Karikani B'aai 20:9 - Te B'aib'ara

⁹ Ao e wetea Aberaam Abimereka, ao e titirakinna ni kaangai, “Tera ngkai ae ko a tia ni karaoia nako ira? Tera au kaairua ae I a tia ni karaoia nako im, ngkai ko karokoa iai te kangaanga aei nako iu ma au tautaeka? Bon akea ae e a tia ni karaoa anne nako iu.

Karikani B'aai 20:9 ပူးပေါင်းရင်းမြစ်များ

Karikani B'aai 12:18

Ma ngaia are, e kananako wetean Aberam te uea, ao e taku nako ina, “Tera ae ko kataia ni karaoia nako iu? E aera ngke ko aki tuangai b'a ngaia boni buum neiei?

Karikani B'aai 20:10

E aera ngkai ko a karaoia ngkai?”

Karikani B'aai 20:8

Ao e weteia kaain ana bareti te uea ngke e a tib'a ingabong n te bong are i mwiina, ao e tuangiia te b'ai are riki, ao a bane ni maaku.

Karikani B'aai 26:10

Ao e taku Abimereka, “Tera ngkai ae ko a tia ni karaoia nako ira? Ngke tao arona b'a e matu te aomata temanna ma buum, ao bon am bure anne.”

Karikani B'aai 29:25

E aki roko n te ataia Iakob'a ae Nei Reea are e wene ma ngaia ngke tairiki, ni karokoa e ingabong, ao e a tib'a ataia. E nako ni kawara Raab'an, ao e taku, “E aera ngkai ko karaoa aei nako iu? I bon m'akuri i bukin karekean Nei Rakera, ao e aera ngkai ko kam'aneai?”

Karikani B'aai 34:7

ao ngke a oki natin Iakob'a mm'aane man te tawaana, ao a ongo te b'ai arei, ao a rawawata ma ni maraki nanoia iai iroun Tekem ngke e taua m'aneia, ao e karaoa te m'akuri n tautau ae bon rangi ni katabuaki n te tua n Iteraera.

Karikani B'aai 38:24

Ao i mwiin tabeua te nam'akaina, ao iai ae roko n tuanga Iuta ni kaangai, “E a tia ni karaoa te m'akuri n aine ni mataawa buun natim are Nei Tam'aa, ao e a bikoukou ngkai.” Ao e taku Iuta, “Kaotinakoa, ao kabuokia ni karokoa matena.”

Karikani B'aai 39:9

I bon rangi ni kakannato i rouna b'a bon akea te b'ai teuana ae taua mai rou, ma bon ti ngkoe. Ao N na kanga ngkanne ni karaoa te m'akuri ae buakaka, ao ni karaoa te bure nakon te Atua?”

2.Tamuera 12:5

Ao e rangi n ribaa te aomata are e kaub'ai Tawita ao e taku nakon Natan, “I tuea iroun te UEA b'a e na riai ni mate te aomata ane e karaoa anne!

2.Tamuera 13:12

Ao e taku neirei, “I aki! Ko na aki i manonoai! E rangi n tabuaki te aekaki ni m'aan aei i aon Iteraera. E rangi ni kab'ainrang!

Te Otinako 32:21

E titirakina Aaron Moote ni kaangai, “Tera ae ko maakuia iai aomata aikai n te aro are ko a ira nanoia ni karaoa te bure ae moan te buakaka aei?”

Te Otinako 32:35

Ma ngaia are, e katuaaia Iteraera te UEA n te aoraki ae e kakamaaku i bukina ngke a tuanga Aaron b'a e na karaoa aia bouannanti te koora.

Taeka n Rabakau 28:10

Ngkana ko kairiia aomata aika a raoiroi nakon te bure, ao ko boni kena iai te m'anono bon i bukim, ma akana a raoiroi maiuia a na raneanea aia bong aika a na roko.

Nakoaia Ibonga 20:10

Ngkana iai te m'aane ae e wenenibure ma te aine temanna, a na uaia ni kamateaki ni kauoman.

I-Rom 2:11

B'a e aki nanonano te Atua.

Tito 1:11

E riai b'a a na kainaki wiia te koraki aei, aika aomata aika kabane kaain utu nako n aki karauia n aia reirei aika aki riai n anga; ma a anga i bukin te kani b'aib'ai n te aro ae aki riai.

Ebera 13:4

E na karineaki te mare irouia aomata ni kabaneia, ao a na aki urua aroia ni maiu n taanga te mm'aane ma buuna; b'a te Atua E na motiki taekaia ni kabuakakaia taani wene ni bure ma ainenum'a ke mm'aanenum'a ao taani wene ni bure ma ake akea buia.

Iotua 7:25

Ao e taku Iotua nakoina, “Bukin tera ngkai ko karika te kaangaanga nakoira? E nang karokoa te kaangaanga ae ab'ab'aki te UEA i aom!” Ao a bane ni karea Akan ma ana utu Aomatan Iteraera ni kamateia. Ao a kabuoki rab'ataia ma aia b'ai ni kabane.