Karikani B'aai 19:25 - Te B'aib'ara

²⁵ ni kamaunaia ma te m'arua ni kabane, n ikotaki naba ma aomata ni kabane ma b'aai ni kabane ake a maiu i aon te aba.

Karikani B'aai 19:25 ပူးပေါင်းရင်းမြစ်များ

Karikani B'aai 13:10

Ao e taratara nako Roota, ao e noora te aba are ni m'aruan Ioretan nako Tooa b'a e m'aiti te ran iai kaanga ai aron nnen arokan te UEA.

Karikani B'aai 13:12

E tiku Aberam n te aba are Kanaan, ao e maeka Roota i rarikin kaawa aika buubura ake n te m'arua, ao e katea ana maeka i rarikin Tootom,

Karikani B'aai 14:3

A kabooi nanoia uea ake niiman, ao a booti aia taanga n te m'arua are Tirim, are aranaki b'a Taari ae Mate n taai aikai.

Taian Areru 107:34

Ao te aba ae uaa b'a te raereke ae tarika, i bukin aia bure akana maeka iai.

Itaia 13:19

E mimitong ao e korakora te kaawa ae e buubura ae B'aburon, kakatongaia botannaomata. Ma e na riki b'a kaanga taiani kaawa aika a buubura ake Tootom ao Komora i mwiin uruakana Irou Ngai ae te UEA.

Ieremia 20:16

Ke e riki te mm'aane anne b'a kaanga aron taiani kaawa ake Ko kamaunai n akea te nanoanga teutana. Ke e ongo taian takaarua ni kakatauraoi n te moaningabong ao kakarongoaan te buaka n te tawanou.

Ieremia 23:14

Ao kam rangi ni buakaka riki ngkami burabetin Ierutarem. Kam aki kakaonimaki nakon tuan ami mare ao kam aki konaa n taekina te koaua. Ao kam bon kairiia naba tabem'aang nakon te bure ngke kam bon riai ni buokiia ni kaokiia nako iu. Ngkami ma kaain Ierutarem ti te bo ami m'akuri aika a buakaka ma Totom ao Komora.

Ieremia 49:18

ae kaanga ai aron buakakan te urub'ai nakon ngkoa Totom ma Komora ao kaawa nako ake i rarikiia. E na akea kaain te kaawa ae Etom.

Ieremia 50:40

I urua Totom ma Komora ao kaawa nako ake i rarikiia, ao N na bon urua naba B'aburon ni kabanea raoi n ai aron naba anne. Bon akea temanna ae e na maiu ikekei.

B'aeb'aeti 4:6

E rawaawata riki oreaia au aomata nakoia aomatan Etom, ake a oreaki iroun te Atua n te aro a e karina.

Etekiera 16:50

A taku b'a a raoiroi riki nakoia aomata ni kabane, ao a karaoi b'aai aika I ribaai. Ma ngaia are, I kamaunaiia.

Amota 4:11

“I tiringiia tabem'aang mai buakomi n ai aroia I-Totom ma I-Komora. Ao ake a reke maiuia ai aron te kai ae bue ae butakinako mai nanon te ai. Ma kam bon teimatoa naba n aki kan onimakinai.” Bon ana taeka te UEA “Ma ngaia are ngkami aika I-Iteraera, N na bon katuaai ngkami ao kam na riai ni kataua motikan taekami i bukin aei.”

Teb'ania 2:9

Boni Ngai te UEA ae I maiu, te Atua ae kakawakiniia Iteraera ma ngaia ae I karaoa te berita ae e matoa b'a ana bon mate aomatan Moaba ma Ammon n ai aroia aomatan Totom ma Komora. “Ana riki abaia b'a te tabo ae e on n te kanib'anib'a n taoro ao e na bon akea ae e kona n ununiki iai. Ti uteute kain aona. Nikira ni maiu irouia au aomata a na anaa te aba anne mai nanon baiia i Moaba n te buaka, ma aia b'ai nako,” bon ana taeka te UEA.

Te Tua-Kaua 29:23

b'a e a riki b'a te rereua ae rangi ni kabuebue ae taari aona ni kabane, ao te bubu ae m'auteretere, ao akea te aroka ae e kona ni unikaki iai, akea te aroka ae kona ni bwebwee iai, ao bon akea naba te aroka ae e kona ni maiu iai. A na riki abami b'a kaanga aron maten aaba ake i rarikin kaawa ake a buubura ake Tootom, Komora, Atema, ao Teboiim i mwiin unin te UEA irouia ao E kamaunaia.

2.Betero 2:6

E motiki taekaia kaawa ake Totom ma Komora te Atua b'a a na uruaki n te ai, ao E karaoi b'a banna ni kakairi n aron te b'ai ae na riki nakoia aomata aika iangoia b'a a na aki reitaki ma te Atua ni maiuia.