Karikani B'aai 2:25 - Te B'aib'ara

²⁵ Ao a uaia ni bebeekan te mm'aane ma te aine arei, ao a aki mamaa iai.

Karikani B'aai 2:25 ပူးပေါင်းရင်းမြစ်များ

Karikani B'aai 3:7

Ni bon te tai naba are a kanna iai, ao e a reke i rouia te wanawana, ao a tib'a ataia ae a bebeekan. Ma ngaia are, a itutui baan kaai aika biiku, ao a karabaniia iai.

Taian Areru 25:3

A aki kona ni konaaki akana onimakiniko irouia aiaia; ma ti te koraki ake akea nanoia b'a ti te kan ekiko nako.

Taian Areru 31:17

Te UEA, I weteiko; N na aki b'ainrang iroum. Kab'ainrangiia akana buakaka, ao kanakoia nako Tiore n aki karongoa.

Te Otinako 32:25

Ao e ataia Moote b'a akea ae e na kairiia aomata, ma ngaia are, bon ana bure Aaron. Ao ngkai a tia ni katei tamneia aika a nanobaba i mataia aia kairiribai nako.

Itaia 44:9

Bon akea manenaia aomata aika a kaakaraoi taian bouannanti, ao taian bouannanti aika a kariki b'a kaub'aia boni baika a akea maneia. A matakii, akea kanoan aia iango, ao a baba taan taromauri taian bouannanti.

Itaia 47:3

Ko na rawata ni mamaa ni kabebeekanaki, i bukina b'a I a tia ni karaoa te irantaanga, ao bon akea ae e konaa ni biri nako.

Itaia 54:4

Kam na aki maaku ke ni mamaa ao kam na aki buuang. E na aki b'ara nanomi. Kam na m'aninga ae bon taani bure ngkoa ngkami ma ngke kam uarereke; Ani katoka te mamaa i bukina ngkai ai akea buum.

Ieremia 17:13

Bon te koburake n ran Ngkoe ae e anganiia Iteraera te maiu ma te kaantaninga. Ma ngkana a aki kubara te b'ai ae Ko taekinna aomata ao a na kamaunaaki nako kaanga taian taeka aika a koreaki i aon te tano.

Ieremia 6:15

A riai ni mamaa n aia bure ae moan te ribaaki, ao a aki roko naba n te mainarake moaia. Ai ngaia are ngkana I katuaaea Iuta, ao a na bane n toki i aon aontano, ni mate kaanga aekaia aomata nako. Bon aei au taeka Ngai ae te UEA.

Etekiera 16:61

Ko na bon mamaa ngkana ko uringa m'akuriana iroum, ao ai moara ra riki ngke I kaokiia tarim nakoim, e ngae ngke ti aki aei kanoan te boraraoi.

Ioera 2:26

au Aomata, kam na am'arake ni karokoa kam rauaki. Ao ane kam na neboai i bukin b'aai aika a kamimii aika I a tia ni karaoi. Kam na aki manga kamaamaaeaki.

Mareko 8:38

B'a ane mamaa i Rou ao n au taeka n te roro ae kakeaa te Atua, ae te roro ae buakaka aei, ao Natin te Aomata E na mamaa naba i rouna ngkana E roko ma mimitongin Tamana, ao raona anera ake a tabu.”

Ruka 9:26

B'a ane mamaa i Rou ao n au taeka, ao E na mamaa naba i rouna Natin te Aomata ngkana E roko ma mimitongina ao mimitongin te Tama ma anera ake a raoiroi.

I-Rom 10:11

B'a e kaangai te B'aib'ara, “Ane onimakinna ao e na aki kamaamaeaki.”