Karikani B'aai 2:17 - Te B'aib'ara

¹⁷ ma ti te aroka are e anga ataan te raoiroi ma te buakaka ae ko na aki kana uaana, ao ngkana ko kanna, ao ko na mate naba n te bong anne.”

Karikani B'aai 2:17 ပူးပေါင်းရင်းမြစ်များ

Karikani B'aai 2:9

Ao E kariki aekaki n aroka nako ikekei aika tikiraoi b'a a na riki rake ma ni kariki uaa. Ao iai aroka i nuukana, ae te aroka ae anga te maiu, ao te aroka ae anga ataan te raoiroi ma te buakaka.

Karikani B'aai 20:7

Ma ngkai, ko na kaoka te aine anne nakon buuna. Bon te burabeti teuarei, ao boni ngaia ae na tataro i bukim b'a ko na aki mate. Ma ngkana ko aki kaokia, ao I kauringko ngkai b'a ko na bon mate ma am aomata ni kabane.”

Karikani B'aai 3:11

Ao E titirakinna te Atua ni kaangai, “Antai ae e tuangko b'a ko bebeekan? Ko a tia ni kana uaan te kai are I tuangko b'a ko na aki kanna?”

Karikani B'aai 3:17

Ao E a manga taku nakon teuarei, “Ao ngkoe ngkai ko ongo b'anaan buum ni kana naba te uaanikai are I a tia n tuangko b'a ko na aki kanna, ao ngkai, N na katekebuaka te tano. Ane ko na m'akuri korakora ni kabane bongin maium n riribanaa te tano i bukin karekean kanam.

Karikani B'aai 3:19

A na reke kanam mani maonon ram'am ni karokoa manga okiran te tano are ko boni karaoaki mai iai. Ko karaoaki man te tano, ao ane ko na manga bon okira te tano.”

1.Uea 2:37

Ko na tiringaki ngkana ko kataia n ri nanon te M'arua are Kiteron ma ni kiitana Ierutarem. Boon am bure anne.”

1.Uea 2:42

E kanaanako weteana Toromon, ao e taku nakoina: “Timei, ko a tia ni berita n aran te UEA b'a ko na aki kikitana Ierutarem. I a tia ni kauringko b'a ko na boni mate ngkana ko karaoa aei. Ao ko kariaia, ao ko taku b'a e raoiroi. Ngaia anne?

Ieremia 26:8

ao ngke e a tib'a bane taekinan b'aai nako ake e mwiokoai te UEA b'a N na taekin, ao a tauai ma n takaarua ni kaangai, “Ko na riai n tiringaki i bukin te b'ai ae ko karaoia!

Etekiera 18:13

ao e anaa te bakao ae e buubura ngkana e kataarau n te m'ane. Te mm'aane ae e buakaka n aron anne e na bon aki maiu. Bon ngaia ae e karaoi buure aika a kakamaaku aikai, ma ngaia are, akea ae e bure nakoina.

Etekiera 18:32

I aki tangiria Ngai ae te UEA ae te Atua b'a N na noora anne ngkana e riki nakoia aomata nako. Ma ngaia ae ani katoka karaoan te bure ao kam a maiu!

Etekiera 18:4

Bon au b'ai maiuia aomata ni kabane, kaaro ao ai uana naba ma naati. Bon ti aika a bure aika a riai ni kamateaki.

Etekiera 33:14

Ngkana tao I kauringiia aomata aika a buakaka b'a a na mate i bukin aia bure nako, ao a katoka karaoan te bure ni karaoa ae e raoiroi.

Etekiera 33:8

Ngkana I tuangiia aomata aika a buakaka b'a a na mate i bukin aia bure, ao ngkoe ko na kauringiia b'a a na rairaki nako man aia m'akuri aika a bure. Ma ngkana ko rawa ni kauringiia, ao ko na bukintaeka ni mateia.

Warekaia Iteraera 26:65

ma bon ti Kareb'a are natin Iebunne te mm'aane, ao Iotua are natin Nun te mm'aane. E a tia n taku te UEA b'a a na bane ni mate n te rereua ikekei.

I-Rom 1:32

A bon ata ana taeka te Atua ae kaangai, A riai mateia akana karaoi baikai. A aki ti kakaraoi baikai, ma a boni kaoti naba nanoia aika kukurei ngkana a karaoaki baikai irouia tem'angina.

I-Rom 6:16

Kam aki ataia b'a ane kam anga ngkami nakoina b'a ana toro n ongeaba i rouna, ao bon ana toro iai ngkami ngkai kam ongeaba i rouna, b'a tao te bure are e mate te aba iai, ke tao te ongeaba are e reke mai iai kaetan arora n reitaki ma te Atua?

I-Rom 6:23

B'a boon te bure te mate; ma ana b'ai n tituaraoi te Atua te maiu are aki toki i nanoni Kristo Iesu are ara UEA.

I-Rom 8:2

B'a ana tua te Tamnei, are karekea te maiu nako ira i nanoni Kristo Iesu, e kainaomataai man ana tua te bure ma te mate.

1.I-Korinto 15:22

B'a ngke e reke te mate irouia aomata ni kabaneia mairoun Atam, ao ai aroia naba b'a a na bane n reke i rouia te manga uti mairouni Kristo.

1.I-Korinto 15:56

Te bure boni ngaia ana b'ai ni kaikoaki te mate, ao korakoran te bure bon te Tua.

I-Karatia 3:10

B'a a nangi reke kaiia aomata aika bati aika karaoi baika tangiraki n te Tua; b'a e a tia ni koreaki ae kaangai, “E na reke kain te aomata ae aki teimatoa ni karaoi b'ai ni kabane ake a koreaki ni bokin te Tua!”

I-Ebeto 5:14

b'a b'aai ni kabane aika kaotaki a riki b'a te oota. Ao aei bukin are atongaki ni kaangai: “Ko na uti, ngkoe ae ko matu, ao teirake mai buakoia maate, ao e na kaotako Kristo.”

Te Tua-Kaua 30:15

I anganingkami nanomi n te bong aei. Kam kona n rinea te maiu ao te tetekeraoi ke te mate ao te kabuanib'ai.

Te Tua-Kaua 30:19

I wetea karawa ma aonnaba n te tai aei b'a taani kakoaua b'a I anganingkami nanomi n are kam kan rineia. Tera ngke kam rinea te UEA b'a E na anganingkami te tetekeraoi ma te maiu ae ab'ab'aki, b'a E kaawa n kab'aka te maraia i aomi ma n tiringingkami. Rinea te maiu.

I-Korote 2:13

Ao ngkami, akana kam mate i bukin aromi ni bubure ao i bukina ngkai tiaki ana aomata te Atua ngkami, E a manga kamaiungkami te Atua ma Kristo, ngkae E a tia ni kab'ara ara bure ni kabane;

1.Timoteo 5:6

Ma te aine ae ti te kani kakukureia rab'atana, e boni ngae ngke e maiu, ma e mate.

Iakobo 1:15

Ao te nano ni kaib'ab'aru, ngkana e bikoukou, ao e bungia te bure; ao te bure, ngkana e ikawai, ao e bungia te mate.

1.Ioane 5:16

Ngkana e nora tarina te aomata b'a e karaoa te bure ae e na aki mate iai, ao e na tataro i bukina, ao te Atua E na angan teuare e bure te maiu. E a kaeti aei nakoia ake a bure n te bure ae a na aki mate iai. Bon iai te bure ae e mate te aba iai: I aki taku b'a e na tataro i bukin aei.

Te Kaotioti 2:11

“Ane iai taningana ao ke e ongo ana taeka te Tamnei are Raoiroi nakoia ekaretia. “Ane tokanikai ao e na bon aki kamarakaki n te mate are te kauoua.

Te Kaotioti 20:14

Ao te Mate ma Eriti a teweaki nako nanon te nama are te ai. (Aei te mate are te kauoua, ae te nama are te ai.)

Te Kaotioti 20:6

E a kab'aia ane e reke nena n te moa ni manga-maiu; bon ana aomata ni koaua te Atua. Akea m'aakan te mate are te kauoua i aoia aomata aika ai aroia aikai: a na riki b'a ana ibonga te Atua ma Kristo, ao a na uea ma Ngaia tengaa te ririki.

Te Kaotioti 21:8

Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”

1.Tamuera 14:39

I berita i matan te UEA ae maiu b'a ane karaoa te bure, e na tiringaki, e aoria naba ngkana bon natiu are Ionatan.” Ao akea ae kakarongoa.

1.Tamuera 14:44

“Eng Ionatan, I tuea nakon te Atua b'a ko riai ni mate.”

1.Tamuera 20:31

Ko aki ataia b'a e na uea Tawita ngkana e maiu, ao ko na bon aki uea n te aba aei? Ko na nako ngkai ni kairiia mai, E na riai n tiringaki!”

1.Tamuera 22:16

Ao e taku te uea, Aimereka, ko riai n tiringaki ma am utu ni kabane.”