Karikani B'aai 24:1 - Te B'aib'ara

¹ Ao e a rangi ni kara ngkai Aberaam, ao E a tia te Atua ni kakab'aiaa ni b'aai ni kabane ake e a tia ni karaoi.

Karikani B'aai 24:1 ပူးပေါင်းရင်းမြစ်များ

Karikani B'aai 12:2

N na anganiko am kariki aika rangi ni m'aiti, ao a na riki b'a te botannaomata ae korakora. N na kakab'aiako, ao N na kakannatoa aram, b'a ko aonga n riki b'a te kakab'aia nakoia aomata.

Karikani B'aai 13:2

Ao bon te aomata ae rangi ni kaub'ai Aberam n te tiibu, ma te kooti, ma te kao, ao ai uana naba ma te tirewa ma te koora.

Karikani B'aai 18:11

A bon rangi ni kara Aberaam ma Nei Taara, ao e a m'akoro Nei Taara.

Karikani B'aai 21:5

Ai tebubua ana ririki ni maiu Aberaam ngke bungiaki Itaaka.

Karikani B'aai 24:35

E a tia ni kakab'aiaa au toka are te UEA, ao E karikia b'a te aomata ae kaub'ai. E anganna ana nanai n tiibu, ana nanai ni kao, ana tirewa, ana koora, ana toro aika aine ma mm'aane, ana kamero, ao ana aati.

Karikani B'aai 25:20

Ao ai abwi ana ririki ni maiu Itaaka ngke e mare ma Nei Rebeka, are natin Betuera te aine (Kaain Turia mai Batanaram), ao m'anen Raab'an.

Karikani B'aai 26:12

Ao e ununiki Itaaka n te aba arei, ao n te ririki are e taia tebubua okiokin te m'aiti are e a tia n unikia, i bukina ngke E kakab'aiaki iroun te UEA.

Karikani B'aai 49:25

Bon Atuan tamami ae buokingkami, Te Atua ae Moan te M'aaka ae kakab'aiaingkami N te karau mai eta ao te ran mai aan te aba, Ao taiani kakab'aia aika kao ma ataei aika m'aiti,

1.Uea 1:1

E a bon rangi ni kara ngkai te uea are Tawita, ao e a rangi ni mamariri e ngae ngkana e rabunaki ni burangketi aika a rawata.

Taeka n Rabakau 10:22

Ngkana e kakab'aiaingkami te UEA n taiani kaub'ai, ao bon akea te b'ai ae kam na raraomaeakinna.

Itaia 51:2

E rinea Aberaam ao Taara te UEA b'a ami bakatibu. E kakab'aia Aberaam te UEA ao man te aomata ane temanna anne ane a nako maiai kariki aika a m'aiti.

Mataio 6:33

Ma kam na ukoukora moa Uean te Atua ma ana raoiroi, ao E na karekei baikai ni kabane te Atua nako imi.

Ruka 1:7

Akea natiia b'a e kanoabo Nei Eritabeta, ao a uaia ni kara.

I-Karatia 3:9

ma ngaia ae a uaia ni kab'aia aika onimaki ma Aberaam are onimaki.

I-Ebeto 1:3

E na karaoiroaki te Atua are Taman ara UEA are Iesu Kristo, are E kakab'aiaira iroun Kristo ni b'aai ni kakab'aia ni kabane ake mai Rouna, ake b'aini karawa.

1.Timoteo 4:8

B'a bon iai teutana bonganani kataneiaan te rab'ata b'a e na marurung, ma te maiu n reitaki ma te Atua e bongana i bukini b'aai ni kabane, ngkai iai taeka n akoi, ae iai te kab'aia iai i bukin te maiu aei, ao i bukin te maiu ae na roko.