Karikani B'aai 22:17 - Te B'aib'ara

¹⁷ I berita b'a N na anganiko am kariki ae ai aron m'aitin itoin karawa, ke tanon aon te bike i mataniwiin taari. A na totokanikai kanoam i aoia aia kairiribai.

Karikani B'aai 22:17 ပူးပေါင်းရင်းမြစ်များ

Karikani B'aai 12:2

N na anganiko am kariki aika rangi ni m'aiti, ao a na riki b'a te botannaomata ae korakora. N na kakab'aiako, ao N na kakannatoa aram, b'a ko aonga n riki b'a te kakab'aia nakoia aomata.

Karikani B'aai 13:16

N na anganiko kanoam aika rangi ni m'aiti ae akea temanna ae kona ni wareki m'aitiia; e kona riki ni warekaki bubun aon te aba nakon warekaia.

Karikani B'aai 15:5

Ao E kairiia te UEA nako tinaniku, ao E taku, “Taraa karawa, ao kataia ni wareki taiani itoi; a na riki kanoam kanga ai aron m'aitin taian itoi.”

Karikani B'aai 17:6

N na anganiko kanoam aika m'aiti, ao tabeman mai buakoia a na riki b'a uea. A na bon rangi ni m'aiti kanoam, ao a na riki b'a taiani botannaomata.

Karikani B'aai 24:60

Ao a angan Nei Rebeka taeka ni kakab'aia aikai: “Ke ko riki ngkoe ae m'anera b'a tinaia mirion. Ke a taui aia kaawa aia kairiribai kanoam.”

Karikani B'aai 25:11

Ao i mwiin maten Aberaam, ao te Atua, E kakab'aiaa Itaaka ngke e maeka i rarikin “Ana m'anib'a Teuae Maiu ae Noorai” ke “Beera-raai-roi”.

Karikani B'aai 26:24

Ao E kaoti te Atua nako ina n te tairiki anne, ao E taku, “Boni Ngai Atuan tamam are Aberaam. Ko na aki maaku; I mena iroum. N na bon kakab'aiako ma n anganiko am kariki aika m'aiti i bukin au berita ma Aberaam are Au toro.”

Karikani B'aai 26:4

N na anganiko am kariki aika ai aron m'aitin taian itoi i karawa, ao N na anganiia te aba aei ni kabane. Ane a na bubutiai botannaomata b'a N na kakab'aiaia naba n aron kakab'aiakiia am kariki.

Karikani B'aai 28:3

E bia kakab'aiaa am mare te Atua ae M'aaka man anganiko natim aika m'aiti, b'a ko aonga n riki b'a tamaia botannaomata.

Karikani B'aai 28:4

E bia kakab'aiako n arona naba ngke E kakab'aiaa Aberaam, ao ko na b'aina te aba aei, ae ko a tia ni maeka iai, ae E a tia n anga te Atua nakon Aberaam.”

Karikani B'aai 32:12

Uringnga are Ko berita ngkoa b'a Ko na kanakoraoi b'aai ni kabane i buku ma n anganai au kariki aika m'aiti aika akea ae kona ni warekia, kaanga ai aron m'aitin tanon mataniwiin taari.”

Karikani B'aai 32:13

Ao ngke e a ngaina arei ikekei, ao e a rineia tabeman ana man aika kawakawa mai buakoia ana nanai ni maan aika kawakawa b'a ana b'aintangira nakon tarina are Etau:

2.Tamuera 17:11

Aio au iango, ko na bootia m'anen Iteraera man te kaawa are Taan i meaang rikaaki nakon te kaawa are Beerateb'a i maiaki. Ko na kam'aitiia riki am tautia nakon tanon mataniwiin te bike. Abetarom, ko na kairiia boni ngkoe,

1.Uea 4:20

A bon rangi ni m'aiti aomata aika a maeka i Iuta ao Iteraera ngke e uea Toromon n te aro are kaanga ai aron tanon aon te bike. A bane ni ngae n am'arake mani mooi aomata ao a kukurei.

1.Uea 9:26

Ao a m'aiti naba ana kaibuke i Etion keeb'a, te kaawa i Etom i rarikin Erota n Taari are Mate.

1.Rongorongo 27:23

Ngke e baireia Tawita b'a e na wareki m'aitiia Iteraera, ao e anga ana taeka b'a a na aki warekaki koraki ake a mena aia ririki ni maiu i aan uabwi, i bukina b'a E a tia ni berita te UEA n taai ake ngkoa b'a e na rangi ni m'aiti te botannaomata n Iteraera n ai aron itoin karawa.

2.Rongorongo 1:9

I kaantaningaaki b'a n na tautaekaniia aomata aikai ma a bon rangi ni m'aiti kurikuri m'aitin tanon aontano. Ma ngaia ae ko na kaawakina am berita are ko karaoia nakon

Neemia 9:23

Ko kairiia nakon te aba are Ko a tia ni berita iai nakoia aia bakatibu, ao Ko kakab'aiaia aia botannaomata ma taian aomata ake a aki konaa ni warekaki m'aitiia kaanga itoini karawa.

Te Otinako 32:13

Uringa te berita are matoa are ko karaoia ngkoa ma Aberaam, Itaaka, ao Iakob'a. Ko berita b'a n te bong teuana a na m'aiti aia kariki kaanga itoin karawa ao Ko na anganiia abaia.

Itaia 48:19

A na kakab'aiaki am botannaomata n anganaki riki ana aomata ae kaanga te uita ao te bike. Ao N na aki manga kariaia b'a e na manga kamaunaaki abami.

Ieremia 32:22

Ao i mwiina, Ko anganiia Iteraera te aba ae e rawata iai te miriki ma ana karewe te manibeeru, n aron are Ko a tia ni berita iai nako ia ara bakatibu.

Ieremia 33:22

ao a na kam'aitaki riki ana kariki Tawita ao aia kariki ibonga ake kanoan Rewi nakon taiani itoi i karawa ke tanon te bike.

Otea 1:10

Ane a na roko boong ae e na kangaanga iai warekaia Iteraera, b'a a na rangi ni m'aiti kaanga tanon mataniwiin te bike. A atongaki ngkai b'a “Tiaki Au Aomata,” ma ni boong aika a na roko a na atongaki b'a “Natin te Atua ae E Maiu.”

Otea 2:1

Ma ngaia are, a na aranaki tarim b'a “Au aomata” ao m'anem a na aranaki b'a “Akoan te Tangira”.

Mika 1:9

Akea te b'ainaoraki i bukin ikoakin Tamaria, ao e nangi manga riki naba ae ai aron aei nakoim Iuta. E a roko te urub'ai ae e korakora ni mataroan Ierutarem are atuun kaawan te tautaeka irouia au aomata.”

I-Rom 4:13

B'a e anganaki te taeka n akoi Aberaam ma ana kariki are e na riki iai b'a te tia abaaba i aonnaba, tiaki n te Tua, ma i bukini kaetan arona n reitaki ma te Atua are e reke n te onimaki.

I-Rom 9:27

Ao Itaia e taekiniia Iteraera ni kaangai, “Ai aron tanon te bike i rarikin taari m'aitiia natin Iteraera, ma ti tabeman mai buakoia aika na kamaiuaki.

1.I-Korinto 15:57

Ma E na katituaraoaki te Atua, are anganira te tokanikai iroun ara UEA are Iesu Kristo.

I-Ebeto 1:3

E na karaoiroaki te Atua are Taman ara UEA are Iesu Kristo, are E kakab'aiaira iroun Kristo ni b'aai ni kakab'aia ni kabane ake mai Rouna, ake b'aini karawa.

Te Tua-Kaua 1:10

E a tia te UEA ae Atuara ni kakab'aiaira, ao ngkai ti a bon rangi ni m'aiti n ai aron itoini karawa.

Te Tua-Kaua 1:11

Ao E a manga tia riki ni berita te Atua b'a E na kakab'aiaira teuana riki tengaa rakan m'aitira nakon are mai m'aaina, ao I tataro b'a E na boni kakoroa bukina.

Te Tua-Kaua 10:22

Ngke a moani m'ananga ami bakatibu ni maeka i Aikubita, ao ti itingaun m'aitiia. Ma E a tia te UEA ni kakab'aiaingkami, ao ngkai kam a rangi ni m'aiti riki nakon taiani itoi i karawa.

Te Tua-Kaua 13:18

Ao bon anne bukina are kam riai ni karaoi iai baike E taekin te UEA ae atuami b'a a eti. I anganingkami tuua ma reirei aikai n te bong aei, ao kam na riai n ongotaeka iai.

Te Tua-Kaua 21:19

Ngkana anne aron te nati te m'aane, ao a na katikitikia ana karo nakon mataroan te kaawa, ike a kakaraoa iai aia bowi taani kairiiri.

Ebera 11:12

ma ngaia are a riki mairoun ae ti temanna ae kanga ae mate, kanoana aika ai aroni m'aitin itoini karawa, ao ai aron te tano ae i aon te bike, ae e aki konaki ni warekaki.

Ebera 6:14

ao E kangai, “Bon te koaua b'a N na kakab'aiako, ao N na kabatiaia am kariki ni boni kabatiaia.”

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”