Karikani B'aai 22:9 - Te B'aib'ara

⁹ Ao ngke a roko n te tabo are E tuangnga te Atua, ao e a karaoa te baonikarea Aberaam iai, ao e baairei taian aia i aona. E kabaea natina are Itaaka, ao e katokaa i aon te baonikarea i aon taian aia.

Karikani B'aai 22:9 ပူးပေါင်းရင်းမြစ်များ

Karikani B'aai 12:7

Ao E kaoti te UEA nakon Aberam, ao E taku, “Bon aio te aba are N nang anganiia am kariki.” Ao e karaoa te baonikarea Aberam i bukin te UEA are E kaoti ngkoa nakoina.

Karikani B'aai 12:8

Ao i mwiin anne, ao e a manga m'ananga nako aiaki nakon te aba are tabukibuki are i mainikun te kaawa ae buubura are Betaera, ao e katea ana maeka i marenan Betaera are i maeao ma Ai are i mainiku. E katea naba ikanne ana baonikarea, ao E taromauriia te UEA.

Karikani B'aai 13:18

Ma ngaia are, e kam'aea ana auti n rianna Aberam, ao e manga maeka i rarikin Oke ake atoatongaki, ake ana Oke Mamre i Eberon, ao e katea te baonikarea ikekei i bukin te UEA.

Karikani B'aai 22:10

Ao e anaa te biti b'a e nang tiringa natina iai.

Karikani B'aai 22:8

Ao e taku Aberaam, “E na boni katauraoa temanna te Atua i bukira.” Ao a uaia n airi n nakonako.

Karikani B'aai 8:20

Ao e karaoa te baonikarea Nooa i bukin te UEA, ao e anaa kakatemanna te man ae kawakawa mai buakoia maan aika kawakawa ake a itiaki, ao mani mannikiba naba ake a itiaki, ao e kabuoki ni kab'anini b'a taiani karea i aon te baonikarea.

1.Uea 18:33

E katokai taiani kai i aon te baonikarea, ao i mwiina a korokorea te kaom'aane ni kauarerekea ao a katokai taiani iriko i aon taiani kai. Ao e tuangiia aomata ni kaangai, Kanoai aua taian tiaeki aika a buubura, ao kab'aroi i aon te iriko ma taiani kai. Ao ngke e a tia ni karaoaki aei,

Taian Areru 118:27

Bon te Atua te UEA; E a tia n anganiira te oota! Moana te bootaki ni kukurei! Kam na m'ananga ma m'angani kaai ao waaki nakon te baonikarea.

Mataio 27:2

Ao a kabaea, ao a kairia nako, ao a angani Birato are te tia tau-taeka.

Mareko 15:1

Ngke e a tib'a ingabong, ao a kabowi naba ibonga ake a kakannato, ma unimm'aane, ma taani koroboki, ma kaain te Tanirim ni kabanea; ao a kabaea Iesu, ao a kairia nako, ao a angani Birato.

M'akuri 8:32

Ao aio taekani m'akoron te B'aib'ara are e wareware iai: “Ai aron te tiibuteteei are e kairaki b'a e na kamateaki; Ai aron te tiibuteteei are kainab'aabu i matan ane korea buraena; akea b'anaana ae oti nako mai wina.

I-Karatia 3:13

E kainaomataira Kristo man te rekenikai are n te Tua, ngkae E karaoa are E na reke kaina iai i bukira, b'a e koreaki ae kaangai, “E a reke kain te aomata ae tauraki n te kai:”

I-Ebeto 5:2

ao kam na b'aina te maiu n tangira, n ai aroni Kristo ngkae E tangirira naba, ao E anga Ngaia b'a E na mate i bukira b'a te karea nakon te Atua, ae te karea ae boiarara ae kamateaki.

Ebera 9:28

ao ai aron naba Kristo: b'a ti teuana te tai are E riki iai b'a te karea Ngaia ni kamaunai aia bure aomata aika bati. E na kaoti te kaua tai nakoia ake a kaantaningaia i bukini kamaiuaia, ma E na aki katabea n te bure.

Iakobo 2:21

Tiaki e reke reitakin Aberaam are ara bakatibu ma te Atua n ana m'akuri, ngke e anga Itaaka are natina b'a te karea i aon te baonikarea?

1.Betero 2:24

Ao E uoti ara bure n rab'atana i aon te kai, b'a ti na mate nakon ara bure ni kitan, ao ti na kabane maiura i bukini karaoan nanon te Atua. Ao kam kamaiuaki n oreana.