Karikani B'aai 24:32 - Te B'aib'ara

³² Ma ngaia are, e a nako Erietera nakon te auti, ao e karuoi b'aai Raab'an mai aon taiani kamero, ao e kam'arakeia n taian uteute. Ao i mwiina, e a uota te ran nakon ana toro Aberaam ma raona b'a tebokan waeia.

Karikani B'aai 24:32 ပူးပေါင်းရင်းမြစ်များ

Karikani B'aai 18:4

Taningaai b'a N na anaa te ran teutana i bukin tebokan waemi; kam kona ni katoki kuami moa i aan te aroka aei.

Karikani B'aai 19:2

ao e taku, “Raou aika kam karineaki, I tauraoi ni buokingkami. Nako mai nakon ana auti ami toro. Kam kona n teboki waemi ma ni matu ikai nakon te tairiki. Ao ningabong, kam a manga uti n reitanako kawaimi.” Ao a kaeka uakekei ni kaangai, “Ti aki, b'a ti a boni mena naba i tinaniku ikai ni karokoa te ngaina.”

Karikani B'aai 24:33

Ao ngke a roko taian am'arake, ao e taku Erietera, “Bon iai moa te b'ai ae I kan taekinna i m'aain am'arakera.” Ao e taku Raab'an, “Ao waakina am rongorongo mai ikanne.”

Karikani B'aai 29:13

ao ngke ongo rongorongon ai natina are Iakob'a, ao e biri nako ni kaitibo ma ngaia, e rab'atia, ao e kiiti ma ngaia ao e kairiia nakon ana auti. Ao ngke e a tia Iakob'a n tuanga Raab'an b'aai ni kabane ake a tia n riki,

Karikani B'aai 43:24

Ao e kairiia tarin Ioteb'a akekei te toro arei nakon te auti. E anganiia te ran b'a a na teboki waeia iai, ao e kamooi aia aati.

Ruka 7:44

E rairaki ngkanne Iesu nakon te aine, ao E taku nakon Timon, “Ko nora te aine aei? I rin n am auti, ao akea te ran ae ko anganai b'a tebokani waeu, ma neiei e kam'aim'ai waeu n ranni matana ao e kaoi n iran atuna.

1.Timoteo 5:10

ao e kakoauaki b'a te aine ngaia ae kakaraoi m'akuri aika raraoi, n arona ni kaikawaia natina, n akoia iruwa, n teboki waeia raona ni Kristian, ni buokiia aika rawawata, ao n arona ni botum'aka ni karaoi m'akuri aika raraoi ni kabane.

Tani Motiki-taeka 19:21

Ao e kairiia nakon ana auti ao e kam'arakei aia aati. Ao i mwiina, e teboki waeia, ao a am'arake ma ni mooi.

1.Tamuera 25:41

Ao e bobaraaki Nei Abikaira nako aontano ao e taku, “Bon ana toro ngai ae I tauraoi n teboki waeia ana toro nako.”