Karikani B'aai 25:5 - Te B'aib'ara

⁵ E katikui iroun Itaaka b'aai ni kabane Aberaam.

Karikani B'aai 25:5 ပူးပေါင်းရင်းမြစ်များ

Karikani B'aai 24:35

E a tia ni kakab'aiaa au toka are te UEA, ao E karikia b'a te aomata ae kaub'ai. E anganna ana nanai n tiibu, ana nanai ni kao, ana tirewa, ana koora, ana toro aika aine ma mm'aane, ana kamero, ao ana aati.

Karikani B'aai 24:36

Ao e riki natin au toka te mm'aane iroun Nei Taara ngke e a bon kara Nei Taara are buuna, ao e a tia n anga ana b'ai ni kabane au toka nakon natina te mm'aane.

Karikani B'aai 25:4

Natin Mirian mm'aane bon Eb'a, Ebera, Anoka, Abita, ao Eretaa. Kanoan Nei Ketura aikai ni kabane.

Karikani B'aai 26:14

Ao a rangi ni bakantang i rouna kaain Biritia i bukina ngke a rangi ni m'aiti ana tiibu, ana kao, ao ana toro.

Taian Areru 68:18

E rierake nakon te tabo ae rietaata, ao E kairiia aomata aika bati ake a taenikai i rouna; E kareke angab'ai mairouia, ao mairouia naba ake a rarawa ni kan aantaeka. E na maeka n te tabo arei te UEA ae te Atua.

Mataio 11:27

“I anganaki b'aai ni kabane iroun Tamau; ao akea ae ata te Nati, ma ti te Tama ae ataia; ao akea ae ata te Tama, ma ti te Nati ae ataia, ao ane E kani kaotia te Nati nako ina.

Mataio 28:18

Ao E roko Iesu, ao E taku nako ia, I a tia n anganaki te m'aaka ni kabanea i karawa ao i aonnaba!

Ioane 17:2

B'a Ko a tia n anganna te m'aaka i aoia aomata ni kabaneia, b'a E na anga te maiu are aki toki nakoia ni kabane ake Ko anganna.

Ioane 3:35

E tangira te Nati te Tama, ao E a tia ni kaaki b'aai ni kabane i aani m'aakana.

I-Rom 8:17

Ao ngkana natina ngaira, ao bon taani b'aib'ai naba ngaira-taani b'aib'ai iroun te Atua, ao taan uaia ni b'aib'ai naba ma Kristo; b'a ngkai ti b'ainikirinaki ma Ngaia, ao ti na neboaki naba ma Ngaia.

I-Rom 8:32

Teuare aki taua ae bon Natina, ma E anga i bukira ni kabaneira, ao E na iranna n aki anganira b'aai n akoi ni kabane ma Ngaia?

I-Karatia 3:29

Ngkana ana b'ai Kristo ngkami, ao boni kanoan Aberaam ngkami, ao kam na b'aib'ai n te taeka n akoi arei.

I-Karatia 4:28

Taari, natin te taeka n akoi ngaira, n ai aron Itaaka.

I-Korote 1:19

B'a boni man nanon te Atua ae e reke iai iroun te Nati aron te Atua ni kabane;

Ebera 1:2

ao ni boong aikai aika kabaneani boong, E taetae nako ira iroun Natina, are E a tia n rineia b'a te tia b'aib'ai ni b'aai ni kabane, ao are E karaoa te aonnaba ae b'anin i Rouna;