Karikani B'aai 24:50 - Te B'aib'ara

⁵⁰ Ao a kaeka Raab'an ma Betuera ao a taku, “Ngkai e bon roko te baei mairoun te UEA, ao bon akea ara b'ai ni baireia.

Karikani B'aai 24:50 ပူးပေါင်းရင်းမြစ်များ

Taian Areru 118:23

Boni mairoun te UEA te baei; ai kamimiira taraana!

Karikani B'aai 31:24

Ao E roko te UEA iroun Raab'an, ao E taku nakoina, “Ko na tarataraiko b'a ko na aki karaoa te m'akuri teuana ni karawawataa Iakob'a.”

Karikani B'aai 31:29

I kona ni karaoa te m'akuri ae kamaamate nakoim, ma E kaoti Atuan tamam nako iu ngke tairiki, ao E kauringai b'a N na aki karaoa te m'akuri teuana ni karawawatako.

Mareko 12:11

E riki aei mairoun te Uea; ai kamimii ra aron taraana!’ ”

2.Tamuera 13:22

Ao e bon karaoa naba ae e raoiroi Abetarom nakon Amnon kaanga akea te b'ai ae e riki, ma e bon rangi n ribaa Amnon n te b'ai are e karaoia nakon m'anena are Nei Tam'aa.

M'akuri 11:17

Ma ngaia are, ngkana a anganaki aomata aika tiaki I-Iutaia te b'ai n tituaraoi iroun te Atua, ae ti te bo arona ma are E anganira, ngke ti onimakina te UEA are Iesu Kristo, ao antai ngai b'a N na tuka te Atua?

Mataio 21:42

E taku Iesu nako ia, Kam tuai ni wareka are n te B'aib'ara are kangai: Te atibu are kakeaki bongana irouia taani kateitei, E a riki b'a bouan te maninganinga; Aei ana m'akuri te Uea, ao e kamimii i matara!

Karikani B'aai 24:55

Ma a taku m'anen Nei Rebeka ma tinana, “Taiaoka ma e na tiku riki teutana neiei i rarikira i nanon teuana te wiiki, ke tebwina te bong, ao i mwiina, kam a airi nako naba ma ngaia.”

Karikani B'aai 24:53

Ao e kaotinakoi ma n anga taian kunnikai ma tirewa, ao taiani koora aika tamaroa nakon Nei Rebeka. Ao e anga naba taiani b'aintangira aika bobuaka nakon m'anen Nei Rebeka ma tinana.

Karikani B'aai 24:28

Ao e birinako neierei nakon ana auti tinana, ao e karakin b'ai ni kabane.

Karikani B'aai 24:15

Ao i m'aain banen ana tataro, ao e roko Nei Rebeka ma ana konteina n ran i aon angana. Bon natin Betuera te aine ngaia, ao Betuera bon natin tarin Aberaam are Naora ma Nei Mireka.

Karikani B'aai 24:60

Ao a angan Nei Rebeka taeka ni kakab'aia aikai: “Ke ko riki ngkoe ae m'anera b'a tinaia mirion. Ke a taui aia kaawa aia kairiribai kanoam.”

Karikani B'aai 24:51

Bon aei Nei Rebeka, kam na airi ma ngaia. Kam na airi nako ma ngaia b'a buun natin ami toka, n aron are E a tia n taekinna te UEA.”

1.Uea 12:15

Ao ngke a ataia aomata b'a e aki kan ongo Reoboam irouia ao a takaarua ni kaangai, Ti na aki kakaonimaki nakon ana utu Tawita. Ti a kona ni karaoa are ti bon tangiri, nakomai Iteraera. Ti a okira mwengara. Ke e bon tautaekaniia ake bon oin ana botannaomata Reoboam. E mataniwi Atoram i aoia reib'a ake a kam'akuraki ma te matoa, ao e kanakoaki iroun Roboam b'a e na taetae nakoia aomata. Ma a karebanaia aomata n te atibu ni karokoa matena, e a manga birinako Roboam nakon ana kaa ni buaka ao e kawaekoaa n okira Ierutarem. Ma ngaia are, a okira mwengaia aomatan te baronga are meang mai Iteraera, ao a katuka Roboam b'a e na tii tautaekaniia kaain te kaawa are Iuta. Ao a teimatoa aomatan Iteraera ni moa man te bong anne ni kakaitaraa ana utu Tawita i Iuta. A bane n riki b'aai aikai n aron are e tia n tuanga Ieroboam ana burabeti te uea are Aiia.

1.Uea 12:24

“Kam na aki nako ni buakaniia aomatan Iteraera-bon ami koraki. Nako okirii mwengami. Bon te UEA ngai, ao I bon kariki baikai.” Ao e ongo taeka Roboam ma ana taanga ni buaka, ao a okirii mwengaia.