Karikani B'aai 21:11 - Te B'aib'ara

¹¹ Ao e rangi n uruaki iai nanon Aberaam i bukina ngke bon natina naba Itimaera.

Karikani B'aai 21:11 ပူးပေါင်းရင်းမြစ်များ

Karikani B'aai 17:18

Ao e taku nakon te Atua, “E aera ngkai e aki karikaki Itimaera b'a te tia onea mwiiu?”

Karikani B'aai 21:12

Ma E taku te Atua nakon Aberaam, “Ko na tai raraoma iroun te ataei ma Nei Aka are te toro. Karaoa te b'ai ane tuangko Nei Taara, i bukina b'a N na karekeia kanoam iroun Itaaka n aron au berita ngkoa nakoim.

2.Tamuera 18:33

Ao e a ruru Tawita. Ao i mwiina, e waerake nakon te ru are i etan mataroan te kaawa n tang iai. Ao e b'aeb'aeti ngke e tabe ni m'ananga ao e taku, “Natiu ae Abetarom! Natiu ae Abetarom! Natiu, natiu ae Abetarom! Tera ngke I mate n onea mwiim! Abetarom, natiu, natiu!”

Mataio 10:37

Ane tangira riki tamana ma tinana nako Iu, ao e aki tau b'a e na riki b'a au reirei; ao ane tangira riki natina te mm'aane ke natina te aine nako Iu, ao e aki tau b'a e na riki b'a au reirei.

Ebera 12:11

Reirei ni kabane ngkai i bukini kaetan aroia aomata a tara n tiaki te b'ai ni kakim'areirei, ma a tara ni b'ai ni kananokawaki. Ma rimwi, ao te koraki ake a tia ni kataneiaki iai a na anaa mwina ae te maiu ae rau ae kakaraoa nanon te Atua.