Karikani B'aai 20:11 - Te B'aib'ara

¹¹ Ao e kaeka Aberaam, “I taku ngai b'a akea ae karinea te Atua ikai, ao I maaku iai b'a kam rawa n tiringai, ao kam anaa buu.

Karikani B'aai 20:11 ပူးပေါင်းရင်းမြစ်များ

Karikani B'aai 12:12

Ane a na boni b'aka i roum kaain Aikubita, ao ane a na tiringai i bukina ngke buu ngkoe, ao a na ti kamaiuko.

Karikani B'aai 20:10

E aera ngkai ko a karaoia ngkai?”

Karikani B'aai 20:12

Bon m'aneu ngaia, b'a bon natin tamau, ma e kaokoro tinau ma ngaia, ao I a tia ni mare ma ngaia.

Karikani B'aai 22:12

Ao E taku te anera, “Ko na tai kaikoaka te ataei, ke ni karaoa te b'ai teuana nakoina. I ataia ngkai b'a ko bon ongotaeka iroun te Atua, b'a ko aki taua natim te mm'aane ae te rikitemanna mai Rouna.”

Karikani B'aai 26:7

Ao ngkana a titirakinna aomata i bukin buuna, ao ngaia e taku b'a m'anena. E rawa ni kaotia ae buuna, b'a e maakuia aomata akekei b'a a kaawa n tiringnga i bukin anaakin Nei Rebeka mai rouna, b'a e bon rangi n tikiraoi.

Karikani B'aai 42:18

Ao e taku Ioteb'a nakoia n te katenibong, “Bon te aomata ngai ae I mamaaka te Atua, ao ti teuana te anga are N na kona ni kamaiu ngkami iai.

Neemia 5:15

Taian kowana ni kabane ake i m'aaiu a bon karawaawataia aomata ni karaoia aomata b'a a na kabooi kanaia ma nimaia ao a tangira abwi te m'ane te tirewa ni katoa bong. Ao bon taian mataniwi naba aika a karawaawataia aomata. Ma I karinea te Atua, ao I taku b'a e aki riai te karawaawataia aomata.

Iobi 1:1

N ririki aika b'akanako, te aomata ae arana Iobi e maeka n te aba are Uti. Bon te aomata ae moan te raoiroi, ao e raarawa ni karaoa te m'akuri ae buakaka.

Iobi 28:28

E taku te Atua nakon te aomata, “Ngkana ko tangiria ni wanawana, ao ko riai n anga te karinerine nakon te UEA. Ngkana ko kan atatai, ao ko na rairaki nako man te buakaka.”

Taian Areru 14:4

Buakaka ma kammaira! E koaua b'a kam boni rangi ni bangab'ai? Kam raarawa n tataro, ao kam kang ana Aomata te UEA.

Taeka n Rabakau 1:7

Karinea ao ongotaeka iroun te UEA! Aio bon moanan te rabakau. Bon te nanobaba ane e aki butim'aea te wanawana ma te reirei.

Taeka n Rabakau 16:6

Ngkana ti tangira te Atua ma nanora ni koaua ao a na kab'araaki ara bure; ngkana ti kaota karineana, ao ti na kararoaira man te bure.

Taeka n Rabakau 2:5

Ao ane ko na ataa iai nanon te b'ai ae e nanonaki ni karinean ao ataakin te UEA ae te Atua.

Taeka n Rabakau 8:13

Ngkana ko karinea te UEA, ao ko na ribaa te buakaka. I ribaa te kamoamoa ao te kainikatonga ao te kewe ni kam'aam'ane.

I-Rom 3:18

Akea i rouia makan te Atua.