Karikani B'aai 2:2 - Te B'aib'ara

² Ao e bane ana m'akuri te Atua n te kaitiua ni bong, ao E toki ni m'akuri iai.

Karikani B'aai 2:2 ပူးပေါင်းရင်းမြစ်များ

Karikani B'aai 1:31

Ao E noori b'aai ni kabane te Atua ake E a tia ni kariki, b'a a raoiroi. E tairiki, ao e ngaina ao bon te kaonoua ni bong.

Karikani B'aai 2:3

E kakab'aiaa te kaitiua ni bong, ao E kaokoroa b'a te bong ni motirawa i bukina ngke E toki ni m'akuri iai.

Te Otinako 23:12

Kam na m'akuri ni bong ake onobong n te wiiki, ao kam na motirawa ma ni katoki kuami n te kaitiua ni bong. E na aki ti b'ainaki te tua aei i roumi, ma irouia naba ami kaomm'aane, aati, ao ami toro, ai uana naba ma iruwa akana a maeka i buakomi.

Te Otinako 31:15

Onobong ami bong ni karaoi ami m'akuri, ma Au b'ai te Taabati, ao e na riai n tiku b'a te bong ni motirawa. Kam na aki atongaki b'a Au aomata ngkana kam m'akuri n te Taabati, ao kam na kamateaki.

Te Otinako 31:17

E riki te bong aei n taai nako b'a te tia kauring, nako Iu ao nako ia naba Iteraera, b'a I karaoi taiani karawa ma aonnaba i nanon onobong, ao I motirawa ma ni katoka kuau n te kaitiua ni bong.

Itaia 58:13

Ma i m'aain anne, kam na riai moa ni karinea te Taabati ae kaanga ai aron kakukurein te bong n taromauri. Kam riai ni katoka karaoan ao tataekinan te b'ai ae kam tangiria ni karaoia n te bong ae e rine aei.

Ioane 5:17

E kaekaia Iesu ao E taku, “E m'am'akuri nako naba Tamau, ao Ngai I riai naba ni m'akuri.”

Te Tua-Kaua 5:14

ma bon Au b'ai te kaitiua ni bong, Ngai ae Atuami. Bon akea ae na m'akuri n te bong anne--ngkami, ami ataei, ami kao ke ami aati ke ami man tabeua, ao ami iruwa naba ake a maeka n ami kaawa. Ao kam na aki kam'akuriia naba ami toro.

Ebera 4:10

B'a ane rin i nanon ana motirawa te Atua, ao e boni motirawa man ana m'akuri, n ai aron te Atua ngke E motirawa naba man ana m'akuri.

Ebera 4:4

B'a E taekina te kaitibong n te tabo teuana ni kangai: “E motirawa te Atua n te kaitibong man ana m'akuri ni kabane.”