Karikani B'aai 24:3 - Te B'aib'ara

³ b'a I tangiria ni berita ma ngkoe n aran te UEA, ae Atuan karawa ma aonnaba, b'a ko na aki karekea buun natiu te mm'aane mai buakoia kaain Kanaan.

Karikani B'aai 24:3 ပူးပေါင်းရင်းမြစ်များ

Karikani B'aai 14:19

E kakab'aiaa Aberam Merekitereka ao e taku, “Ke e kakab'aiaa Aberam te Atua ae Moan te Rietaata are karaoa karawa ma aonnaba!

Karikani B'aai 14:22

Ao e taku Aberam. “I a tia n tuea nakon te UEA, ae Moan te Rietaata, ae karaoa karawa ma aonnaba,

Karikani B'aai 21:23

Ma ngaia are, kam na karaoa ami berita ikai i matan te Atua b'a kakoauaan ae kam na bon aki kam'aneai ma au koraki n ataei, ke kanoau rimwi. I a tia ni kakaonimaki nakoim, ma ngaia are, ko na kakaonimaki naba nako iu, ao nakon te aba aei ae ko maeka iai.”

Karikani B'aai 24:7

E anaai te UEA ae Atuan karawa mai abaia tamau ma au koraki, ao E berita nako iu b'a E na anga te aba aei nakoia kanoau. Ane E na bon kanakoa te anera i m'aaim b'a ko aonga ni kona ni karekea buun natiu te mm'aane.

Karikani B'aai 27:46

Ao e taku Nei Rebeka, “Ti a rangi n aoraki irouia buun Etau aika i abatera. Ao ngkana e a manga iein Iakob'a ma temanna ainen Eta, ao I a boni mate naba.”

Karikani B'aai 28:1

Ao e wetea Iakob'a Itaaka, e kamauria, ao e taku nako ina, “Ko na aki mare ma ainen Kanaan.

Karikani B'aai 28:8

Ao e a tib'a ataia Etau b'a ngaia e ribaia ainen Kanaan tamana are Itaaka.

Karikani B'aai 34:9

Ti na karaoa te boraraoi b'a a na iein ara aomata ma ami aomata.

Karikani B'aai 38:2

Ao e kaaitibo Iuta ma ainen Kanaan temanna are natin Tua. Ao e iein ma ngaia,

Karikani B'aai 47:31

Ao e taku Iakob'a, “Berita nako iu b'a ko na karaoa anne.” Ao e berita Ioteb'a nako ina, ao e anga ana kaaitau Iakob'a mai aon ana kainiwene.

Karikani B'aai 50:25

Ao i mwiina, e a bubuti Ioteb'a nako ia ana aomata b'a a na berita, ao e taku, “Kam na berita nako iu, b'a ngkana E kairingkami te Atua nakon te aba arei, ao kam na uota naba rab'atau ma ngkami.”

Karikani B'aai 6:2

ao iai tabeman natiia kaaini karawa aika mm'aane ake a noriia ataeinaine aika tikiraoi aikai, ao a karekei buia i buakoia.

Karikani B'aai 6:4

Ao a mena i aon te aba aomata aika taian toa ni boong akekei, ake aia kariki taian aine ake bon aomata ma natiia kaaini karawa. Ao boni ngaiia aomata aika a kakannato ma ni korakora n taai ake ngkoa.

2.Uea 19:15

Ao e tataro: Te UEA ae Atuan Iteraera, e mena am kaintokanuea i aoia b'aai aika a maiu aika iai baiia ni kiba. Ko karaoa karawa ma aonnaba, ao bon ti ngkoe ae Ko tautaekani abanuean te aonnaba aei.

2.Rongorongo 2:12

Kamoamoa te UEA ae Atuan Iteraera are E karaoa karawa ma aonnaba! E a tia n angan Tawita natina te m'aane ae e aki ti rabakau ma ni m'aatai, ma iai naba rabakauna ni karaoa te Tembora i bukin te UEA ao ni karaoa naba te bareti bon i bukina.

Etira 5:11

A taku b'a ngaiia bon ana toro te Atua ae e tautaekana karawa ao aonnaba. Ao a taku b'a a manga karaoa te Tembora are e a bon tia ni karaoaki n ririki ake a b'akanako iroun uean Iteraera temanna ae e rangi ni kakannato.

Neemia 13:25

Ma ngaia are i bukin marakin nanou, ao I a kamaraiaia m'aane aikai. I tua b'a a na oreaki ao ni bon kouti naba iran atuuia tabeua. Ao i mwiina, I karaoia b'a a na berita; N aran te Atua ao I berita b'a n na aki mareia natiu m'aane ao natiu aine ma I-anena.

Neemia 9:6

Bon ti ngkoe te UEA, te Tia karaoa karawa ao taiani itoi ni kabane, te Tia karaoa te aonnaba ao ake a maeka i aona, te Tia karaoa marawa ao b'aai ake a maiu iai. Boni ngkoe boton te maiu, ae e neboaki irouia taian itoi aika a kaoni taiani karawa.

Taian Areru 115:15

Kam bia kakab'aiaki iroun te UEA, ae karaoa karawa ma aonnaba!

Taian Areru 136:26

Kam na katituaraoa Atuani karawa; b'a akea tokin ana Tangira.

Te Otinako 20:7

“Kam na tai kabongana arau i bukin m'akuri aika buakaka, b'a bon te UEA Ngai ae Atuami ae katuaaia akana a aki kabongana arau n te aro ae eti. Bon te UEA Ngai ae Atuami, ao N na bon katuaaea ane e kamanenaa arau n aki akaaka.

Te Otinako 22:11

Ngkana ko bon tuea ma Ngai b'a am tia kakoaua b'a ko bon aki kaikoaka te man anne, ao ko riai n aki kabooa mwiina. E riai n rau nanon te tia b'aib'ai n am kaotioti.

Te Otinako 23:13

Ma kakoauaa raoi b'a kam ongotaeka nakoni b'aai nako aika I a tia n taekin. Kam na aki tataro nakoia anti tabem'aang ke n atong araia.

Te Otinako 34:16

Ane a na mare ami mm'aane ma aia aine ma ni kakairi n taromauriaia antiia.

Itaia 45:23

I a tia ni karaoa te berita ae e matoa, ae akea temanna ae e konaa n urua; A na bane ni boobaraaki aomata ni kabane ma n taromauriai.

Itaia 48:1

Kaain Iteraera kam nako mai roun ana utu Iakob'a ao barongan Iuta. Kam taekinna b'a kam taromauriia, te UEA ae Atuan Iteraera, ma kam kewe.

Itaia 65:16

Kaain te aba ane e bubuti kakab'aiakina, e na tuangaki b'a e na kakab'aiaki mai roun te Atua ae e kakaonimaki. Ane e taetae ni bau e na taetae ni bau n aran te Atua ae e kakaonimaki.

Ieremia 10:11

Ko tuangai b'a n na taekinna b'a a aki karaoa taiani karawa ma aonnaba taian bouananti, ao Ko na kamaunai taiani bouananti Ngkoe ae te UEA.

Ieremia 12:16

A reireiniia au aomata ngkoa aron taromaurian B'aara. Ma ngkana a kakoaua b'a bon te Atua ni koaua Ngai, ao ngkana a kariaia au aomata b'a a na reireinaki irouia aron taromauriau, ao a na manga riki botannaomata aikai b'a Au aomata.

Ieremia 29:6

Kam na iein ao karikiia natimi, ao i mwiina kam na buokiia natimi mm'aane ni kakaaeia buuia ao buokiia naba natimi aine ni kakaaeia buuia, b'a a aonga ni karikiia naba natiia. I tangiria b'a e na rikirake m'aitimi, e na aki rikirake ni uarereke.

Ieremia 4:2

Kam na karaoa te berita ti n arau, ao karaoa nanon are kam berita iai! Ao ane a na bane iai botannaomata n neboai, ao N na kakab'aiaia.

Nakoaia Ibonga 19:12

Tai kabonganaabuaka Arau ni karaoan berita aika kam na bon aki kaawakin. Bon te UEA Ngai ae Atuami.

Teb'ania 1:5

N na kamaunaia ake a tam'arakei taubukin aia auti man taromauriia taai, nam'akaina, ao taian itoi. N na kamaunaia naba ake a taromauriai man berita b'a ana kakaonimaki nako iu, ao a manga rairaki nakon te anti are Marekam.

Warekaia Iteraera 5:21

ao ko na bon aki konaa ni kariki, ao a na bane ni kamaraia aram aomata nako.”

1.I-Korinto 7:39

Akea inaomatan te ainenum'a ngkae e maiu buuna; ma ngkana e mate buuna, ao e a inaomata ngkanne ni manga mareaki ma te mm'aane are e tangiria, ae te Kristian.

Te Tua-Kaua 10:20

Karinea te UEA ae Atuami, m'akuri i bukina, ao kam na berita n arana n ti Ngaia.

Te Tua-Kaua 6:13

Taromauriia, ao ongotaeka iroun te UEA ae Atuami ma te maaku ao te ruru, ao berita b'a kam na kakaonimaki nakoina.

Ebera 6:16

B'a ngkana a taetae n tuea aomata ao a kabonganai araia ake a kakannato riki nako ia; b'a te taeka ni berita boni ngaia ae katoki kauntaeka ni bane.

Iotua 2:12

Ma ngaia ae I butingkami ngkai, b'a kam na berita i matan Atuami b'a kam na nanoangaiia au utu n ai arou ngke I nanoangaai ngkami naba. Ao kam na anganai te kanikina ae N na kakoauai ngkami iai.

Tani Motiki-taeka 14:3

Ao a taku ana karo nakoina, Ai m'aitira ainen ara kaainga, ao a m'aiti riki ainen Iteraera. Bon te naani beekan kaain Biritia. E aera ngkai ko kan iein ma ainen Biritia? Ao e taku Tamton, I rangi ni b'aka i rouna, kam na anaia b'a bu.

1.Tamuera 20:17

Ao e a manga kaberitaa riki Tawita Ionatan b'a e na tangiria, i bukina ngke e rangi n tangira Tawita Ionatan n aron tangirana i bon i rouna.

1.Tamuera 30:15

Ao e titirakinna Tawita ni kaangai. “Ko konaa ni kairai nakoia taan kurib'ai akanne?” Ao e kaeka ni kaangai, “N na kairiko ngkana ko berita nako iu n aran Atuam b'a ko na aki tiringai ke n anga ngai nakon au toka.”