Karikani B'aai 24:14 - Te B'aib'ara

¹⁴ N na taetae nakon temanna mai buakoia ni kaangai, ‘Taiaoka, anganai am tiaeki n ran b'a N na mooi iai teutana.’ Ao ngkana e kaangai, ‘Moi, ao N na kamooia naba am kamero,’ ao tera ngke ngaia anne te aine ae Ko a tia n rineia i bukin am toro are Itaaka. Ngkana e riki aio, ao I ataia ngkanne b'a Ko bon kakoroa bukin am Berita ma au toka.”

Karikani B'aai 24:14 ပူးပေါင်းရင်းမြစ်များ

Karikani B'aai 15:8

Ma e kaeka Aberam, “Te UEA ae Moan te M'aaka, N na kanga n ataia b'a ai bon abau?”

Karikani B'aai 24:13

I a mena ngkai i rarikin te m'anib'a are a na roko iai aine n itiran.

Karikani B'aai 24:15

Ao i m'aain banen ana tataro, ao e roko Nei Rebeka ma ana konteina n ran i aon angana. Bon natin Betuera te aine ngaia, ao Betuera bon natin tarin Aberaam are Naora ma Nei Mireka.

Karikani B'aai 24:18

Ao e taku neierei, “Aei te ran, moi,” Ao e karuoa te konteina mai aon angana, ao e taua te konteina n ran ni kamooa iai Erietera.

Karikani B'aai 24:19

Ao ngke e a ngae teuarei, ao e taku neierei nakoina, “N na itiia naba nimaia am kamero ma ni kangaaeia raoi.”

Karikani B'aai 24:43

Aio ngai ae I mena i rarikin te m'anib'a aei. Ngkana e roko te ataeinaine n itiran, ao N na bubutiia b'a e na anganai ana ran teutana man ana konteina n ran.

Karikani B'aai 24:44

Ngkana arona b'a e kariaia, ao e anganiia naba au kamero te ran, ao boni ngaia anne te ataeinaine ae Ko rineia b'a buun natin au toka.’

2.Tamuera 20:9

Ao e taku Ioaba, “Tamau ae Amata, ko uara ngkai?” Ao e taui buain Amata teuare Ioaba ni baina are te angaatai, b'a e aonga ni konaa ni kiitinna.

2.Tamuera 5:24

Kam na tataninga ikekei ni karokoa ae kam na ongo karongoaia taanga ni buaka aika a m'aati mai taberan taian aroka. Ao kam na kawaekoaingkami ni buaka! Nanon te tang anne b'a I a tia n rimoami ni m'aati ni buakaniia aia taanga ni buaka kaain Biritia.

Taeka n Rabakau 19:14

Kam na b'aib'ai ni b'aai ni kabane akana kam b'ain mairouia am karo, ma te aine ae e iangoraoi bon te b'aintangira mairoun te UEA.

Itaia 7:11

“Buubutiai kanikinaean ae e na bon koro bukin au berita. Buubuti b'a N na anganiko te kanikina mai nano n aia aonnaba maate ke i eta n taiani karawa.”

I-Rom 1:10

ni katoa te tai are I tataro iai, ao I butia te Atua b'a ngkana nanona, ao e bia reke te tai are N na m'ananga iai ni kawaringkami ngkai.

Tani Motiki-taeka 18:5

Ao a taku m'aane akekei nakoina, Taiaoka, ma ko na taetae nakon te Atua i bukira. Titirakina te Atua b'a e na koro bukin te b'ai ae ti waakinna ke na aki?

Tani Motiki-taeka 6:17

Ao e taku Kiteon, “I bon aki konaa ni kakoauaa b'a I a taetae ma te UEA. Taiaoka, karaoa te b'ai teuana ae N na kakoauaa iai b'a te UEA ngkoe.

1.Tamuera 20:7

Ao ngkana arona b'a e kaangai, ‘E tamaroa’ Ao e na akea te kangaanga nako iu; ma ngkana e un, ko na ataia b'a e iaiangoa tiringakiu.