Karikani B'aai 25:30 - Te B'aib'ara

³⁰ ao e taku nakon Iakob'a, “I a rangi ni baki ma anganai te tuubu ane uraura anne.” Aei moan reken te ara are Etom.

Karikani B'aai 25:30 ပူးပေါင်းရင်းမြစ်များ

Karikani B'aai 25:29

Ao n te tai teuana ngke e tabe ni kukana te tuubu ni biin Iakob'a, ao e okira te auti Etau man ana kaeman. Ao e a bon rangi ni baki,

Karikani B'aai 25:31

Ao e taku Iakob'a, “N na anganiko ngkana ko anganai tib'angam ni karimoa.”

Karikani B'aai 32:3

Ao e kanakoa ana tia uarongorongo Iakob'a ri moana nakon tarina are Etau n te aba are Etom.

Karikani B'aai 32:4

Ao e tuangnga ana taeka aika kaangai, “Bon Iakob'a ngai ae am toro are nako ni maeka ngkoa iroun Raab'an, ao e a tib'a oki n te tai aei.

Karikani B'aai 36:1

Ao aikai kanoan Etau, ake a aranaki naba b'a Etom.

Karikani B'aai 36:19

A bane n riki baronga aikai mairoun Etau.

Karikani B'aai 36:43

Makeriera, ao Iram. A riki baronga aikai mairoun Etau, are bon Etom, are tamaia te naa n I-Etom. A karekei araia man aran aia tabo ake a mamaeka iai.

Karikani B'aai 36:8

Ma ngaia are, e a maeka Etau n te aba are tabukibuki i Etom.

Karikani B'aai 36:9

Ao aikanne kanoan Etau are aia bakatibu kaain Etom.

2.Uea 8:20

Ngke e uea Ieoram ao e kakaitaraaki irouia kaain Etom, ao a rinea aia uea i bon irouia.

Te Otinako 15:15

A maaku taani kairiri i Etom; a ruru m'anen Moaba ake a korakora; ao a biu kaain Kanaan.

Ieremia 49:7

Aio te b'ai ae taekinna te UEA ae Moan te M'aaka i bukin Etom: E a tia ni mauna nako te wanawana ma te iango raoi mai Teman. N nang karokoa te kabuanib'ai ni katuaaingkami ngkami aika ana kariki Etau,

Ob'aria 1:1

Aio ana taeka ni burabeti Ob'aria, ake E taekin te UEA ae rietaata i bukiia aomatan Etom. E a tia te Atua ni kanakoa Ana tia uarongorongo nakoia botannaomata nako, ao ti a tia n ongo ana rongorongo: “Tauraoi! Ti a nako ni buakana Etom”

Te Tua-Kaua 23:7

Ma kam na aki ribaia kaain Etom b'a bon ami koraki, ao kam na aki ribaia naba kaain Aikubita b'a kam maeka ngkoa n iruwa i abaia.