Karikani B'aai 2:5 - Te B'aib'ara

⁵ Ngke E karaoa karawa ma aonnaba te UEA, ae te Atua, ao bon akea taian aroka ma taian koraa aika bwebwerake n te aonnaba i bukina b'a E tuai karokoa te karau te Atua, ao bon akea naba te aomata are e na m'akuriia te tano ma taian aroka,

Karikani B'aai 2:5 ပူးပေါင်းရင်းမြစ်များ

Karikani B'aai 2:6

ma e waerake te ran mai nano ni kam'aim'aa te tano.

Karikani B'aai 3:23

Ma ngaia are, E kanakoia te UEA ae te Atua man te nne n aroka are Eten, ao E karaoia b'a taan ribanaa te tano are a boni karaoaki mai iai.

Karikani B'aai 4:12

Ngkana ko ribana, ao e na aki anga te maiu te tano nakon arokam, ao ko na riki b'a te aomata ae akea mwengana, ae tiotio nako n te aonnaba.”

Karikani B'aai 4:2

Ao i mwiin te tai ae e aki maan, ao e a manga bungia riki natina te mm'aane temanna ae Abera. E riki Abera b'a te tia kaawakin tiibu, ao Kain b'a te tia ununiki.

Iobi 5:10

E kanakoa te karau nako aonteaba, ao E teboki taian tawaana.

Taian Areru 104:14

Ko kamaiu uteute b'a kanaia maan, ao te aroka b'a e na ribanaaki iroun te aomata, B'a e aonga ni karekea te am'arake mai aontano,

Taian Areru 135:7

E karoko nangini karau mai tabon aonnaba; E karaoa te iti b'a raon te karau, Ao E kaotinakoa te ang mani nen ana b'ai.

Ieremia 10:12

Ko karaoa te aonnaba ao ko taakin taiani karawa ni wanawanam ao m'aakam.

Ieremia 10:13

A rurunga raan ake n taiani karawa n am taeka. Ko kabetirakei naang ko kanakoi taian ang man am autinib'ai ao ko karaoa te iti i nanon te karau.

Ieremia 14:22

A aki konaa ni karokoa te karau taian bouannanti, ao a aki konaa ni b'aka tamruru ni karau i bon irouia. Bon ti Ngkoe ae Ko konaa n taua aron te karau, ma ngaia are, ti katikui ara onimaki iroum, Ngkoe ae te UEA ae Atuara.

Mataio 5:45

b'a kam aonga n riki b'a natin Tamami are i karawa iai; b'a E kaota ana taai i aoia akana buakaka ma akana babakanikawai.

Ebera 6:7

B'a e kakab'aiaki iroun te Atua te tano ae a tia n oonga te karau ae b'ab'aka i aona, ae e kariki aroka aika bongana nakoia akana e ribanaaki i bukiia.