Karikani B'aai 19:3 - Te B'aib'ara

³ Ma e imanonoia Roota ni karokoa a iria nakon ana auti. Ao e tuanga ana toro Roota b'a e na kam'aa tabeua te kariki ma ni katauraoa te katairiki i bukiia ana iruwa akekei. Ao ngke e a tauraoi, ao a am'arake.

Karikani B'aai 19:3 ပူးပေါင်းရင်းမြစ်များ

Karikani B'aai 19:2

ao e taku, “Raou aika kam karineaki, I tauraoi ni buokingkami. Nako mai nakon ana auti ami toro. Kam kona n teboki waemi ma ni matu ikai nakon te tairiki. Ao ningabong, kam a manga uti n reitanako kawaimi.” Ao a kaeka uakekei ni kaangai, “Ti aki, b'a ti a boni mena naba i tinaniku ikai ni karokoa te ngaina.”

Karikani B'aai 21:8

Ao e tabe n rikirake te ataei aei, ao ngke e a roko te tai are e a karaaureaki iai man te mamma, ao e a karaoa te baka ae buubura Aberaam.

Karikani B'aai 24:31

ao e taku, “Nako mai, irai nakon te auti. Bon ngkoe te aomata ae kakab'aiaki iroun te UEA. E aera ngkai ko a teitei i tinaniku ikai? E rangi m'aawa au auti, ao iai naba nneia am kamero.”

Karikani B'aai 26:30

Ao e a karaoa ana baka n am'arake Itaaka ma ngaiia, ao a am'arake ma ni mooi.

2.Uea 4:8

N te bong teuana ngke e mena Eritai n te kaawa ae Tunem, ao e kaitibo ma te aine ae e kaub'ai are e kaooa b'a e na am'arake ma ngaia n ana auti. Ao i mwiin anne, ao n taai are e a manga roko iai i Tunem ao e am'am'arake ma neierei ao buuna.

Te Otinako 12:15

E taku te UEA, “Kam na aki kana te kariki ae karikaki i nanon itiua te bong—Kam na tii kana are aki karikaki. Ao n te moani bong kam na kanakoi taian iti man ami auti nako, b'a ngkana iai ane e kana te kariki ae karikaki i nanon boong akana itibong akanne, ao e na aki atongaki b'a au aomata.

Te Otinako 12:39

Ao a kam'aa te kariki ae e aki karikaki man te buraawa are e a tia ni kabooboaki are a uotia mai Aikubita, i bukina ngke a kataweaki ni kanakoaki n aki reke aia tai ni katauraoi kanaia ke ni katauraoi aia buraawa are e a tia ni kabooaki ae e aki itiinaki.

Ruka 11:8

I taku nako imi b'a tao e na aki tei rake n anganna i bukina ngke raoraona; ma i bukini kabatiaan ana bubuti, ao n aki mamaa n te baere e kainanoia.

Ruka 14:23

Ao e taku te mataniwi nakon te toro, “Ko na nako ni kawai aika raababa ma kawain te marenaua, ao imanonoia aomata b'a a na nako mai, b'a e aonga ni kaonaki au auti.

Ruka 5:29

Ao e karaoa te am'arake ae ab'ab'aki Rewi n ana auti; ao a m'aiti taan anai taekiti ma aomata tabem'aang ake a roko n am'arake.

Ioane 12:2

Ma ngaia are, a karaoa te am'arake i bukin Iesu ikekei; e touati Mareta, ao Rataro e raonia ake a tekateka n rarikiriki ma Iesu.

1.I-Korinto 5:8

Ma ngaia ae ti na botaki ni kukurei n te Toa are te Riao, ma ti na aki kabongana te kariki are iai te iiti nikawai iai, are te bure ma te buakaka; ma ti na kabongana te kariki are akea te iti iai, are karikin te itiaki ma te koaua.

2.I-Korinto 5:14

B'a e tautaekaniira ana tangira Kristo; ao ngkai ti kakoaua b'a E mate i bukiia aomata ni kabaneia, ao nanona b'a a bane aomata ni buokanib'ai ni matena;

Ebera 13:2

Kam na ururinga akoaia iruwa. Iai tabem'aang aika karaoa anne, ao a aki ataia iai b'a a tia naba n akoia anera.

Tani Motiki-taeka 6:19

Ao e okira ana auti Kiteon, ao e tiringa te kooti ae uarereke, ao e a kaburoa irikona. Ao i mwiina, e kauka te baeki ni buraawa, ao e karaoa te kariki ae manii mai iai. Ao ngke e a m'ai te iriko, ao e karinna n te b'atiketi, ao e kab'aroa ranna nakon te b'aata te kaatiibu. E ana te iriko, ma ranna, ao te kariki, ao e katikui i aan te aroka are buubura arei.

1.Tamuera 28:24

E kabaikoa te aine arei n tiringa te kao te teei are e a tia ni kamarikaa. Ao i mwiina, e anaa tabeua te buraawa, e katauraoia, ao e kam'aa tabeua te kariki ae e aki itinaki.