Karikani B'aai 20:7 - Te B'aib'ara

⁷ Ma ngkai, ko na kaoka te aine anne nakon buuna. Bon te burabeti teuarei, ao boni ngaia ae na tataro i bukim b'a ko na aki mate. Ma ngkana ko aki kaokia, ao I kauringko ngkai b'a ko na bon mate ma am aomata ni kabane.”

Karikani B'aai 20:7 ပူးပေါင်းရင်းမြစ်များ

Karikani B'aai 12:15

A nooria tabeman kaain ana bareti te uea, ao a tuanga te uea, ma ngaia are, e a uotaki nakon te bareti neierei.

Karikani B'aai 12:17

Ma E karokoa te aoraki ae korakora te UEA i aon te uea ao kaain ana bareti, i bukina ngke e anaa Nei Tarai.

Karikani B'aai 2:17

ma ti te aroka are e anga ataan te raoiroi ma te buakaka ae ko na aki kana uaana, ao ngkana ko kanna, ao ko na mate naba n te bong anne.”

Karikani B'aai 20:18

Ao e tataro Aberaam i bukin Abimereka, ao E kamaiua Abimereka te Atua. E kamaiua naba buuna ma ana toro aine, b'a a na manga kona ni kariki.

Karikani B'aai 20:3

Ao n te tairiki teuana, ao e kaoti te Atua nako ina n te mii ao E taku, “Ko nangi mate b'a ko a tia n anaa te aine ae iai buuna.”

Karikani B'aai 20:8

Ao e weteia kaain ana bareti te uea ngke e a tib'a ingabong n te bong are i mwiina, ao e tuangiia te b'ai are riki, ao a bane ni maaku.

Karikani B'aai 23:6

“Nao, Ko na ongora i roura. Ti nooriko b'a bon te tia kairiri ngkoe ae ko korakora, ma ngaia are, ko na tauna rab'atan buum n te ruanimate ae te kabanea n tamaroa mai buakon ara ruanimate. Ti bane ni kukurei n anganiko ara ruanimate b'a ko aonga ni kona n tauna rab'atan buum iai.”

2.Tamuera 24:17

E noora te anera Tawita ngke e tiringiia aomata nako ao e taku nakon te UEA, “Bon ti te bo aomata aikai ma tiibu ao Ngai aia tia kaawakintiibu. I a tia ni bure korakora, ao a bon aki bure. Taiaoka, katuaaeai ma au utu ma Ko na aki katuaaia!”

1.Uea 13:6

Ao e buubutii Ieroboam ni kaangai, Taiaoka tataro nakon te UEA ae Atuam ni butiia b'a E na kamaiuia baiu.

2.Uea 5:11

Ma e rangi n un Naaman ao e tannako ma te ngurengure ao e taku, “E aera ngkai e aki otinako n taetae ma ngai? I taku ngai b'a e na otinako n tei i matau ao e na tataro nakon te UEA ae Atuana, ma ni katiotioa baina i aon kuniu are e aoraki ni katoka aorakiu.

1.Rongorongo 16:22

ma ni kaangai nako ia, “Kam na aki riingia au taani kairiiri aika a rineaki ke ni kamateia au burabeti!”

2.Rongorongo 30:18

Angiia aomata ake a roko mai Eberaim, Manate Maeao, Itakara, ao Teburun a bon tuai kaitiakia, ma a aki kubara ana Tua te Atua ao a boni kana naba te tiibu teteei are b'ain te Toa are te Riao.

Iobi 34:19

E aki tei n aia itera taan tautaeka, ke n raoniia riki aomata aika kaub'ai nako ia aika kainano, kioina ngke E bon karikia aomata ni kabane.

Iobi 42:8

Anai itiman te kaom'aane ngkai, ao itiman naba te tiibu m'aane nakon Iobi, ao anga b'a te karea bon i bukimi, ao N na kaeka ana tataro, b'a I aonga n aki butim'aei ngkami n te b'ai ae kam a tia ni karaoi. Kam aki taekina te koaua i buku n aron are e a tia ni karaoia.”

Taian Areru 25:14

Te UEA bon raoraoia akana ongeaba i Rouna, Ao E karaoa ana boraraoi ma ngaiia.

Te Otinako 18:17

Ao e taku Ietero, “Bon tiaki anne arona ae eti.

Te Otinako 4:16

E na riki b'a am tia taetae ao e na taetae nako ia aomata i bukim. Ao i mwiina, ko na riki b'a kaanga te Atua, ae e ti tutuangnga te b'ai are e na taekinna.

Te Otinako 7:1

E taku te UEA: N na karaoa tarim are Aaron b'a e na taetae i bukim. E na taekin am rongorongo nakon te uea, kaanga ai aron te burabeti ae e taekina Au taeka nako ia aomata.

Ieremia 14:11

E taku te UEA, “Ieremia, ko na aki buubutiai b'a N na buokiia aomata aikai.

Ieremia 15:1

E taku te UEA nako iu: Ngkana arona b'a a mena ikai Moote ma Tamuera, ma n tataro i bukimi, ao N na bon aki bita naba nanou. Ma ngaia are, N na kanako ia kaain Iuta.

Ieremia 27:18

Ngke tao arona b'a I a tia n taetae nako ia burabeti aikai, ao a na ataa te b'ai ae N nang karaoia. Ao a na buubutiai b'a N na aki kariaia b'a a na anaaki b'aai ni kabane man te Tembora ao ana bareti te uea ao b'ain Ierutarem ni kabane.

Etekiera 3:18

Ngkana I tuangiia aomata aika a buakaka b'a a na mate i bukin aia bure, ko na kauringiia b'a a na kiitan kawaia aika a bure b'a aonga n aki katuaaeaki. Ngkana ko rawa ni karaoa anne, ao ko na bukintaeka ni mateia.

Etekiera 33:8

Ngkana I tuangiia aomata aika a buakaka b'a a na mate i bukin aia bure, ao ngkoe ko na kauringiia b'a a na rairaki nako man aia m'akuri aika a bure. Ma ngkana ko rawa ni kauringiia, ao ko na bukintaeka ni mateia.

Nakoaia Ibonga 6:4

Ngkana e bure te aomata n aron m'akuri aikai, ao e na manga kabooa mwiin te b'ai are e a tia ni karekea n te m'akuri ae buakaka. E na waekoa ni manga kabooi mwiin b'aai ake e a tia ni bure iai n te tai naba are e namakina iai ana kaairua.

Nakoaia Ibonga 6:7

E na anga te karea te ibonga i bukin ana bure te aomata, ao e na kab'araaki iai ana bure te aomata anne.

M'akuri 8:24

Ao e kaeka Timon ni kaangai, “Tataro nakon te UEA i buku, b'a e na aki riki nako iu te b'ai teuana ni baikana kam atong.”

1.I-Korinto 14:4

Ane taetae n te taetae ae aki ataaki ao e kateimatoa i bon i rouna; ma ane taetae ni burabeti ao e buoka te ekaretia ni kateimatoa.

Ebera 1:1

N taai ake ngkoangkoa ao te Atua E taetae nakoia ara bakatibu irouia burabeti n te tai teuana ma teuana, ao n aaro aika bati;

Ebera 13:4

E na karineaki te mare irouia aomata ni kabaneia, ao a na aki urua aroia ni maiu n taanga te mm'aane ma buuna; b'a te Atua E na motiki taekaia ni kabuakakaia taani wene ni bure ma ainenum'a ke mm'aanenum'a ao taani wene ni bure ma ake akea buia.

1.Ioane 5:16

Ngkana e nora tarina te aomata b'a e karaoa te bure ae e na aki mate iai, ao e na tataro i bukina, ao te Atua E na angan teuare e bure te maiu. E a kaeti aei nakoia ake a bure n te bure ae a na aki mate iai. Bon iai te bure ae e mate te aba iai: I aki taku b'a e na tataro i bukin aei.

1.Tamuera 12:19

Ao a taku nakon Tamuera, “Taiaoka ma tataro i bukira nakon te UEA ae Atuam. Ti aki kan mate. A m'aiti ara bure nako Ina n taai aika nako, ao ti bon rangi ni bure naba ngke ti a manga tangira te uea.”

1.Tamuera 12:23

Ngkana I katoka au tataro i bukimi, ao I aki ongotaeka iai nakon te UEA! N na reireiningkami n taai nako aromi ni maiuakina te raoiroi.

1.Tamuera 7:5

Ao e taku Tamuera, “Tuangiia Iteraera ni kabane b'a a na bootaki ni kabowi i Mitib'a, ao N na tataro nakon te UEA i bukimi.”

1.Tamuera 7:8

Ao a taku nakon Tamuera, “Tai katoka am tataro; bubutiia te Atua b'a E na kamaiura!”