Karikani B'aai 24:27 - Te B'aib'ara

²⁷ Ao e taku, “E na neboaki te UEA, ae Atuan au toka are Aberaam, ae bon kakaonimaki ni kakoroa bukin ana Berita ma au toka. E a tia ni kairai raoi te UEA nakoia ana koraki au toka.”

Karikani B'aai 24:27 ပူးပေါင်းရင်းမြစ်များ

Karikani B'aai 13:8

Ao e taku Aberam nakon Roota, “A aki riai ni kauntaeka am aomata ma au aomata ngkai boni koraki ni kaan ngaira.

Karikani B'aai 14:20

E na neboaki te Atua ae Moan te Rietaata are E anganiko te tokanikai i aoia am kairiribai.” Ao Aberam e angan Merekitereka teuana te katebwina man b'aai ake e uoti rikaaki man te buaka.

Karikani B'aai 24:12

Ao e tataro nakon te Atua ao e taku, “Te UEA, ae Atuan au toka are Aberaam, Ko na kakoroa bukin au waaki n te bong aei, ao kawakina am Berita nakon au toka.

Karikani B'aai 24:21

Ao e taratara neirei Erietera ma te aki kakarongoa, b'a e karaua ni kakoaua raoi b'a bon ngaia arei te aine ae rineia te UEA ke tiaki.

Karikani B'aai 24:4

Ma ko na okirikaaki nakon te aba are I bungiaki iai, ao ko na karekea iai buun natiu te mm'aane are Itaaka mai buakoia au utu.”

Karikani B'aai 24:42

“Ao ngke I a roko n te m'anib'a n te bong aei, ao I tataro ni kaangai, ‘Te UEA ae Atuan au toka are Aberaam, I butiko b'a Ko na kakoroa bukin te b'ai ae I waakinna.

Karikani B'aai 24:48

Ao I katorobubua n taromauria te UEA, are Atuan au toka are Aberaam, are E a tia ni kairai raoi nakon ana koraki au toka, are I a kunea iai te nati te aine i bukin natina.

Karikani B'aai 32:10

Akea bonganan au m'akuri aika raoiroi ake I a tia ni karaoi ngai ae am toro. I ri aon ngkoa te Ioretan ti man te oko, ao ngkai I a oki ma au koraki aika uakoraki aikai, n ikotaki ma au nanai ni maan aika kawakawa.

Karikani B'aai 32:11

Kamaiuai, I tataro nakoim i bukin tariu are Etau. I a maaku b'a e nang roko ni buakanai ma n tiringiira ni kabane, n reitaki naba ma aine ao ataei.

Karikani B'aai 9:26

Nebonebo nakon te UEA, ae Atuan Tem. E na riki b'a ana toro Tem.

2.Tamuera 18:28

Ao e weewete Aimaati ni kaangai, “Ti tokanikai! Ti tokanikai!” Ao i mwiina, e bobaraaki ni karinanoa nakon Tawita ao e kaangai, “Te uea ae ko karineaki, neboa te UEA ae Atuam! E a tia n anganiira te tokanikai i aoia ana kairiribai.”

Taian Areru 100:5

B'a e raoiroi te UEA, ao akea tokin ana ataataiaomata; Ao ai uana nako naba ana kakaonimaki nakon te rorona ma te rorona.

Taian Areru 68:19

E na neboaki te Uea, ae uouoti uotan te bong ae koraki; Boni Ngaia te Atua ae kamaiura.

Taian Areru 98:3

E kateimatoa ana berita nako ia te botannaomata ae Iteraera ma te karinerine ao ana Tangira i bukiia. A bane aomata nako n nora aron Atuara ni kamaiuia ana Aomata.

Te Otinako 18:10

ao e taku, “E neboaki te UEA are E kamaiuko mairoun uean Aikubita ma kaaina! E neboaki te UEA are kamaiuia Ana aomata man te tautoronaki!

Te Otinako 2:11

Ao e otinako Moote ngke e a ikawai nakon te tabo are a mena iai oin ana aomata aika m'akuri korakora, ao e noora te I-Aikubita ae e orea temanna mai buakoia.

Te Otinako 2:13

Ao ngke e manga oti nako Moote n te bong are i mwiina, e a manga nooria Ebera uoman aika a un. Ma ngaia are, e kawara te mm'aane are e moan karika te un ao e titirakinna ni kaangai, “E aera ngkai ko a manga bon orea raom ae bon kaain abam?”

Te Otinako 34:6

Ao i mwiina, e ri matan Moote ao e weewete ni kaangai, “Bon te UEA Ngai ae te Atua. I nanoanga ao I taotaonaki n nano nakoia au aomata. I kaota nakoim te tangira ae e korakora, ao te kakaonimaki.

Taeka n Rabakau 3:6

Karikia n taai nako b'a te tia kairiko, ao e na kaitiaka te kawai b'a ko aonga n ri mwiina.

Taeka n Rabakau 8:20

I aki toki ni kaakaraoa te raoiroi,

Mika 7:20

Ko na kaota Am kakaonimaki ao Am tangira ae e teimatoa nakoia Am aomata, aika kanoaia Aberaam ao Iakob'a, n ai aron are Ko berita iai ngkoa nakoia ara bakatibu.

Ruka 1:68

E na neboaki te Uea, ae Atuaia Iteraera! b'a E kawariia ana aomata ao E kamaiuia,

Ioane 1:17

E anganaki te aba te Tua irouni Mote; ma te akoaki ao te koaua a roko iroun Iesu Kristo.

I-Ebeto 1:3

E na karaoiroaki te Atua are Taman ara UEA are Iesu Kristo, are E kakab'aiaira iroun Kristo ni b'aai ni kakab'aia ni kabane ake mai Rouna, ake b'aini karawa.

1.Timoteo 1:17

Ana b'ai te Uea ae akea tokina, ae aki mamate, ae aki nonoraki, ae te Atua ae ti temanna, te karineaki ma te neboaki n aki totoki. Amen.

Ruuta 4:14

Ao a taku aine akekei nakon Naomi, “Neboa te Atua, b'a E a tia n anganiko tibum te m'aane are e na kawakiniko. Ke e riki te ataeinim'aane aei b'a te aomata ae kakannato i aon Iteraera.

1.Tamuera 25:32

E taku Tawita nakon neierei, “E na neboaki te UEA, ae Atuaia Iteraera, are E kanakomaiko n te bong aei b'a ko na kawarai!

1.Tamuera 25:39

Ao ngke e ongo Tawita taekan Nab'ara b'a e a tia ni mate, ao e taku, “E na neboaki te UEA! E a tia n irantangaai mairoun Nab'ara i bukina ngke e kamamaaeai ao E kaawakinai b'a N na aki karaoa ae e buakaka. E a tia te UEA ni katuaaea Nab'ara i bukin ana m'akuri ae e buakaka.” Ao i mwiin arei, e karaoa ana kabutiman Tawita b'a e kan mare ma Nei Abikaira.