Karikani B'aai 24:15 - Te B'aib'ara

¹⁵ Ao i m'aain banen ana tataro, ao e roko Nei Rebeka ma ana konteina n ran i aon angana. Bon natin Betuera te aine ngaia, ao Betuera bon natin tarin Aberaam are Naora ma Nei Mireka.

Karikani B'aai 24:15 ပူးပေါင်းရင်းမြစ်များ

Karikani B'aai 11:27

Ao aikai kanoan Teera are taman Aberam, Naora, ao Aran. Taman Roota bon Aran,

Karikani B'aai 11:29

E iein Aberam ma Nei Tarai, ao e iein Naora ma Nei Mireka, are natin Aran te aine, are tarin Itika.

Karikani B'aai 21:14

Ao n te moaningabong are n te bong are i mwiina, ao Aberaam e angan Nei Aka tabeua te am'arake, ao te kun ni man ae on n te ran. Ao Aberaam e katokaa te ataei i nukan neierei, ao e a kanakoia. Ao e m'ananga nako neierei n tiotio nako i nanon te Rereua are Beerateb'a.

Karikani B'aai 24:14

N na taetae nakon temanna mai buakoia ni kaangai, ‘Taiaoka, anganai am tiaeki n ran b'a N na mooi iai teutana.’ Ao ngkana e kaangai, ‘Moi, ao N na kamooia naba am kamero,’ ao tera ngke ngaia anne te aine ae Ko a tia n rineia i bukin am toro are Itaaka. Ngkana e riki aio, ao I ataia ngkanne b'a Ko bon kakoroa bukin am Berita ma au toka.”

Karikani B'aai 24:24

Ao e kaeka neierei, “Bon Betuera tamau are natin Naora ma Nei Mireka.

Karikani B'aai 24:45

Ao i m'aain banen au tataro, ao e roko Nei Rebeka ma ana konteina n ran i aon angana, ao e nakon te m'anib'a n itiia te ran. Ao I taku nako ina, ‘Taiaoka ma ko na anganai te mooi teutana.’

Karikani B'aai 25:20

Ao ai abwi ana ririki ni maiu Itaaka ngke e mare ma Nei Rebeka, are natin Betuera te aine (Kaain Turia mai Batanaram), ao m'anen Raab'an.

Karikani B'aai 29:5

Ao e manga titirakiniia riki, ao e taku, “Ao kam kinaa Raab'an, are tibun Naora?” Ao a taku, “Eng, ti kinaa.”

Karikani B'aai 29:9

Ao ngke e bon tabe n taetae Iakob'a ma ngaia, ao e roko Nei Rakera ma ana nanai n tiibu.

Taian Areru 34:15

E aki kaaki matana te UEA mairouia akana raoiroi; ao E ongo ni b'anaaia ni bubuti.

Taian Areru 65:2

i bukina ngkai Ko kaekai tataro. A na bane n roko nakoim aomata man taabo nako

Te Otinako 2:16

ao a roko itiman natin Ietero are ibongan Miria, b'a a na kamoiia ana tiibu ma ana kooti tamaia.

Taeka n Rabakau 31:27

E tararuaia raoi ana utu ao e aki konaa n taningaroti.

Itaia 58:9

E na kaekaingkami te UEA ni kaangai, “Aio Ngai!” Ngkana kam buubutiai buokami. Kam na aki karaoa ae aki raoiroi nakoia tabem'aang ke ni bukiniia n te aro ni kewe ke n taetae n aki akaaka nakoia.

Itaia 65:24

Im'ain tokin aia tataro, ao N na kaekai aia tataro.

Ruuta 2:17

Ao e karemrem Ruuta n te tawaana ni kabongnga, ao ngke e a tia n oroi ni kanakoi kuniia, ao e kaania tebwina te kirokuraem rawawatana.

Ruuta 2:2

N te bong teuana, ao e taku Ruuta nakon Naomi, “N na nako n te tawaana ni b'aare ni karemrem nikiran ake a tia n rikoi taan tai. E na bon nanoangaai temanna ni kariaia b'a N na karemrem.” E taku Naomi, “Naako natiu.”

1.Tamuera 9:11

Ao ngke a tabe n tam'arakea te tabuki ike e mena iai te kaawa, ao a kaaitibo ma te ateiaine ae na itiran, ao a taku m'aane ake uoman akekei nako ina, “Ti kakaea te m'aane are a kakaoti taiani kaotioti nako ina, e memena n te kaawa aei ke e aki?”