Karikani B'aai 21:20 - Te B'aib'ara

²⁰ Ao E raoraona te ataei arei te Atua i nanon rikirakena. E maeka n Rereuan B'aran, ao e riki ngaia b'a te tia kaeman ae moan te rabakau.

Karikani B'aai 21:20 ပူးပေါင်းရင်းမြစ်များ

Karikani B'aai 10:9

Ao n ana buobuoki te UEA, ao e bon riki ngaia b'a te tia kaeman ae bane arona, ao bon anne bukina are a kakaangai iai aomata, “Ke E karikiko te UEA b'a kaanga ai aron te tia kaeman ae bane arona are Nimrota.”

Karikani B'aai 16:12

Ma e na riki natim ae kaanga maiun te aati ae aki manana, e na kaaitaraia aomata ni kabane, ao e na kaitaraki irouia aomata aika m'aiti. E na aki maeka i buakoia ana koraki.”

Karikani B'aai 17:20

I a tia n ongo am bubuti i bukin Itimaera, ma ngaia are, I a tia ni kakab'aiaa, ma n anganna natina aika m'aiti, ma kanoana aika m'aiti naba. E na riki b'a tamaia nati n uea ake tengaun ma uoman. N na karika te botannaomata ae buubura mairouia kanoana.

Karikani B'aai 25:27

Ao a tabe n rikirake ataei akekei, ao e rikirake Etau b'a te tia kaeman ae bane arona, te aomata ngaia ae tatangira riki te m'akuri i tinanikun te auti, ma teuare Iakob'a, bon te aomata ae e aki kakarongoa ngaia, ae e a bon tiitiku naba n te auti.

Karikani B'aai 27:3

I butiko b'a ko na anaa ngkai am kainikatebe ma am kanoa, ao naako karekea kanau te man.

Karikani B'aai 28:15

Uringnga b'a N na bon kakawakiniko n taabo nako ike ko nako iai, ao N na manga kaokiko nakon te aba aei. N na bon aki kitaniko ni karokoa I tia ni karaoi b'ai ni kabane ake I a tia ni berita iai.”

Karikani B'aai 39:21

Ma e bon memena te UEA iroun Ioteb'a ma ni kakab'aiaa, ma ngaia are, e a tatangira Ioteb'a te tia tararua te karabuuti.

Ruka 1:80

Ao e ikawai rake te teei, ao e reke i rouna te nano ni mm'aane. E mena n te rereua ni karokoa te tai are e kaoti iai nakoia Iteraera.

Ruka 2:40

Ao E rikirake te teei n ikawai ao ni marurung rab'atana; E on n te wanawana, ao E memena i aona ana kakab'aia te Atua.

Tani Motiki-taeka 6:12

Ao e kaoti te anera nakon Kiteon ao e taku nakoina, “E na buokiko te anera, ao ko na riki b'a te tia buaka ae korakora.”