Karikani B'aai 26:24 - Te B'aib'ara

²⁴ Ao E kaoti te Atua nako ina n te tairiki anne, ao E taku, “Boni Ngai Atuan tamam are Aberaam. Ko na aki maaku; I mena iroum. N na bon kakab'aiako ma n anganiko am kariki aika m'aiti i bukin au berita ma Aberaam are Au toro.”

Karikani B'aai 26:24 ပူးပေါင်းရင်းမြစ်များ

Karikani B'aai 13:16

N na anganiko kanoam aika rangi ni m'aiti ae akea temanna ae kona ni wareki m'aitiia; e kona riki ni warekaki bubun aon te aba nakon warekaia.

Karikani B'aai 15:1

Ao i mwiin aei, ao e roko te kaotioti iroun Aberam, ao e ongo Ana taeka te UEA ngke E kaangai, “Ko na aki maaku, Aberam. N na kamanoko man taiani kaangaanga ao N na anganiko kaniwangam ae moan te buubura.”

Karikani B'aai 17:7

“N na kakawakina au Berita ma ngkoe, ao nakoia naba kanoam n rooro aika na roko b'a te boraraoi ae akea tokina. N na riki b'a Atuami, ao Atuaia naba ami bakatibu.

Karikani B'aai 17:8

N na anganiko ma am kariki te aba ae te iruwa ngkoe iai ngkai. E na riki te aba ae Kanaan b'a aia b'ai ami bakatibu n akea tokina, ao N na riki b'a Atuaia.

Karikani B'aai 21:17

Ao E ongo te Atua tangin te ataei arei, ao E a taetae te anera mai karawa nakon Nei Aka, ao e taku, “Tera ae aki rau nanom iai Nei Aka? Tai maaku. E ongo tangin te ataei te Atua.

Karikani B'aai 22:17

I berita b'a N na anganiko am kariki ae ai aron m'aitin itoin karawa, ke tanon aon te bike i mataniwiin taari. A na totokanikai kanoam i aoia aia kairiribai.

Karikani B'aai 22:19

Ao e oki rikaaki Aberaam nakoia ana toro, ao a uaia n nako Beerateb'a, te tabo are e katei ana auti n rianna iai ngkoa Aberaam.

Karikani B'aai 24:12

Ao e tataro nakon te Atua ao e taku, “Te UEA, ae Atuan au toka are Aberaam, Ko na kakoroa bukin au waaki n te bong aei, ao kawakina am Berita nakon au toka.

Karikani B'aai 28:13

Ao e tei te UEA i rarikina, ao E taku, “Boni Ngai te UEA, are Atuan Aberaam, ao Itaaka. N na anganiko ma am kariki te aba aei ae ko wene iai.

Karikani B'aai 28:15

Uringnga b'a N na bon kakawakiniko n taabo nako ike ko nako iai, ao N na manga kaokiko nakon te aba aei. N na bon aki kitaniko ni karokoa I tia ni karaoi b'ai ni kabane ake I a tia ni berita iai.”

Karikani B'aai 28:3

E bia kakab'aiaa am mare te Atua ae M'aaka man anganiko natim aika m'aiti, b'a ko aonga n riki b'a tamaia botannaomata.

Karikani B'aai 30:27

Ao e taku Raab'an, “N na tuangko te b'ai teuana: I a tia n ataia ngkai b'a I kakab'aiaki iroun te UEA i bukim.

Karikani B'aai 31:5

Ao e taku nako ia, “I a tia n ataia b'a e a aki raoiroi tamami nako iu n aron are e boni kakaraoia ngkoa, ma E boni memena irou Atuan tamau.

Karikani B'aai 39:2

Ao E mena te UEA iroun Ioteb'a, ao E kakab'aiaa. Ao e maeka Ioteb'a n ana auti tokan Aikubita temanna,

Karikani B'aai 39:3

are e nooria b'a E memena te UEA iroun Ioteb'a ma ni kakanakoraoi b'aai ni kabane ake e karaoi.

Karikani B'aai 46:1

Ao e katauraoi b'aai ni kabane Iakob'a, ao e nako Beerateb'a, ao e anga taiani karea nakon Atuan Itaaka, are tamana.

1.Uea 17:13

Ao e taku Eria, A na bon nakoraoi b'aai ni kabane. Ko na karaoa ane ko a tia n taekinna. Okira mwengam ao kuukana kanam ma natim. Ma ko na karekea moa kanau te kariki ae e uarereke ao uotia mai.

Te Otinako 14:13

Ao e taku Moote, “Kam na aki maaku! Taua abami b'a kam na noora te b'ai ae na karaoia te UEA ae Atuami i bukin kamaiuami n te bong aei, kam na bon aki manga nooriia kaain Aikubita aika kam nooriia aikai.

Te Otinako 3:6

Bon te Atua Ngai are I taataromauriaki irouia am bakatibu ake Aberaam, Itaaka, ao Iakob'a.” Ao e maaku Moote n taraa te Atua, ma ngaia are, e karabaa matana.

Itaia 12:2

I onimakiniko b'a ko na kamaiuai, te UEA ae te Atua, ao N na aki maaku A nako m'aakau ma korakorau mairoum, ao ko a tia ni kamaiuai.”

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Itaia 44:2

Bon ami tia karikib'ai Ngai. I tararuaingkami ngke kam tuai naba bungiaki. Iteraera, kam na aki maaku! Bon au tia m'akuri ngkami ae kam rineaki, maamaten nanou.

Itaia 51:12

Bon te UEA Ngai, are E kaungaingkami. E aera ngkai kam maaka te aomata? A m'au ma ni mate kaanga te uteute.

Itaia 51:7

Ngkana kam tangiria ni karaoa ae e raoiroi ma n ongotaeka nakon au reirei ma nanomi ni kabane, ao kam na kakauongo raoi Irou. Kam na aki b'arannano ngkana iai aika a kamamaaeingkami ma n atong taeka aika a kamaraki nano.

B'aeb'aeti 3:57

ao Ko roko n te tai are I tangira buokau iai. Ko kaangai nako iu, “Tai raraoma!”

Nakoaia Ibonga 26:42

N na kaawakina te berita are I a tia ni karaoia nakoia ami bakatibu ake Aberaam, Itaaka ao Iakob'a. N na kakab'aiaa abami,

Nakoaia Ibonga 26:45

Ngke a mataku te botannaomata, ao I kamaiu ami bakatibu mai Aikubita b'a I aonga n riki b'a Atuaia. Eng, bon ami UEA Ngai, ao N na aki manga m'aninga ara boraraoi.

Mataio 22:32

Bon Atuan Aberaam Ngai, ao Atuan Itaaka, ao Atuan Iakob'a? Tiaki Atuaia akana mate te Atua, ma bon Atuaia akana maiu.

Ruka 12:32

Tai maaku, ngkami aika karako m'aitimi b'a E kukurei Tamami n anganingkami ueana.

M'akuri 7:32

“Atuaia am bakatibu Ngai, ae Atuan Aberaam, ma Itaaka, ma Iakob'a.” Ao e ruru ni maaku Mote, ao e aki kan taraia.

Te Tua-Kaua 31:6

Kam na ninikoria ma ni korakora. Kam na aki maakuia botannaomata ake n iteran te Ioretan are teuana. E na teimatoa te UEA ae Atuami ni mena n ami itera, ao E na bon aki kitaningkami.

Ebera 11:16

Ma a bon tangira te tabo ae raoiroi riki, are i karawa. Ma ngaia are E aki mamaa te Atua n atongaki i rouia b'a Atuaia, b'a E a tia ni katauraoa aia kawa i bukiia.

Ebera 13:6

Ma ngaia ae ti na aki maaku ni kangai: “Te Uea bon te tia buokai; N na aki maaku; Tera ae e kona te aomata ni karaoia nako iu?”

Te Kaotioti 1:17

Ngke I noria ao I katorobubua ni bobaraaki i rarikini waena n ai aron te mate; ao E kaaki baina are ataina i aou, ao E kaangai, “Tai maaku! Boni Ngai te Moa ao te Toki.

Ruuta 3:11

Ko na tai raraoma Ruuta, N na karaoi b'aai ni kabane akana ko tuangai, b'a a bane kaain te kaawa n ataiko b'a te aine ngkoe ae e raoiroi aroarom.