Karikani B'aai 21:16 - Te B'aib'ara

¹⁶ ao e a tekateka ngaia tao e kaaniia tebubua te miita raroana ma te ataei. Ao e taku i nanona, “I aki kona n taratara natiu ngkana e mate.” Ao e a tekateka n tang ikekei.

Karikani B'aai 21:16 ပူးပေါင်းရင်းမြစ်များ

Karikani B'aai 21:15

Ao ngke a bane nimaia te ran, ao e a katuka te ataei i aani kaai tabekai

Karikani B'aai 27:38

Ao e a manga bubutiia naba tamana Etau, ao e taku, “E koaua b'a bon ti teuana am kakab'aia tamau, kakab'aiaai naba tamau.” Ao e a tang.

Karikani B'aai 29:11

Ao i mwina, e inga ma ngaia, ao e a tang i bukin kukureina.

Karikani B'aai 44:34

N na kanga n okira tamau ngkana e aki irai te ataei ni mm'aane? I a bon aki kona moan te kangaanga are e nang roko nakon tamau.”

1.Uea 17:12

Ao e taku neierei, I boni koaua n aran am UEA ae E maiu b'a bon akea kanau te kariki. Bon ti iai irou ngkai te abutana te buraawa, ao teutana b'aan te oriwa. Ao i aon kawaiu ngkai n okira mwengau ma au aia aikai ni kuukana ae iai irou ngkai b'a kanau ao kanan natiu te m'aane. Ao i mwiin anne, ti nang mate ni baki.

1.Uea 3:26

Ao e takaarua are bon tinan te teei ni kaangai, “Taiaoka! Te uea ae ko karineaki, tai tiringa natiu. I rangi n tangira natiu ma an angan neienne. Tai tiringnga.” Ao e takaarua neiere temanna ni kaangai, “E nako te kai korouaia mai i nuukana b'a ti aonga ni boraoi n akea natira.”

Etita 8:6

N na kangaa ni waaki nako ngkana e roko te kabuanib'ai aei i aoia au aomata, ao a tiringaki oin au utu?

Itaia 49:15

E taku te UEA, “E a tia ni m'aninga taekan natina te tina are e nanoanga natina ni mammana? E konaa n aki tangira te ataei ae e bon nako man oin rab'atana? Ngkana e konaa ni m'aninga te tina, ma Ngai N na bon aki m'aninga taekam.

Ieremia 6:26

ao a buaka n aki anga te katauraoi. Ma ngaia are, kam na tang ngkami aika au aomata, n ai aron ae e a tia ni mate natimi. Karin kunnikai aika a karaoaki n taian kunnikai aika a mangaingai ao kam na rabinobino nako nanon te b'ariko ni mannang.”

Amota 8:10

N na onika ami bootaki nakon bootaki ni mate, ao N na oniki naba ami anene ni kukurei nakon taian tanginiwenei. Ao ane kam na kamarai atuumi ao kam na kunnikaini kunnikai aika a raeraeaki, ao kam na katotongiia utu aika a tanginiweneia natiia te m'aane ae te rikitemanna. E na bon rangi ni maai te bong arei mai moana ni karokoa tokina.

Tekaria 12:10

Boni Ngai ae te UEA ae N na karaoa ana kariki Tawita ma kaain Ierutarem b'a a na rangi n nanokawaki ao a na tataro ngkana a noora te aomata are e ewaraki n te kainiwai. A na tang ma n tanginiwenei i bukina, kaanga kaaro aika a tang i bukin maten natiia te rikitemanna ke aia karimoa.

Ruka 15:20

Ao e tei rake, ao e nako n tamana. Ao ngke e mena i kiraroa, ao e noria tamana, ao e nanoangaia, ao e biri, ao e rab'atia, n inga nako ina.

Tani Motiki-taeka 2:4

Ao a tang n takaarua Iteraera,

Ruuta 1:9

E bia anganingkami te UEA te kona ni manga karekeia buumi b'a kam aonga n tekateka raoi.” Ao e kaboria Naomi ni kabo ma ngaiia, ao ngaiia a uaia n tang,

1.Tamuera 24:16

Ao ngke e bane ana taeka Tawita, ao e taku Tauro, “Boni ngkoe anne Tawita, Tawita ae natiu?” Ao e a tang.

1.Tamuera 30:4

Ao a tang Tawita ma ana rorobuaka, ao e aki roko n te toki tangiia ni karokoa a rangi ni kua.