Karikani B'aai 21:4 - Te B'aib'ara

⁴ ao ngke ai wanibong ana bong Itaaka i mwiin bungiakina, ao E a koreaki kunin tabonim'anena iroun Aberaam n aron are E a tia ni mwioko iai te Atua.

Karikani B'aai 21:4 ပူးပေါင်းရင်းမြစ်များ

Te Otinako 12:48

ma akea te mm'aane ae tuai ni korotabonim'aneaki ae na kanna. Ngkana iai te ianena ae maeka i buakomi ae tangiria n ira te kauring i bukin te Riao, a na riai moa ni korotabonim'aneia m'anen te auti anne ni kabane. Ao i mwiina, e a tib'a aranaki b'a ataeinimm'aanen Iteraera ni koaua ao e a konaa n ira te toa.

Nakoaia Ibonga 12:3

E na korotabonim'aneaki te ataei n te kawani bong.

Ruka 1:59

Ao n te kawani bong, a roko n raona te teei n ana tai ni kaitiakaki; ao a kan aranna b'a Takaaria b'a ingoan tamana.

Ruka 1:6

Ao a b'aina te maiu ae raoiroi Takaaria ma Nei Eritabeta i matan te Atua n aroia n tou mwin ana tua ma ana moti nako te Uea n aki bubure iai.

Ruka 2:21

Ngke e a koro wanua te bong, ngke e a roko ana tai te teei ni kaitiakaki, ao e a aranaki b'a Iesu, are te ara are e anga te anera i m'ain rikin Iesu i nanon te biroto.

M'akuri 7:8

E karaoa te boraraoi te Atua ma Aberaam, ao E tuanga Aberaam b'a ngkana a korotabonim'aneaki aomata, ao nanona ngkanne b'a a kukurei n te boraraoi. Ao Aberaam e karika Itaaka, ao e korotabonim'aneia n te kawani bong i mwini bungiakina, ao Itaaka e korotabonimm'aanea Iakob'a are natina, ao Iakob'a e korotabonimm'aaneia natina ake bakatibu ake a kakannato ake tengauni ma uoman.

Te Tua-Kaua 12:32

Ongotaeka nakon taian tua ma reirei aika I anganingkami. Tai manga karakai riki tabeua nakon aikai, ao tai kaaki naba tabeua man aikai.