Karikani B'aai 2:9 - Te B'aib'ara

⁹ Ao E kariki aekaki n aroka nako ikekei aika tikiraoi b'a a na riki rake ma ni kariki uaa. Ao iai aroka i nuukana, ae te aroka ae anga te maiu, ao te aroka ae anga ataan te raoiroi ma te buakaka.

Karikani B'aai 2:9 ပူးပေါင်းရင်းမြစ်များ

Karikani B'aai 2:17

ma ti te aroka are e anga ataan te raoiroi ma te buakaka ae ko na aki kana uaana, ao ngkana ko kanna, ao ko na mate naba n te bong anne.”

Karikani B'aai 3:22

Ao E taku te UEA ae te Atua, “A riki aomata aikai b'a katotongara, ao e a reke i rouia te wanawana n ataa te raoiroi ma te buakaka; a riai n aki manga kariaiakaki ni kana uaan te kai are e anga te maiu, b'a a na aki maiu n taai nako.”

Karikani B'aai 3:24

Ao i mwiina, i mainikun te nne n aroka E katikui baike a maiu aika iai baiia ni kiba ma te kabaang ae e uram'aaka i rouia, ao a uaatimaniia te tabo arei ni kabutaa n totokoia aomata ake a na kaaniia te kai are e anga te maiu.

Karikani B'aai 3:3

ma ti uaan te kai are i nuuka ae ti na aki kanna. E tuangiira te Atua b'a ti na aki kana uaana, ke n taua; ti na boni mate ngkana ti kanna.”

Karikani B'aai 3:5

b'a E ataia te Atua b'a ngkana kam kanna, ao kam na riki n ai arona, ao kam na ataa iai te raoiroi ma te buakaka; ao bon anne bukina are E katabua iai kanakina i roumi.”

Taeka n Rabakau 11:30

Maiuakina te raoiroi, ao ane kam na am'arake man te aroka are e angaanga te maiu. Ao ngkana kam m'akuri n aron te aomata ae e wanawana, ao ane a na katotoongkami tabem'aang.

Taeka n Rabakau 3:18

Bon te aroka ae e anga te maiu te wanawana, bon te tabo ike e nako mai iai te kukurei i bukiia ni kabane akana a taumatoaia.

Itaia 44:25

I kariki aia kewe burabeti ni kewe ao nanobabaia taani kaiwa. I anaa wanawanan te aomata ao I karikia b'a te b'ai ae akea nanona.

Itaia 47:10

Ko na karabako i akuun te buakaka kaanga te otanga ao ko na kaangai, Akea ae konaa n noorai!” Ko kananobabaaki n rabakaum ao am ataib'ai; ko iangoia i bon iroum b'a bon ti ngkoe ae ko tautaeka.

Etekiera 31:16

E na b'aka ni maerikiriki te aroka aei i aon te tano, ao N na kanakoa nakon te aonnaba are i nano. Ao ane e na toubekaaki irouia botannaomata nako n te aonnaba.

Etekiera 31:18

Uean Aikubita, a na bane n riki baikai nakoim ma am aomata! Ti te bo ngkoe ma te aroka aei n te tai teuana—ko rietaata ma ni korakora riki nakoia aomata nako n te aonnaba. Ma ko na koreaki, n ai aron taian aroka ake n te nne n aroka are Eten ake a bon riai ni mate. Ko kanakoaki nakon aia aonnaba maate, ike ko na ikotaki iai.

Etekiera 47:12

A na maiu taian kai n am'arake i mataniwiin te karaanga aei ao a na katiinakoi taiani uaa aika a raraoi ni katoa nam'akaina. A na aki rai baana, i bukina b'a e tebotebokaki n taai nako n ranin te raanga n ran are e raanga man te Tembora, ao e na kamanenaaki i bukin kamaiuaia aomata.

Ioane 6:48

Ngai te am'arake ni kamaiu.

1.I-Korinto 8:1

Ti na nori taekan am'arake ake karea nakoni bouannanti: ti ataia b'a “ti bane n atatai”, n ai aron aia taeka tem'angina. E karika te kainikatonga te atatai, ma te tangira e buokia aomata b'a a na teimatoa.

Te Tua-Kaua 6:25

Ao ngkana ti karaoa anne, ao E na kaawakiniira ma ni buokiira b'a ti na tetekeraoi.

Te Kaotioti 2:7

“Ane iai taningana n ongo, ao ke e ongo ana taeka te Tamnei are Raoiroi nakoia ekaretia. “Ane tokanikai ao N na anganna te am'arake man te kai ni maiu are mena n ana B'aretaiti te Atua.

Te Kaotioti 22:14

A a kab'aia akana teboki aia kunnikai aika m'arairai, b'a e na reke nakoia te kona n roko n te kai ni maiu, ao te kona n rin nako i nanoni mataroan te kaawa, b'a a aonga n rin n te kaawa.

Te Kaotioti 22:2

n ri nuukani kawain te kaawa. Ao n iteran te karaanga ake uoua bon iai kaai ni maiu, aika kariki uaaia teuana te tai ni katoa nam'akaina i nanon teuana te ririki; ao baanikaai akekei boni b'aini kamaiuaia botannaomata.