Karikani B'aai 22:16 - Te B'aib'ara

¹⁶ “N na karaoa te berita i bon irou, bon Ana taeka te UEA, N na boni kabatia kakab'aiakim. I bukina ngkai ko a tia n aki taua natim te mm'aane ae am rikitemanna nako iu,

Karikani B'aai 22:16 ပူးပေါင်းရင်းမြစ်များ

Karikani B'aai 12:2

N na anganiko am kariki aika rangi ni m'aiti, ao a na riki b'a te botannaomata ae korakora. N na kakab'aiako, ao N na kakannatoa aram, b'a ko aonga n riki b'a te kakab'aia nakoia aomata.

Karikani B'aai 22:12

Ao E taku te anera, “Ko na tai kaikoaka te ataei, ke ni karaoa te b'ai teuana nakoina. I ataia ngkai b'a ko bon ongotaeka iroun te Atua, b'a ko aki taua natim te mm'aane ae te rikitemanna mai Rouna.”

Karikani B'aai 22:15

Ao E a manga wetea Aberaam te anera mai karawa te kauoua n tai ni kaangai,

Karikani B'aai 22:2

Ao E taku te Atua, “Ko na anaa natim te mm'aane ae te rikitemanna ae ko rangi n tangiria are Itaaka, ao naako nakon te aba are Moria. Ao ko na anga b'a am karea nako iu i aon te maunga ae N na kaotia nakoim.”

Karikani B'aai 26:3

Maeka ikai, ao N na memena iroum ma ni kakab'aiako. N na anganiko te aba aei ni kabutaa, ao nakoia naba am kariki. N na bon kakoroa bukin te berita are I karaoia ngkoa ma tamam are Aberaam.

Karikani B'aai 26:5

N na bon kakab'aiako i bukina ngke e a tia n ongotaeka tamam are Aberaam i Rou, e kaawakin Au tua ma Au kaetieti ni kabane.”

1.Rongorongo 16:16

E a tia ni karaoa ana berita ae akea tokina te Atua

Taian Areru 105:9

Are ana boraraoi are E karaoia ma Aberaam, Ao ana taeka n akoi nakon Itaaka,

Te Otinako 17:16

Ao e taku, “katioa i eta Ana mani n tokanikai te UEA.” E na bon teimatoa te UEA ni buakaniia kaain Amareka.

Te Otinako 2:24

ao E ongo tangiia ae e korakora te Atua. E aki m'aninga ana berita are E karaoia ma Aberaam, Itaaka, ao Iakob'a,

Te Otinako 32:13

Uringa te berita are matoa are ko karaoia ngkoa ma Aberaam, Itaaka, ao Iakob'a. Ko berita b'a n te bong teuana a na m'aiti aia kariki kaanga itoin karawa ao Ko na anganiia abaia.

Itaia 45:23

I a tia ni karaoa te berita ae e matoa, ae akea temanna ae e konaa n urua; A na bane ni boobaraaki aomata ni kabane ma n taromauriai.

Ieremia 22:5

Ma ngkana kam aki katinanikuai, ao I berita ni bon arau b'a e na wene n uruaki te bareti aei.

Ieremia 44:26

Kaawakin taiani berita aikai! Ma N na ti tuangkami te b'ai ae e na riki. Ngkai bon te UEA Ngai ae te Atua, I tuea b'a N na aki manga butim'aai ami berita ake kam karaoi n arau.

Ieremia 49:13

Boni Ngai ae te UEA ae I tuea ni bon arau b'a oin ami kaawa ae Botira ao ami kaawa ni kabane a na bane n karawaawataaki ni katauakiia ae e kakamaaku. A na wene n uruaki n aki totoki, ao aomata ana kabongana te ara ae “Botira” b'a te taeka ni kamaraia

Ieremia 51:14

Boni Ngai ae te UEA ae Moan te M'aaka, ae I tuea ni bon oini maiu b'a a na kaona kawain nuukan ami kaawa aia tautia kairiribai kaanga te taanga n rokati. Ane a na takaarua ao a na rungaa aia tokanikai.

Etekiera 16:8

Ngke I a manga nooriko riki, ao ko a bon tau nakon te iein. Ma ngaia are, I a rabuniko n niiniirau. Ao i mwiin anne, I karaoa au berita ae e matoa b'a bon au b'ai ngkoe ao Ngai ae te UEA ae te Atua N na kaawakiniko.

Amota 6:8

E a tia n anga te kauring te UEA ae rietaata ae moan te m'aaka ni kaangai, “I bati n ribaai aia kamoamoa Iteraera: I bati n ribaai naba mwengaia aika a raraoi, ao N na anga aia kaawa ae atuun aia tautaeka nakoia aia kairiribai.”

Mika 7:20

Ko na kaota Am kakaonimaki ao Am tangira ae e teimatoa nakoia Am aomata, aika kanoaia Aberaam ao Iakob'a, n ai aron are Ko berita iai ngkoa nakoia ara bakatibu.

Ruka 1:73

Are te taeka ni bau nakon tamara are Aberaam,