Karikani B'aai 22:6 - Te B'aib'ara

⁶ Ao e angan Itaaka taian aia i bukin te karea b'a e na uoti, ao ngaia e uota te biti ma te m'aakaro n ai i bukin kauraan te ai. Ao ngke a kaai n nakonako,

Karikani B'aai 22:6 ပူးပေါင်းရင်းမြစ်များ

Karikani B'aai 22:5

Ao e a taku Aberaam nakoia ana toro, “Kam na tiku ikai ma te aati, ao Ngai ma natiu aei ti na nako ikekei b'a ti na taromauri, ao i mwiina ti a manga okiringkami.”

2.Uea 2:6

E taku Eria nakon Eritai, E tangirai ngkai te UEA b'a N na nakon te Karaanga are te Ioretan, ma ko na tiku ngkoe ikai. Ao e taku Eritai, I tuea n aran te UEA ae E maiu, ao i matam b'a N na bon aki kiitaniko. Ma ngaia are, a manga uaia n reitaanako kawaia.

Itaia 53:6

Bon tiibu ngaira ni kabane aika a m'aninga nako. Ti a tia n toua nako kawaira n tatabemaniira, ma e anganna te UEA te tuua are ti bon riai ni katuaaeaki iai.

Mataio 8:17

B'a e na kakoroaki bukin are e atongaki iroun Itaia are te burabeti ngke e kangai, “E kamaiura mani mamarara ao e uoti nako aorakira.”

Ioane 19:17

Ao E oti nako man te kaawa Iesu, n uota ana kaibangaki i bon i rouna, nakon te tabo are aranaki b'a te tabo n Tab'anou, are e aranaki n te taetae n Ebera b'a Korokota.

1.Betero 2:24

Ao E uoti ara bure n rab'atana i aon te kai, b'a ti na mate nakon ara bure ni kitan, ao ti na kabane maiura i bukini karaoan nanon te Atua. Ao kam kamaiuaki n oreana.