Karikani B'aai 21:14 - Te B'aib'ara

¹⁴ Ao n te moaningabong are n te bong are i mwiina, ao Aberaam e angan Nei Aka tabeua te am'arake, ao te kun ni man ae on n te ran. Ao Aberaam e katokaa te ataei i nukan neierei, ao e a kanakoia. Ao e m'ananga nako neierei n tiotio nako i nanon te Rereua are Beerateb'a.

Karikani B'aai 21:14 ပူးပေါင်းရင်းမြစ်များ

Karikani B'aai 16:7

Ao e kaitibo Ana anera te UEA ma Nei Aka n te koburake n ran are n te rereua are n te kawai nako Tiura

Karikani B'aai 19:27

Ao e kawaekoa Aberaam n te karangaina are i mwiina ni kawara te tabo are e taetae iai ngkoa ma te UEA.

Karikani B'aai 21:13

Ao N na karekeia naba natin Itimaera aika m'aiti, are natin Nei Aka are te toro te aine, b'a aonga n riki b'a te botannaomata ae korakora. Ao bon natim naba te mm'aane ngaia.”

Karikani B'aai 21:15

Ao ngke a bane nimaia te ran, ao e a katuka te ataei i aani kaai tabekai

Karikani B'aai 21:31

Ao e a aranaki te tabo arei b'a Beerateb'a i bukina ngke a karaoa aia berita ikekei ngaiia ake uoman.

Karikani B'aai 21:33

Ao Aberaam, e unika te aroka ae te Tamaritiki i Beerateb'a, ao e taromauria te UEA, ae te Atua ae akea tokina.

Karikani B'aai 22:19

Ao e oki rikaaki Aberaam nakoia ana toro, ao a uaia n nako Beerateb'a, te tabo are e katei ana auti n rianna iai ngkoa Aberaam.

Karikani B'aai 22:3

Ao n te karangaina are i mwiina, ao e korokoroi ana aia Aberaam i bukin te karea, e katokai i aon te aati, ao e kaira Itaaka ma uoman ana toro. Ao a m'ananga nakon te tabo are E a tia n tuangnga te Atua.

Karikani B'aai 24:54

Ao i mwiin aei, ao a tib'a am'arake ma ni mooi ana toro Aberaam akekei, ao e tiku ikekei ni kangainaa. Ao ngke a uti ngke e a ingabong, ao e taku Erietera, “N nang nako n okira au toka.”

Karikani B'aai 25:6

Ma ngke e boni maiu, ao e anga naba taiani b'ai n tangira nakoia natina mm'aane ma buuna ni kewe ake tabeman. Ao e kanakoia natina mm'aane aikai nakon aaba ake i mainiku, ni kararoaia ma natina te mm'aane are Itaaka.

Karikani B'aai 26:31

Ao n te ingabong are i mwiina, ao a karaoa aia boraraoi ma ni kamatoa n te berita, ao i mwiina e a karaure Itaaka ma ngaiia, ao a raure nako ma te rau.

Karikani B'aai 26:33

Ma ngaia are, e a arana te m'anib'a arei Itaaka b'a “Berita.” Ao bon anne moan reken te kaawa ae buubura are Beerateb'a.

Karikani B'aai 28:18

Ao e uti m'aaka Iakob'a n te ingabong are i mwiina, ao e anaa te atiibu are e uninganna, ao e kateia b'a te kanuringa. Ao e kab'aroa b'aan te oriwa i aona ma ni katabua nakon te Atua.

Karikani B'aai 37:15

ao e tabe ni m'am'ananga i nanon te aba arei, ao e nooraki iroun te mm'aane temanna, ao e titirakinna, “Tera ae ko a boni kakaea?”

Karikani B'aai 46:1

Ao e katauraoi b'aai ni kabane Iakob'a, ao e nako Beerateb'a, ao e anga taiani karea nakon Atuan Itaaka, are tamana.

1.Uea 19:3

Ao e rangi ni maaku Eria ngke e a reke i rouna ana rongorongo, ao e a biri nakon te kaawa are Beerateb'a i Iuta, ao E katuka ana toro ikekei,

2.Rongorongo 29:20

Ao e weteia naba ngkekei taian mataniwi Etekia mai Ierutarem, ao a nakon te Tembora.

Taian Areru 107:4

A tiotio nako n te rereua n te kawai ae kamaroaa; E aki reke irouia te kaawa are a na maeka iai.

Taian Areru 119:60

I kawaetataai, ao I aki iremwe, n tou mwin am Tua.

Taeka n Rabakau 27:14

Te taeka ni kamauri ae e om'aaka n te itingaroo bon ti te bo ma te kamaraia.

Taeka n Rabakau 27:8

Ngkana ko raroa nako ma ni mwengam, ao ko namakinna b'a kaanga ai aron te mannikiba ngkoe ae akea ngaona.

Te Minita 9:10

M'akuri korakora ni b'aai ni kabane aika ko karaoi. Ko na waekoa n roko n aia aonnaba maate, ike akea iai ae e m'akuri, ke ni iango, ke ni kakaai bukin b'aai, ke n atai b'aai ni kabane.

Itaia 16:8

A tia n riki ni buraun taian nne n aroka ni kureebe ake i rarikin Etibon ao Tibema A aki toki ni momooi man wainin taian nne n aroka ni kureebe aikai taan tautaeka man taiani botannaomata ake a rokoroko i Iatera, ao i mwiina n ri nanon te rereua ao ri nanon taari.

Ioane 8:35

E aki tiku ni maan te toro b'a kaain te utu, ma e tiku te nati b'a kaaina n aki toki.

Iotua 3:1

A utim'aaka Iotua ma aomatan Iteraera n te bong are i mwiina, a kiitana Titim nakon te Ioretan ni manga kaemb'a iai i m'ain ae a ri nanon te karaanga.

1.Tamuera 15:12

Ao e utim'aaka n te ingabong are i mwiina n nako ni maroroo ma Tauro. Ao e taku te aomata temanna nako ina, “E nako Karemera Tauro ao e karaoa iai te kanuringa b'a aonga aomata nako n ururinga ana tokanikai. Ao i mwiina, e na manga nako Kirekara.”