Karikani B'aai 26:12 - Te B'aib'ara

¹² Ao e ununiki Itaaka n te aba arei, ao n te ririki are e taia tebubua okiokin te m'aiti are e a tia n unikia, i bukina ngke E kakab'aiaki iroun te UEA.

Karikani B'aai 26:12 ပူးပေါင်းရင်းမြစ်များ

Karikani B'aai 24:1

Ao e a rangi ni kara ngkai Aberaam, ao E a tia te Atua ni kakab'aiaa ni b'aai ni kabane ake e a tia ni karaoi.

Karikani B'aai 24:35

E a tia ni kakab'aiaa au toka are te UEA, ao E karikia b'a te aomata ae kaub'ai. E anganna ana nanai n tiibu, ana nanai ni kao, ana tirewa, ana koora, ana toro aika aine ma mm'aane, ana kamero, ao ana aati.

Karikani B'aai 25:11

Ao i mwiin maten Aberaam, ao te Atua, E kakab'aiaa Itaaka ngke e maeka i rarikin “Ana m'anib'a Teuae Maiu ae Noorai” ke “Beera-raai-roi”.

Karikani B'aai 26:29

b'a ko na aki karaoa ae buakaka nakoira, n ai arora naba ngke ti aki karaoa ae buakaka nakoim, b'a ti kanakoko ma te rau. Ti a bon kakoaua raoi ngkai b'a E a bon tia ni kakab'aiako te UEA.”

Karikani B'aai 26:3

Maeka ikai, ao N na memena iroum ma ni kakab'aiako. N na anganiko te aba aei ni kabutaa, ao nakoia naba am kariki. N na bon kakoroa bukin te berita are I karaoia ngkoa ma tamam are Aberaam.

Karikani B'aai 30:30

Bon ti tabeua ngkoa i m'aain rokou, ao E a tia te UEA ni kakab'aiai b'aai ni kabane ake I a tia ni karaoi. Ao ngkai e a roko te tai are I a bon riai ni karikirakea arou iai i bon irou.”

Iobi 42:12

Ao E kakab'aia nikirani maiun Iobi te UEA nakon bongin maiuna are rimoa. Ao E b'aini 10,000 te tiibu Iobi, ma 6,000 te kamero, ma 2,000 te kao, ao 1,000 te aati.

Taian Areru 67:6

E kariki uaana aontano ni kabatia; E a tia te Atua, ae Atuara, ni kakab'aiaira.

Taian Areru 72:16

A bia bati uaa i aon te aba; A bia kirimto uaa i aon tabuki, n ai aron uaan aon Reb'anon. A bia kaonaki nanoni kaawa irouia aomata, n ai aroni kaonan aon te aba n uteute.

Taeka n Rabakau 10:22

Ngkana e kakab'aiaingkami te UEA n taiani kaub'ai, ao bon akea te b'ai ae kam na raraomaeakinna.

Te Minita 11:6

Unika arokam n te kaarangaina, ao tiiku ni m'akuri i nanon am tawaana ni karokoa e roo. Antai ae e ataia, ao ngaia e na kabooaki am m'akuri, ao a na bwebwerake am koraa.

Tekaria 8:12

Ma n onea mwiin anne, N na kakoauaa b'a a na unikaki uita ma te rau ao ami nne n aroka ni kureebe a na kariki uaa, ao a na maiu raoi ami tawaana ao e na b'aka te aoi mai karawa.

Mataio 13:23

Ao are unikaki n te tano are raoiroi bon ane ongo ana taeka te Atua ao e ata nanona; ao e kaoti uaana b'a tatabe bubua ke kaka onobwi ke kaka tenibwi.

Mataio 13:8

A b'aka tabeua koraa i aon te tano ae raoiroi, ao a riki b'a aroka aika uaa: tabekai tatabe bubua uaaia, ao tabekai kaka onobwi, ao tabekai kaka tenibwi.

Mareko 4:8

Ao iai tabeua koraa ake a b'aka i aon te tano ae raoiroi. A riki ao a rikirake, ao a kariki uaa: tabekai kaka tenibwi, ao tabekai kaka onobwi, ao tabekai kaka tebubua.”

1.I-Korinto 3:6

I uniki aroka ngai, ao e teboki Aboro; ma ana b'ai te Atua karikirakeani maiun te aroka.