Karikani B'aai 21:1 - Te B'aib'ara

¹ E kakab'aiaa Nei Taara te UEA n aron are E a tia n berita iai,

Karikani B'aai 21:1 ပူးပေါင်းရင်းမြစ်များ

Karikani B'aai 17:16

N na kakab'aiaa, ao N na karekea natim te mm'aane mai rouna. N na kakab'aiaa, ao e na riki b'a tinaia botannaomata nako, ao a na riki uea irouia kanoana.”

Karikani B'aai 17:19

Ma E taku te Atua, “Tiaki ngaia anne, ma e na kariki Nei Taara are buum, ao e na karika natim te mm'aane, ao ko na aranna b'a Itaaka. N na kawakina au Berita ma ngaia, ao kanoana ana kaawakinna n aki toki. Bon te berita ae akea tokina.

Karikani B'aai 17:21

Ma N na kaawakina au berita ma natim te mm'aane are Itaaka, are e na bungiia Nei Taara n te tai ae ai aron naba aei n te ririki ae na roko.”

Karikani B'aai 18:10

Ao e taku temanna mai buakoia uakekei, “Ruaiwa te nam'akaina mangkai, ao N na manga oki rikaaki, ao e na riki natin Nei Taara te mm'aane.” Ao e mena Tara i akuun Aberaam, ni mataroan te auti n rianna ni kakauongo.

Karikani B'aai 18:14

Iai te b'ai ae kangaanga iroun te UEA? N aron are I a tia n taekinna, ao ruaiwa te nam'akaina mangkai, ao N na manga okirikaaki, ao e na reke natin Nei Taara te mm'aane.”

Karikani B'aai 24:36

Ao e riki natin au toka te mm'aane iroun Nei Taara ngke e a bon kara Nei Taara are buuna, ao e a tia n anga ana b'ai ni kabane au toka nakon natina te mm'aane.

Karikani B'aai 50:24

Ao e taku nako ia tarina, “E a kaan mateu, ma E na boni kaawakiningkami te Atua ma ni kairingkami ni kaotinakoingkami man te aba aei nakon te aba are E a tia ni berita iai nakon Aberaam, Itaaka, ao Iakob'a.”

2.Uea 4:17

Ao e bikoukou neierei, ao n te ririki are i mwiina ao e bungiia natina te m'aane n ai aron te tai are e taetae iai Eritai nako ina.

Taian Areru 106:4

Te UEA, uringai ngkana Ko buokiia am Botannaomata, Ao kamaiuai ma ngaiia;

Taian Areru 12:6

Ana taeka te UEA bon taeka aika a kakoauaaki; ai aron te tirewa are kaburoburoaki itiua te tai m'aitina i nanon te nne ni kanaiai.

Te Otinako 20:5

Kam na aki bobaraaki nakoia bouannanti; ke n taromauriia, b'a bon te UEA ae Atuami Ngai, ae I taua ni nne i roumi. I katuaaia naba te koraki ake a ribaai ni karokoa naba kanoaia rikaaki, nakon te katenroro ao te kaaroro.

Te Otinako 3:16

Weteia ni kabane taani kairiiri i aon Iteraera ao tuangiia b'a E a tia ni kaoti nako im te Atua are E taromauriaki irouia Aberaam, Itaaka, ao Iakob'a. Tuangiia b'a I a tia n noora buakakan kairaia i Aikubita,

Te Otinako 4:31

ao a bane aomata ni kakoaua. Ao a bobaraaki ao a taromauria te UEA b'a ataia b'a E a tia n noora rawawataia ao E nang buokiia.

Mataio 24:35

A na mauna karawa ma aonnaba, ma a na aki kona ni mauna au taeka.

Ruka 1:68

E na neboaki te Uea, ae Atuaia Iteraera! b'a E kawariia ana aomata ao E kamaiuia,

Ruka 19:44

Ane a na boouaiko i aontano, ngkoe ma ake a maeka i nanon oom, ao bon akea te atibu teuana ae a na katikua n arona, i bukina b'a ko aki ata te tai are E kawariko iai te Atua b'a E na kamaiuko.

I-Karatia 4:23

Teuare natin te aine are te toro e bungiaki n aroni bungiakiia aomata; ma teuare natin te aine are te inaomata e riki b'a kakoroan nanon te taeka n akoi.

I-Karatia 4:28

Taari, natin te taeka n akoi ngaira, n ai aron Itaaka.

Tito 1:2

i bukini kaantaningaan te maiu are aki toki, are E taku te Atua ngke a tuai ni karikaki b'aai, b'a E na angania aomata; ao bon te Atua Ngaia ae aki kona ni kewe,

Ruuta 1:6

I mwin te tai ae aki maan, ao e ongo Naomi b'a E a tia ni kakab'aia ana Aomata te Atua, n anga te maiu nakon abaia. Ngaia are e a katauraoi ni kitana Moaaba ma buuia natina.

1.Tamuera 1:19

Ao a uti m'aaka Erekana ma ana utu n te bong are i mwiina, ao ngke a tia n taromauria te UEA, ao a manga okira Ram'a. Ao e a tia ni wene Erekana ma buuna are Anna, ao te UEA E kaekai ana tataro neierei.

1.Tamuera 2:21

Ao te UEA E akoa Nei Anna, ao a manga reke riki natina teniman m'aane, ao uoman aine. Ma e rikirake n ikawai rake Tamuera n Ana auti te UEA i Tiro.