Karikani B'aai 22:11 - Te B'aib'ara

¹¹ Ma E weewete aneran te UEA mai karawa ao e taku, “Aberaam, Aberaam!” Ao e kaeka Aberaam, “Aio ngai.”

Karikani B'aai 22:11 ပူးပေါင်းရင်းမြစ်များ

Karikani B'aai 16:7

Ao e kaitibo Ana anera te UEA ma Nei Aka n te koburake n ran are n te rereua are n te kawai nako Tiura

Karikani B'aai 21:17

Ao E ongo te Atua tangin te ataei arei, ao E a taetae te anera mai karawa nakon Nei Aka, ao e taku, “Tera ae aki rau nanom iai Nei Aka? Tai maaku. E ongo tangin te ataei te Atua.

Karikani B'aai 21:18

Teirake, ao naako anaia, ao katoka tangina. N na karekea te botannaomata ae korakora mairouia kanoana.”

Karikani B'aai 22:1

Ao i mwiin te tai ae aki maan, ao E a kataa Aberaam te Atua; ao E weteia ni kaangai, “Aberaam!” Ao e kaeka Aberaam, “Aio ngai!”

Karikani B'aai 22:10

Ao e anaa te biti b'a e nang tiringa natina iai.

Karikani B'aai 22:12

Ao E taku te anera, “Ko na tai kaikoaka te ataei, ke ni karaoa te b'ai teuana nakoina. I ataia ngkai b'a ko bon ongotaeka iroun te Atua, b'a ko aki taua natim te mm'aane ae te rikitemanna mai Rouna.”

Karikani B'aai 22:16

“N na karaoa te berita i bon irou, bon Ana taeka te UEA, N na boni kabatia kakab'aiakim. I bukina ngkai ko a tia n aki taua natim te mm'aane ae am rikitemanna nako iu,

Karikani B'aai 24:7

E anaai te UEA ae Atuan karawa mai abaia tamau ma au koraki, ao E berita nako iu b'a E na anga te aba aei nakoia kanoau. Ane E na bon kanakoa te anera i m'aaim b'a ko aonga ni kona ni karekea buun natiu te mm'aane.

Karikani B'aai 31:11

E taetae nako iu te UEA n te mii ao E taku, ‘Iakob'a!’ Ao I kaeka, ‘O,’

Karikani B'aai 37:13

Ao e taku Iakob'a nakon Ioteb'a, “I tangiria b'a ko na nako Tekem n te tabo are a kaawakiniia maan iai tarim.” Ao e taku Ioteb'a, “I tauraoi.”

Karikani B'aai 46:2

Ao E taetae te Atua nakoina n te mii ngke e a bong, ao e weteia, “Iakob'a! Iakob'a!” Ao e taku Iakob'a, “Oo! aio ngai.”

Karikani B'aai 48:16

E bia kakab'aiaia te anera are e kamaiuai man taian kangaanga ni kabane. E bia maiu arau ma aran Aberaam, ao Itaaka i nanoia ataei ni mm'aane aikai. A bia m'aiti natiia, ma aia kariki.”

Te Otinako 3:2

Ao E kaoti aneran te UEA nako ina n te buakoako n aroka ae e ura. E noora te buakoako n aroka Moote b'a e ura, ma e aki bue.

Te Otinako 3:4

Ao ngke E nooria te UEA b'a e a roko Moote i rarikin te buakoako n aroka, ao E a wetea arana, ao e kaeka Moote, “Aio ngai.”

Itaia 6:8

Ao i mwiin aei, ao I ongo ana taeka te UEA ae e kaangai, “Iai ae e konaa n nako? Iai ae e na nako i bukira?” Ao I kaeka ni kaangai, “N na nako, kanakoai!”

M'akuri 26:14

Ngke ti bane ni b'aka i aontano, ao I ongo te b'ana ae kaangai nako iu n te taetae n Ebera, “Tauro, Tauro, e aera ngkai ko b'ainikirinai? E kangaanga i roum b'a ko na orei ni waem taboni kaai aika kakang!”

M'akuri 9:4

E b'aka Tauro i aontano, ao e ongo te b'ana ae kaangai nakoina, “Tauro, Tauro, ko aera ngkai ko b'ainikirinai?”

Tani Motiki-taeka 2:1

Ao E m'ananga Ana anera te UEA mai Kirekara nako Bokim ao E anganiia Iteraera te rongorongo aei: I berita nakoia ami bakatibu b'a N nang anga te aba aei nakoia ami utu, ao e karokoia ami aomata aikai mai Aikubita. Ti karaoa ngkoa te berita, ao I berita b'a e na aki uruaki.

1.Tamuera 3:10

Ao E tei te UEA i rarikin Tamuera ao E manga weteia naba n aron are karaoia mai m'aaina, “Tamuera! Tamuera!” Ao e kaeka Tamuera, “I ongo b'anaam. Tera te b'ai ae Ko tangiria b'a n na karaoia?”

1.Tamuera 3:4

ao E wetea aran Tamuera te UEA. Ao e kaeka Tamuera, “Aio ngai!”