Karikani B'aai 25:23 - Te B'aib'ara

²³ Ao E taku te UEA nako ina, “Bon uoua te botannaomata ane i birotom; Ko na bungiia uoua te botannaomata aika a kairiribai. E na korakora riki temanna nakon are temanna, E na m'akuri teuare te karimoa iroun teuare te karimwi.”

Karikani B'aai 25:23 ပူးပေါင်းရင်းမြစ်များ

Karikani B'aai 17:16

N na kakab'aiaa, ao N na karekea natim te mm'aane mai rouna. N na kakab'aiaa, ao e na riki b'a tinaia botannaomata nako, ao a na riki uea irouia kanoana.”

Karikani B'aai 17:4

“I boraraoi ma ngkoe: I berita b'a ko na riki b'a aia bakatibu botannaomata aika m'aiti.

Karikani B'aai 24:60

Ao a angan Nei Rebeka taeka ni kakab'aia aikai: “Ke ko riki ngkoe ae m'anera b'a tinaia mirion. Ke a taui aia kaawa aia kairiribai kanoam.”

Karikani B'aai 25:24

Ao e a roko ana tai ni bung neierei, ao e bungiia natina mm'aane aika bwebwee.

Karikani B'aai 25:27

Ao a tabe n rikirake ataei akekei, ao e rikirake Etau b'a te tia kaeman ae bane arona, te aomata ngaia ae tatangira riki te m'akuri i tinanikun te auti, ma teuare Iakob'a, bon te aomata ae e aki kakarongoa ngaia, ae e a bon tiitiku naba n te auti.

Karikani B'aai 27:29

Ke a riki botannaomata nako b'a am toro, ao ke a bobaraaki aomata i matam. Ko na tautaeka i aoia am koraki ni kabane, ao ke a bobaraaki i matam kanoan tinam ni kabane. Ao ke a kamaraiaaki koraki ake a kamaraiako, ao koraki ake a kakab'aiako, a na kakab'aiaki.”

Karikani B'aai 27:33

Ao e ruru ma n nako nanon Itaaka, ao e taku, “Ao ai antai ae tiringa te man, ao e uotia nako iu ae I am'arake iai i m'aain rokom? Ao I a tia naba ni kabanea au taetae ni kakab'aia nakoina, ao e aki kona ni manga anaaki mai rouna.”

Karikani B'aai 27:37

Ao e taku Itaaka, “I a tia ni karikia b'a te toka i aom, ao I karikiia naba ana koraki ni kabane b'a ana toro. I anganna taian uaanikai aika uangingi, ao taian wain. Natiu, bon akea ae I kona ni karaoia i bukim.”

Karikani B'aai 27:40

Ko na maiu man am kabaang, Ao ko na riki b'a ana toro tarim. Ma ngkana ko kan inaomata mai rouna ao ko kona ni b'aranako mai aan ana kairiiri.”

Karikani B'aai 32:6

Ao ngke e a oki ana toro Iakob'a, ao e taku, “Ti kawara tarim are Etau, ao bon ae i aon kawaina ni kawariko. Ao bon iai abubua rorobuaka aika raonna.”

Karikani B'aai 33:3

Ao e rimoaia Iakob'a, ao e boobaraaki nako aontano itiua te tai ngke roko i matan tarina.

Karikani B'aai 36:31

Aikai araia taian uea ake a tautaekana te aba are Etom i m'aain reken uean Iteraera.

Karikani B'aai 48:19

Ao e rawa tamana, ao e taku, “I ataia, I bon ataia. E na boni m'aiti naba kanoan Manate, ao e na riki naba b'a te botannaomata ae korakora. Ma e na korakora riki te bina aei nakoina, ao e na riki kanoana b'a te botannaomata ae korakora.”

2.Tamuera 8:14

Ao e katikuia ana taanga ni buaka ni kabutaa aon Etom, ao a kariaia kaain Etom ni karikia b'a aia tia tautaeka. E buobuoka Tawita te UEA n taabo nako ike e nako iai.

1.Uea 22:47

Bon akea Uean te aba are Etom n te tai anne, ngaia are e a tauaki taekana iroun temanna te tia kairiiri.

1.Rongorongo 18:13

Ao i mwiina, e katikuia ana taanga ni buaka i Etom, ao a kariaia kaain te tabo arei b'a e na uea Tawita i aoia. Ao te UEA, e angan Tawita te tootokanikai n te buaka n taabo nako ike e nako iai.

Ob'aria 1:21

Ao ana buakana naba Etom, ma n taua taekana taani buaka aika m'anen Ierutarem aika a totokanikai. Ao E na uea te UEA n tii Ngaia i aoia Ana aomata.”

Warekaia Iteraera 20:14

Ao e kanakoa ana tia uarongorongo Moote man aia tabo are a katei maeka iai i rarikin Kateti, ma ana rongorongo nakon uean Etom. Ao a kaangai, “Bon Iteraera ngaira aika bon ami koraki ni koaua. Ao ti kakoaua b'a ko a bon tia n ongo rongorongon b'aai aika buakaka ake a riki nako ira.

Te Tua-Kaua 2:4

Ao anganiia aomata kaetieti aikai: ‘Taratara raoi, b'a kam nang ri nanon te aba are abaia ami koraki, ake kanoan Etau n te tai ae aki maan. A maakuingkami,

Te Tua-Kaua 2:8

“Ti ri rarikin te aba are abaia ara koraki, ake kanoan Etau. Ti toua kawain Arab'a are e moa mai maiaki i Erata ao Etion Keeb'a, ao i mwiina, ti a manga rairaki nakoni kawain te rereua are nako Moaaba.

1.Tamuera 17:14

A nako n ira ana buaka Tauro uaake teniman aikai. Tawita bon ana bina Iete.