Karikani B'aai 23:4 - Te B'aib'ara

⁴ “Bon te iruwa ngai i buakomi, taiaoka ni kaboa te aba teuana nako iu, b'a N na tauna iai rab'atan buu.”

Karikani B'aai 23:4 ပူးပေါင်းရင်းမြစ်များ

Karikani B'aai 17:8

N na anganiko ma am kariki te aba ae te iruwa ngkoe iai ngkai. E na riki te aba ae Kanaan b'a aia b'ai ami bakatibu n akea tokina, ao N na riki b'a Atuaia.

Karikani B'aai 23:5

Ao a taku nako ina,

Karikani B'aai 3:19

A na reke kanam mani maonon ram'am ni karokoa manga okiran te tano are ko boni karaoaki mai iai. Ko karaoaki man te tano, ao ane ko na manga bon okira te tano.”

Karikani B'aai 47:9

Ao e taku Iakob'a, “M'aitin au ririki i nanon maiu ae te m'am'ananga bon tebubua tenibwi te ririki. Ao ririkini maiu aikai a bon kimototo, ao a kamaamate, tiaki aron anaanaun ririkin maiuia au bakatibu i nanon maiuia naba ni m'am'ananga.”

Karikani B'aai 49:30

are i Makebera i mainikun Mamre n te aba are Kanaan. E kabooa te b'angani matang aei Aberaam mairoun Eberon b'a ana tabo n taunimate.

Karikani B'aai 50:13

a uota rab'atana nako Kanaan, ao a taunna n te b'angani matang are i Makebera i mainikun Mamre n te tawaana are e kabooa Aberaam mairoun Eberon are te I-Itaite b'a aia tabo n taunimate.

1.Rongorongo 29:15

Bon iruwa ngaira aika ti maeka tabeua te tai n te aonnaba aei, n ai aroia ara bakatibu. Ti na manga bon waekoa n nako, n ai aron te nuu ae e waekoa ni mauna nako.

Iobi 30:23

I ataia b'a Ko uotai nakon te mate, nakon te tabo are tokiia aomata ni kabane.

Taian Areru 119:19

Tiaki te tia tiku ni maan ngai i aon te aba; Tai tukai man atan am Tua.

Taian Areru 39:12

Te UEA, Ongo au tataro, ongo tangu ni kani buokaki; tai kabonoa taningam nakon ngurengureu. I maeka ma ngkami b'a, ami iruwa, ao N na boni waetata n nako.

Te Otinako 2:22

Ao ngke e riki natina te mm'aane, ao E taku Moote, “N na aranna b'a Keritiom, b'a kiona ngke bon te ianena ngkoa ngai n te aba aei.”

Te Minita 12:5

Ane ko na maaku n tam'arakea te tabuki ke ni kabuanib'ain nanon te kawai; Ane e na mainaina iran atuum kaanga ueen te amon. Ane ko na aki namakina te marurung, ao ko na kookookiko kaanga te taake. Ti na nako naba ngaira n tatabemaniira nakon mwengara are akea tokina, ao e na onrake nanon te kawai irouia aomata aika a tanginiwenei. Ti na bane n nako ni mwengara are aki totoki ao ana bane n onrake kaawa irouia aika nanokawaki.

Te Minita 12:7

Ma ngaia are, a manga oki rab'atara nakon te tano, ao te ikeike ni maiu e na okira te Atua.

Te Minita 6:3

E konaa n rangi n ab'ab'aki maium, ao ni karikiia natim iai aika tebubua m'aitiia. Ma e raoiroi riki nakoim te ataei ae e bungiaki ni mate, ti ngkana ko kukurei n te maiu, ao ko taunaki raoi ni matem.

Nakoaia Ibonga 25:23

Akea te aba ae na kabooaki ni karekeaki raoi, ke ni kabooaki nako raoi. Abau ni kabane, tiaki abami, b'a kam ti maeka iai i nanon te tai ae e uarereke.

M'akuri 7:16

A uotaki rab'ataia nako Tekem, ao a kaweneaki n te nne ni mate, are e kaboa Aberaam n te m'ane mairouia natin Amora i Tekem.

M'akuri 7:5

Ma bon akea abana ae E anganna mai iai: E aki anganna naba tao ab'akini m'anekana, ma E kab'aka ana taeka n akoi b'a E na anganna b'a abana, ao E na anganiia naba ana kariki i mwina b'a abaia, e ngae ngke akea natina ngkanne i rouna.

Ebera 11:9

I bukin ana onimaki Aberaam, ao e maeka n iruwa n te aba are atongaki n te taeka n akoi; ao e maeka n um'anrianna ma Itaaka ma Iakob'a, aika iai naba tib'angaia n te taeka n akoi naba aei.

1.Betero 2:11

Ngkami akana kam tangiraki, I butingkami ngkai kanga iruwa ngkami ao kanga aomata aika maeka n aki maan n te aonnaba aei, b'a a na aki tauaki aromi n iangoan nanomi aika bubuaka aika aki toki ni buakana te maiu are kam anganaki.