Ma e nangi mate Nei Rakera ngke e a tia ni bung, ao ngke ai boni kabanean ikena, ao e arana natina te mm'aane arei b'a Benoni. Ao Iakob'a e aranna b'a Beniamin.
Ao a bane n roko natina mm'aane ma natina aine ni karaua nanona, ma e rawa ni karauaki nanona, ao e taku, “N na nakon ruanimateu, N na mate ma n taunaki.” Ao e a manga reitanako naba tanginiweneina i bukin natina are Ioteb'a.
Ao e tuangiia natina Iakob'a ni kaangai, “Ngkai, N nang raoniia au koraki ake n te mate, taunai ma tamau n te b'angani matang are n ana tawaana Eberon are te Itaite,
a uota rab'atana nako Kanaan, ao a taunna n te b'angani matang are i Makebera i mainikun Mamre n te tawaana are e kabooa Aberaam mairoun Eberon are te I-Itaite b'a aia tabo n taunimate.
E ura unim n ekaanako Iuta i nanou ao I aki konaa n taotaonna. Ko na aki tautauai! Ti nang kamaunaia aomata ni kabane— ataei akana a tabe n takaakaro ao ikawai ni kabane, ti te bo ataei ma ikawai.
“Aaron, bon aei te tabo ae ko na mate iai. Ko a tia n aki ongotaeka i Rou ngkoe ma Moote i Merib'a, ma ngaia are, kam na aki roko n te aba are I a tia ni berita iai nakoia Iteraera.
Ao e oreaki n te tai naba arei Erote iroun ana anera te Atua, b'a e aki angan te Atua te neboaki; ao e rangi ni baki rab'atana b'a e m'ata nanona, ao e mate n tokina.
Ao e mate neierei n te tai naba arei, ao e b'aka i rarikini waeni Betero; a rin rorobuaka akekei, ao a noria b'a e a mate; ma ngaia are a uotia nako n taunna i rarikini buna.
Ao i mwiin te tai ae aki maan, a mate kaain ana roro Iotua, ao a aki ataa te UEA te roro are i mwiina, ke a aki atai b'aai ni kabane ake E a tia ni karaoi te UEA i bukiia Iteraera ngkoa.
Ao e maiu Kiteon ni karokoa e kara, ao ngke e a mate, ao e nneaki rab'atana n te b'aro, ae aia ruanimate ana utu n ana kaawa are Obera, are ana b'ai te kaainga are Abietera.