai b'a N na kitaniia au utu? Ao kam a roko ngkai i bukina ngkai kam a taonaki n te kangaanga.