Karikani B'aai 24:12 - Te B'aib'ara

¹² Ao e tataro nakon te Atua ao e taku, “Te UEA, ae Atuan au toka are Aberaam, Ko na kakoroa bukin au waaki n te bong aei, ao kawakina am Berita nakon au toka.

Karikani B'aai 24:12 ပူးပေါင်းရင်းမြစ်များ

Karikani B'aai 15:1

Ao i mwiin aei, ao e roko te kaotioti iroun Aberam, ao e ongo Ana taeka te UEA ngke E kaangai, “Ko na aki maaku, Aberam. N na kamanoko man taiani kaangaanga ao N na anganiko kaniwangam ae moan te buubura.”

Karikani B'aai 24:21

Ao e taratara neirei Erietera ma te aki kakarongoa, b'a e karaua ni kakoaua raoi b'a bon ngaia arei te aine ae rineia te UEA ke tiaki.

Karikani B'aai 24:27

Ao e taku, “E na neboaki te UEA, ae Atuan au toka are Aberaam, ae bon kakaonimaki ni kakoroa bukin ana Berita ma au toka. E a tia ni kairai raoi te UEA nakoia ana koraki au toka.”

Karikani B'aai 24:42

“Ao ngke I a roko n te m'anib'a n te bong aei, ao I tataro ni kaangai, ‘Te UEA ae Atuan au toka are Aberaam, I butiko b'a Ko na kakoroa bukin te b'ai ae I waakinna.

Karikani B'aai 24:48

Ao I katorobubua n taromauria te UEA, are Atuan au toka are Aberaam, are E a tia ni kairai raoi nakon ana koraki au toka, are I a kunea iai te nati te aine i bukin natina.

Karikani B'aai 26:24

Ao E kaoti te Atua nako ina n te tairiki anne, ao E taku, “Boni Ngai Atuan tamam are Aberaam. Ko na aki maaku; I mena iroum. N na bon kakab'aiako ma n anganiko am kariki aika m'aiti i bukin au berita ma Aberaam are Au toro.”

Karikani B'aai 27:10

Ao ko na uotia nakoina b'a e na am'arake iai, ao ane na anganiko ana taeka ni kakab'aia i m'aain matena.”

Karikani B'aai 27:20

Ao e taku Itaaka, “Natiu!” e aera ngkai ko a manga rangi ni baiti ni karekea?” Ao e taku Iakob'a, “B'a E buokai te UEA ae Atuam ni kakaea.”

Karikani B'aai 28:13

Ao e tei te UEA i rarikina, ao E taku, “Boni Ngai te UEA, are Atuan Aberaam, ao Itaaka. N na anganiko ma am kariki te aba aei ae ko wene iai.

Karikani B'aai 31:42

Ngke tao arona b'a E aki mena i rou Atuan tamau ake Aberaam ao Itaaka, ao ko na boni kanakoai ma te akea. Ma E bon noori au kangaanga te Atua ma au m'akuri ake I a tia ni karaoi, ao ngke e tairiki, ao E tuangko arom aika a kaairua.”

Karikani B'aai 32:10

Akea bonganan au m'akuri aika raoiroi ake I a tia ni karaoi ngai ae am toro. I ri aon ngkoa te Ioretan ti man te oko, ao ngkai I a oki ma au koraki aika uakoraki aikai, n ikotaki ma au nanai ni maan aika kawakawa.

Karikani B'aai 32:9

Ao e tataro Iakob'a ao e taku, “Atuan tibuu are Aberaam, ao Atuan tamau are Itaaka, ongora irou. Ko tuangai te UEA b'a N na nako n okira abau nakoia au koraki, ao Ko na kanakoraoi b'aai ni kabane i buku.

Karikani B'aai 43:14

E bia karika te aomata arei te Atua ae m'aaka b'a e na nanoangaingkami, b'a e aonga ni kaoka tarimi ae Beniamin ma tarimi naba ake tabeman nako imi. Ngkana tao ai boni katauana b'a a nang akea natiu, ao kai are I a kataua naba.”

1.Uea 18:36

Ao ngke e a bo tain te angakarea n te tairiki, ao e tataro Eria ni kaangai: Ara UEA, Boni ngkoe Atuan Aberaam, Itaaka, ao Iteraera. Ko na kaotia raoi b'a boni ngkoe Atuan te botannaomata aei, ao ngai ae am toro I boni karaoa aei n am babaaire.

2.Uea 2:14

E orea te ran n te kunnikai arei, ao e mataku ao e taku, Tera ngkana E karaoi kakai te UEA n aron are E karaoia ngkoa nakon Eria? Ao ni bon te tai are e karaoa aei iai Eritai, ao e a uki naba te kawai ae e m'au i nanon te ran, ao e a m'ananga i nanona.

Neemia 1:11

I butiiko b'a Ko na kaekaa au tataro ao aia tataro am taani m'akuri ake tekorakina aika a kukurei naba ni karinea aram. Ngkana I uota ana wain te uea n te bong aei, ao karaoia b'a e na kukurei irou, ma ni karaoa te b'ai ae n na buubutiia.

Neemia 2:4

Ao e taku te uea, “Ao tera ae ko tangiria b'a n na karaoia?” I tataro nakon te Atua are e taua taekan karawa.

Taian Areru 118:25

Kamaiura, te UEA, kamaiura! Ti na butiia te UEA ma nanora aika itiaki b'a e na anganira te tekeraoi!

Taian Areru 122:6

Ierutarem, ti na tataro b'a ko aonga n rau: ao a na bane n tekeraoi akana tangiriko.

Taian Areru 127:1

Ngkana E aki katea te auti te Atua, ao e matebuaka aia m'akuri taani kateitei. Ngkana E aki teiakina te kaawa te Atua, ao e matebuaka aia tei taan tantani.

Taian Areru 37:5

Kaki taekam i nanoni bain te UEA; Onimakinna ao E na buokiko.

Te Otinako 3:15

Ko na tuangiia b'a bon te UEA Ngai ae Atuaia aia bakatibu, Atuan Aberaam, Itaaka, ao Iakob'a, ae I kanakoko nako ia. Bon aei arau n aki toki, Aio arau ae a na aranai iai rooro aika rimwi.

Te Otinako 3:6

Bon te Atua Ngai are I taataromauriaki irouia am bakatibu ake Aberaam, Itaaka, ao Iakob'a.” Ao e maaku Moote n taraa te Atua, ma ngaia are, e karabaa matana.

Taeka n Rabakau 3:6

Karikia n taai nako b'a te tia kairiko, ao e na kaitiaka te kawai b'a ko aonga n ri mwiina.

Mataio 22:32

Bon Atuan Aberaam Ngai, ao Atuan Itaaka, ao Atuan Iakob'a? Tiaki Atuaia akana mate te Atua, ma bon Atuaia akana maiu.

I-Biribi 4:6

Kam na tai iangoa te b'ai teuana n raraomaeakinna; ma a na kaotaki ami bubuti nakon te Atua ni b'aai ni kabane, n te tataro ni bubuti ae raonaki ma te katituaraoi.