Karikani B'aai 19:5 - Te B'aib'ara

⁵ ao a takaarua nakon Roota n titirakinna ni kaangai, “A nga uake a na matu i rarikim nakon te tairiki? Kanakomaia nakoira.” A tangiria mm'aanen Tootom ni karaobure ma ngaia.

Karikani B'aai 19:5 ပူးပေါင်းရင်းမြစ်များ

Karikani B'aai 19:6

Ao e otinako Roota, ao e a manga kaina te mataroa i akuuna,

1.Uea 14:24

Ao ae e a rangi ni buakaka riki, ainen matawa b'a a na m'akuri n te baangota, ma ni karaoi katei aika a kammaira, aika kateia botannaomata Ianena are e a tia ngkoa te UEA ni kanakoia mai aoni Kanaan.

Itaia 1:9

E na riai n tia ni mauna nako Tion kaanga Tootom ma Komora,

Itaia 3:9

Taraan moamoami e oti iai b'a ti te bo ami bure ma kaain Tootom, ao kam aki kataia ni karabaa. Kam a reke n te kaangaanga, ao kam a bon tia ni katokai i aomi ni kabane.

Ieremia 3:3

Ma ngaia are, I rawa Ngai ae te UEA ni kab'aka te karau n te aumeaang. Ma ko aki mamaa naba n te b'ai ae ko a tia ni karaoia kaanga te aine ae ainen matawa.

Ieremia 6:15

A riai ni mamaa n aia bure ae moan te ribaaki, ao a aki roko naba n te mainarake moaia. Ai ngaia are ngkana I katuaaea Iuta, ao a na bane n toki i aon aontano, ni mate kaanga aekaia aomata nako. Bon aei au taeka Ngai ae te UEA.

Etekiera 16:49

A kainikatonga ao a buabeka; a toki nanoia ni b'aai ake a kainanoi ao a rawa ni buokiia aika a kananoanga aika a maiu ni kainano.

Etekiera 16:50

A taku b'a a raoiroi riki nakoia aomata ni kabane, ao a karaoi b'aai aika I ribaai. Ma ngaia are, I kamaunaiia.

Etekiera 16:51

Kam a tia ngkami aika kaain Ierutarem ni kauoua buakakan ami bure nakoia kaain Tamaria. E a manga taraa n akea ana bure Totom ma Tamaria i bukin buakakan ami m'akuri.

Nakoaia Ibonga 18:22

E na tai iein te m'aane ma te m'aane; e ribaia te Atua.

Nakoaia Ibonga 20:13

Bon te b'ai ni kamamaa ngkana e wenenibure te m'aane ma raona ni m'aane, akana a karaoia ao a na kamateaki, b'a aei ae a boni kaantaningaia.

1.I-Korinto 6:9

Kam ataiia aomata aika buakaka b'a e aki reke i rouia uean te Atua? Kam na tai kababaingkami; e aki reke uean te Atua irouia taani wene ni bure, ma taan taromauri bouannanti, ma aomata aika aki kakaonimaki nakon aia berita ni mare, ma mm'aane aika baka ni kan aine, ma mm'aane aika bure ma mm'aane,

Te Tua-Kaua 23:17

Kaain Iteraera, bon akea mai buakomi ae na riki b'a ainen matawaan te tembora.

1.Timoteo 1:10

ao i bukiia taani wene ni bure ma nikiranroro, ma mm'aane aika karaoi m'akuri ni kammaira ma raoia ni mm'aane, ma taan iraeia aomata, ao i bukiia taani kewe ma taan tuea ni kewe, ao i bukini b'aai ni kabane, ngkana tao iai, aika eekaanako te reirei ni koaua,

2.Timoteo 3:13

ma aomata aika buakaka ma aika m'am'anaa te aba n aroia n atongiia b'a aomata tabem'aang ngke bon tiaki ngaiia; ane a na rikirake aroia man ae buakaka nakon ae buakaka riki, ni bureburea te aba ao ni burebureaki i bon i rouia.

2.Betero 2:2

Ao ane a na m'aiti aomata aika na kakairi i rouia n tam'are; ao i bukin aroia anne, ao e na kabuakakaki iai te koaua ni Kristian.

2.Betero 2:7

E kamaiua Rota ae te aomata ae e raoiroi, are rawawata nanona n aroia n tam'are aomata aika buakaka.

Iuta 1:7

n ai aroia kaain Totom ma Komora ma kaawa ake i rarikiia, ngke a kitan aroia ake a katauaki iai n ai aroia anera akekei, ao a karaoi aaro ni kammaira aika bobuaka ma te iango; ao a riki b'a te b'ai n reirei nakoia aomata ni kabaneia, ngkai a reke kaiia n te ai ae m'aka are akea tokina.

Tani Motiki-taeka 19:22

Ao a rangi ni kukurei n te tairiki arei, ngke a ti roko naba kaain te kaawa arei ni katobibia aia auti ma n ororea mataroan te auti ma n takaarua ni kaangai, “Kaotinakoia aomata akana a roko n am auti n te tairiki aei b'a ti na bure ma ngaiia.”