Karikani B'aai 21:2 - Te B'aib'ara

² ao e a bikoukou, ao e bungiia natin Aberaam te mm'aane ngke e a bon kara Aberaam. E bungiaki te tei arei ni bon te tai are e taekinna te UEA b'a e na bungiaki iai.

Karikani B'aai 21:2 ပူးပေါင်းရင်းမြစ်များ

Karikani B'aai 17:19

Ma E taku te Atua, “Tiaki ngaia anne, ma e na kariki Nei Taara are buum, ao e na karika natim te mm'aane, ao ko na aranna b'a Itaaka. N na kawakina au Berita ma ngaia, ao kanoana ana kaawakinna n aki toki. Bon te berita ae akea tokina.

Karikani B'aai 17:21

Ma N na kaawakina au berita ma natim te mm'aane are Itaaka, are e na bungiia Nei Taara n te tai ae ai aron naba aei n te ririki ae na roko.”

Karikani B'aai 18:10

Ao e taku temanna mai buakoia uakekei, “Ruaiwa te nam'akaina mangkai, ao N na manga oki rikaaki, ao e na riki natin Nei Taara te mm'aane.” Ao e mena Tara i akuun Aberaam, ni mataroan te auti n rianna ni kakauongo.

Karikani B'aai 18:14

Iai te b'ai ae kangaanga iroun te UEA? N aron are I a tia n taekinna, ao ruaiwa te nam'akaina mangkai, ao N na manga okirikaaki, ao e na reke natin Nei Taara te mm'aane.”

Ruka 1:36

Ao noria, e a tia am koraki are Nei Eritabeta ni bikoukoua te nati te mm'aane ngkai e a boni kara; ao ai ana kaonoua n nam'akaina aei ni bikoukou neiere atoatongaki b'a e kanoabo.

M'akuri 7:8

E karaoa te boraraoi te Atua ma Aberaam, ao E tuanga Aberaam b'a ngkana a korotabonim'aneaki aomata, ao nanona ngkanne b'a a kukurei n te boraraoi. Ao Aberaam e karika Itaaka, ao e korotabonim'aneia n te kawani bong i mwini bungiakina, ao Itaaka e korotabonimm'aanea Iakob'a are natina, ao Iakob'a e korotabonimm'aaneia natina ake bakatibu ake a kakannato ake tengauni ma uoman.

I-Rom 9:9

B'a aei te taeka n akoi: “N te tai naba aei ao N na roko ao e na reke natin Tara te mm'aane.”

I-Karatia 4:22

B'a e kaangai, b'a uoman natin Aberaam aika mm'aane, temanna natina ma te aine ae te toro, ao temanna ma te aine ae te inaomata.

Ebera 11:11

I bukin ana onimaki Nei Tara, ao e reke i rouna te kona ni kariki, e boni ngae ngke e a rangi ni kara. E taku b'a E kakaonimaki Teuare anganna te taeka n akoi;

Iotua 24:3

Ao I anaa Aberaam are ami bakatibu anne man te aba anne ri aon te Iuberetiti ma ni karinna i aon te aba ae Kanaan ni kabuta. Ao I anganna ana kariki aika a m'aiti kurikuri. I a anganna natina are Itaaka.