Karikani B'aai 19:17 - Te B'aib'ara

¹⁷ Ao e taku te anera are temanna, “Biiri iangoi maiumi. Tai tanrikaaki, ao tai tiku i nanon te m'arua ma biiri nakon taian tabuki, b'a kam aonga n aki mate.”

Karikani B'aai 19:17 ပူးပေါင်းရင်းမြစ်များ

Karikani B'aai 13:10

Ao e taratara nako Roota, ao e noora te aba are ni m'aruan Ioretan nako Tooa b'a e m'aiti te ran iai kaanga ai aron nnen arokan te UEA.

Karikani B'aai 14:10

Ao e onrake te m'arua arei n taian nib'anib'a n taa, ma ngaia are, ngke a kataia ni birinako uean Tootom ma Komora man te bo ni buaka, ao a b'aka i nanon taian nib'anib'a akekei; ao uea ake teniman, a reke birinakoia nakoni maunga.

Karikani B'aai 18:22

Ao a kitana Aberaam mm'aane ake uoman akekei, ao a nako ni kaineta Tootom, ma E bon tiku te UEA i rarikin Aberaam.

Karikani B'aai 19:18

Ma e kaeka Roota ao e taku, “Raou ae ko karineaki, tai karaoa anne nako ira.

Karikani B'aai 19:22

Kawaekoaingkami! Biiri! Bon akea te b'ai ae N na karaoia ni karokoa rokomi raoi ikekei.” I bukina ngke e atongnga Roota b'a te kaawa ae uarereke, ao e a aranaki b'a Tooa.

Karikani B'aai 19:26

Ma e tanrikaaki buun Roota, ao e riki b'a te boua te taoro.

Karikani B'aai 19:30

Ma e maaku Roota ni maeka i Tooa, ma ngaia are, e waerakei taian tabuki ma natina aine ake uoman, ao e maeka n taian nangananga ni b'a.

1.Uea 1:12

Ao ko na tiringaki ngkoe ma natim are Toromon, ma ti ngkana ko karaoa te b'ai ae N na tuangko, ao kam na aki tiringaki.”

1.Uea 19:3

Ao e rangi ni maaku Eria ngke e a reke i rouna ana rongorongo, ao e a biri nakon te kaawa are Beerateb'a i Iuta, ao E katuka ana toro ikekei,

Taian Areru 121:1

I tara rake n tarai maunga! e na reke mai ia buokau?

Ieremia 48:6

Biiri n rawei maiumi! Kaineta te rereua kaanga te aati ae e aki manana.

Warekaia Iteraera 16:26

Ao e tuangiia aomata ni kaangai, “Kam na kararoaingkami man aia auti n rianna mm'aane aika taani bure aikai! Kam na aki riiriing aia b'ai ni kabane b'a kam kaawa n raona aia bure ni kamaunaaki naba.”

Mataio 3:7

Ngke e noriia B'aritaio ma Tarukaio aika bati Ioane b'a a roko b'a a na b'abetitoaki, ao e taku nako ia, “Ngkami aika buniia naeta, antai ae tuangngkami b'a kam na biri nako man te un are a kan roko?

Ruka 12:23

B'a e kakawaki riki te maiu nakon te am'arake, ao te rab'ata nakon te kunnikai.

Ruka 9:62

Ma E taku Iesu nako ina, “Akea ane katokaa baina i aon te b'ai ni kamarau tano n taua ao e tanrikaaki, ae e tau i bukin Uean te Atua!”

Ebera 2:3

ao ti na iranira ni kareke maiura ngkana ti aki mutiakina te aro ni kamaiu ae kakannato aei? E moa n taekinaki iroun te Uea, ao e kakoauaki nako ira irouia ake a ongo;

1.Tamuera 19:11

N te tairiki naba arei ao e kanakoia rorobuaka tabeman Tauro b'a a na tarataraa ana auti Tawita ao n tiringnga n te moaningabong. Ao e kauringa Tawita Nei Mikara ao e kaangai, “Ngkana ko aki biri nako n tairiki, ao ko na tiringaki nakon te moaningabong!”