Karikani B'aai 25:11 - Te B'aib'ara

¹¹ Ao i mwiin maten Aberaam, ao te Atua, E kakab'aiaa Itaaka ngke e maeka i rarikin “Ana m'anib'a Teuae Maiu ae Noorai” ke “Beera-raai-roi”.

Karikani B'aai 25:11 ပူးပေါင်းရင်းမြစ်များ

Karikani B'aai 12:2

N na anganiko am kariki aika rangi ni m'aiti, ao a na riki b'a te botannaomata ae korakora. N na kakab'aiako, ao N na kakannatoa aram, b'a ko aonga n riki b'a te kakab'aia nakoia aomata.

Karikani B'aai 12:3

N na kakab'aiaia akana kakab'aiako, ao N na kamaraiaia akana kamaraiako. A na kakab'aiaki botannaomata nako iroum.”

Karikani B'aai 16:14

Ao boni ngaia anne bukina are a arana te m'anib'a aomata are i marenan Kateti ma Bereta b'a “Ana M'anib'a Teuare E Maiu ae noorai.”

Karikani B'aai 17:19

Ma E taku te Atua, “Tiaki ngaia anne, ma e na kariki Nei Taara are buum, ao e na karika natim te mm'aane, ao ko na aranna b'a Itaaka. N na kawakina au Berita ma ngaia, ao kanoana ana kaawakinna n aki toki. Bon te berita ae akea tokina.

Karikani B'aai 22:17

I berita b'a N na anganiko am kariki ae ai aron m'aitin itoin karawa, ke tanon aon te bike i mataniwiin taari. A na totokanikai kanoam i aoia aia kairiribai.

Karikani B'aai 24:35

E a tia ni kakab'aiaa au toka are te UEA, ao E karikia b'a te aomata ae kaub'ai. E anganna ana nanai n tiibu, ana nanai ni kao, ana tirewa, ana koora, ana toro aika aine ma mm'aane, ana kamero, ao ana aati.

Karikani B'aai 24:62

E a tia n roko Itaaka n te rereua are “Ana m'anib'a Temanna ae Maiu ae noorai,” ao e tiku ni maeka ni m'akoron Kanaan maiaki.

Karikani B'aai 26:12

Ao e ununiki Itaaka n te aba arei, ao n te ririki are e taia tebubua okiokin te m'aiti are e a tia n unikia, i bukina ngke E kakab'aiaki iroun te UEA.

Karikani B'aai 26:3

Maeka ikai, ao N na memena iroum ma ni kakab'aiako. N na anganiko te aba aei ni kabutaa, ao nakoia naba am kariki. N na bon kakoroa bukin te berita are I karaoia ngkoa ma tamam are Aberaam.

Karikani B'aai 50:24

Ao e taku nako ia tarina, “E a kaan mateu, ma E na boni kaawakiningkami te Atua ma ni kairingkami ni kaotinakoingkami man te aba aei nakon te aba are E a tia ni berita iai nakon Aberaam, Itaaka, ao Iakob'a.”

Taian Areru 112:2

A na riki ni kakannato ana bakatibu i aon te aba, i bukina b'a e kakab'aiaia akana kakaraoa ae eti.