Karikani B'aai 20:5 - Te B'aib'ara

⁵ E bon taku Aberaam b'a m'anena, ao e bon taku naba neiei. Ao I karaoa aei ma nanou ae itiaki, ao bon akea te b'ai ae I a tia ni karaoia.”

Karikani B'aai 20:5 ပူးပေါင်းရင်းမြစ်များ

Karikani B'aai 12:13

Ko na tuangiia b'a aongkoa m'aneu ngkoe, ao ane a na kamaiuai ma n akoai.”

Karikani B'aai 20:13

Ma ngaia are, ngke E kanakoai te Atua man ana auti tamau nakon te aba ae I iruwa iai, ao I taku nakon neiei, ‘Ko na kaota am kakaonimaki nako iu n tuangiia aomata nako b'a m'aneu ngkoe.’ ”

Karikani B'aai 20:16

Ao e taku nakon Nei Taara, “I angani m'anem tengaa te m'akoro n tirewa b'a te b'ai ni kakoaua nako ia aika raom n te tai aei b'a bon akea am bure; a na bane n ataia aomata b'a ko tuai bure.”

1.Uea 9:4

Ko ongotaeka irou n aron are e karaoia tamam are Tawita, ao ko na b'aina te nano ae e koaua, ao e raoiroi. Ongotaeka nakon Au tua ma Au reirei,

2.Uea 20:3

Tai m'aninga te UEA are I a tia ni kakaonimaki nakoim. I a tia n ongotaeka iroum ma nanou ni kabane, ao I karaoi b'aai ni kabane ake Ko tuangai. Ao i mwiin arei ao e a tang ni korakai Etekia.

1.Rongorongo 29:17

Ma ti kukurei b'a a tia aomata ni kabane n anganano ni baikai. Ko bon atai nanoia aomata ni kabane, ao ko boni kukurei ngkana a karaoa ae e raoiroi aomata nako.

Iobi 33:9

“I aki bure; I tuai karaoa te b'ai ae bure. Bon tiaki te tia bure ngai, ao bon akea te bure i Rou.

Taian Areru 24:4

Bon ane karaoa ae e raoiroi ao e itiaki nanona; ane aki taromauri bouannanti, ke n taetae n tuea n te aro ni kewe

Taian Areru 25:21

I ongotaeka iroum ma nanou ni koaua, Ao I onimakiniko, n ataakina b'a Ko na kamaiuai.

Taian Areru 26:6

Te UEA, I teboki baiu ni kaotia b'a akea au bure, ao I nakonako n taromauri ni katobibia am Baonikarea,

Taian Areru 7:8

Te UEA, motikitaekaia botannaomata! Motika taekau, ao kaotai nakoia te koraki ae I b'aab'aina te koaua, ao I aki ataia b'a I bure ke I aki.

Taian Areru 7:9

Bon te Atua ae ko raoiroi ngkoe ae ko motiki taekan ara iango ma nanora. Katoki aia m'akuri aomata aika buakaka ao kakab'aiaia akana a kaakaraoa ae e raoiroi.

Taian Areru 73:13

E boni matebuaka kawakinau b'a N na itiaki, N akea te bure ae I karaoia.

Taian Areru 78:72

E tararuaia raoi Tawita n aki nanonano, Ao e rabakau ni kaiririia.

Taeka n Rabakau 11:3

Ngkana kam karaoa te m'akuri ae e eti, ao e na riki maiuakinan te eti b'a te tia kairiko. Ma ngkana kam aonikai, ao kam na m'ane ni bon oin ami m'akuri n aonikai.

Taeka n Rabakau 20:7

A maiuakina te raoiroi aomata aika a raoiroi, ao e kakab'aiaia naati aika a katotoongia.

Taniera 6:22

E kanakoa ana anera te Atua ni kaini wiia raian n te aro b'a a na aki kaikoakai. E karaoa aei i bukina b'a E ataai b'a bon akea au bure, ao bon akea naba au kairua nakoim, te uea ae ko karineaki.”

2.I-Korinto 1:12

B'a aio kamoamoara, ao ana kaotioti mataniwin nanora: b'a n arora ni maiu n te aonnaba aei, ao ai moa ra riki n arora nako imi, ao ti a tia ni b'aina te maiu ae tabu ae itiaki are mairoun te Atua, tiaki n te rabakau n aon te aba, ma n ana akoi te Atua.

1.I-Tetaronike 2:10

Ara taani kakoaua ngkami ma te Atua naba, n arora ake ti b'ain nako imi, ngkami aika kam onimaki; b'a ti b'aina te maiu ae itiaki ae karaoa nanon te Atua ao ae akea kabuakakana.

1.Timoteo 1:13

Bon te tia taetaebuaka ngai ngkoa, te tia b'ainikirina te aba, ao te tia iowawa; ma I nanoangaki, i bukina ngke I karaoi arou akanne ma te roo n nano b'a I tuai n onimaki.

Iotua 22:22

“Ti bon kaotia ma te koaua i matan te UEA ae te Atua ae m'aaka ae ara tia kakoaua. E ataa bukin karaoan aei iroura, ao ti bon tangiriia naba aomatan Iteraera b'a a na ataa bukin karaoan aei iroura.