Karikani B'aai 22:8 - Te B'aib'ara

⁸ Ao e taku Aberaam, “E na boni katauraoa temanna te Atua i bukira.” Ao a uaia n airi n nakonako.

Karikani B'aai 22:8 ပူးပေါင်းရင်းမြစ်များ

Karikani B'aai 18:14

Iai te b'ai ae kangaanga iroun te UEA? N aron are I a tia n taekinna, ao ruaiwa te nam'akaina mangkai, ao N na manga okirikaaki, ao e na reke natin Nei Taara te mm'aane.”

Karikani B'aai 22:14

Ao e arana te tabo arei Aberaam b'a “E karekea te UEA.” Ao a kaangai aomata ni boong aikai, “E na karekeaki i aon ana Maunga te UEA.”

Karikani B'aai 22:7

Ao e taku Itaaka, “Tamau!” Ao e taku Aberaam, “Tera natiu?” Ao e titiraki Itaaka ao e taku, “E aera ngkai ti uouoti taian aia ma te ai, ao e nga te tiibu te teei i bukin te karea?”

Karikani B'aai 22:9

Ao ngke a roko n te tabo are E tuangnga te Atua, ao e a karaoa te baonikarea Aberaam iai, ao e baairei taian aia i aona. E kabaea natina are Itaaka, ao e katokaa i aon te baonikarea i aon taian aia.

2.Uea 2:6

E taku Eria nakon Eritai, E tangirai ngkai te UEA b'a N na nakon te Karaanga are te Ioretan, ma ko na tiku ngkoe ikai. Ao e taku Eritai, I tuea n aran te UEA ae E maiu, ao i matam b'a N na bon aki kiitaniko. Ma ngaia are, a manga uaia n reitaanako kawaia.

2.Rongorongo 25:9

Ao e kaeka Amatia ni kaangai, “Ao tera ae n nang karaoia n taian tirewa ake I kabooia iai kaain te taanga ni buaka aei?” Ao e taku te burabeti, “Ane e na kaoka ae e m'aiti riki te UEA nakon ane ko a tia ni kabanea ni kabooia iai tautia.”

Mataio 19:26

Ao E tarataraia Iesu ao E taku nako ia, “A aki kona ni kamaiuia aomata i bon i rouia, ma a konaki b'aai nako iroun te Atua.”

Ioane 1:29

N te bong are i mwina ao e nora Iesu Ioane ngke E nakoina, ao e taku, “Nora ana Tiibuteteei te Atua, ae uoti nako aia bure kaain aonnaba.

Ioane 1:36

ao e tarataraa Iesu ngke E nakonako, ao E taku, “Nora ana Tiibuteteei te Atua!”

Te Kaotioti 13:8

Ao ane a na taromauria te man arei aomata nako i aonnaba, ake a aki koreaki araia ni bokin te maiu ma ngke a moa ni karikaki aonnaba; ao te boki arei bon ana boki te Tiibuteteei are kamateaki.

Te Kaotioti 5:12

ao a kaangai n te b'anaa ae korakora, “E riai te Tiibuteteei are kamateaki n anganaki te m'aaka, ma te kaub'ai, ma te rabakau, ma te korakora, ma te karineaki, ma te neboaki, ma te karaoiroaki!”

Te Kaotioti 5:6

Ao I nora te Tiibuteteei n tei i nukan te kaintokanuea ma baike a maiu ake aman, ma unimm'aane akekei: E tara n ae E a tia ni kamateaki te Tiibuteteei arei, ao itiai korona, ao itiua matana, ake tamnei ake mairoun te Atua, ake a a tia ni kanakoaki nako aon aaba ni bane.

Te Kaotioti 7:14

Ao I taku nakoina, “Teuae ko karineaki i rou, ko bon ataiia.” Ao e kaangai nako iu, “Aomata aikai ake a butaki nako mai aan te rawawata are korakora, ao a teboki aia kunnikai ake a m'am'arai ao a kamainainai n raraan te Tiibuteteei.