Karikani B'aai 22:5 - Te B'aib'ara

⁵ Ao e a taku Aberaam nakoia ana toro, “Kam na tiku ikai ma te aati, ao Ngai ma natiu aei ti na nako ikekei b'a ti na taromauri, ao i mwiina ti a manga okiringkami.”

Karikani B'aai 22:5 ပူးပေါင်းရင်းမြစ်များ

Karikani B'aai 22:19

Ao e oki rikaaki Aberaam nakoia ana toro, ao a uaia n nako Beerateb'a, te tabo are e katei ana auti n rianna iai ngkoa Aberaam.

Karikani B'aai 22:4

Ao n aia katenibong ni m'ananga, ao e a ria te tabo arei.

Karikani B'aai 22:6

Ao e angan Itaaka taian aia i bukin te karea b'a e na uoti, ao ngaia e uota te biti ma te m'aakaro n ai i bukin kauraan te ai. Ao ngke a kaai n nakonako,

Te Otinako 24:14

E a tia Moote n tuangiia taani kairiiri ni kaangai, “Kam na tataninga ikai ni karokoa okiu. A na raoningkami Aaron ma Ura ao a na karaoi taian mangaongao ni kabane ngkana ti nako.”

Ebera 11:19

E kakoaua Aberaam i nanona b'a E kona te Atua ni manga kamaiua Itaaka man te mate, ao aei kanga ai aron taekani manga utin Itaaka man te mate.

Ebera 12:1

Ma ngaia ae ngaira, ngkai iai taani kakoaua aika rangi ni bati aika otab'aninira, ao ti na kaki b'aai nako aika katinebuira, ma te bure ae nimnimtira, ao ti na biri ma te nanokorakora n te kabobirim'aka ae kamenaki i m'aira;