Karikani B'aai 19:15 - Te B'aib'ara

¹⁵ Ao a kataia ni kawaekoa Roota taian anera ngke e a karangaina, ao a taku, “Kawaekoako. Kaira buum ma natim aine ao otinako, b'a e kaawa ni bua maium ngkana e kamaunaaki te kaawa ae buubura aei.”

Karikani B'aai 19:15 ပူးပေါင်းရင်းမြစ်များ

Karikani B'aai 19:14

Ao e nako Roota ni kawariia mm'aane ake a na iein ma natina aine, ao e taku, “Kawaekoaingkami otinako mai ikai; E nang kamaunaa te tabo aei te UEA.” Ma a taku b'a e manikangare.

Karikani B'aai 19:16

Ma e n taninganinga Roota, ao E nanoangaia te UEA, ma ngaia are a taua baina anera akekei ma buuna ma natina aine ake uoman, ao a kanakoa man te kaawa are buubura arei.

Karikani B'aai 19:17

Ao e taku te anera are temanna, “Biiri iangoi maiumi. Tai tanrikaaki, ao tai tiku i nanon te m'arua ma biiri nakon taian tabuki, b'a kam aonga n aki mate.”

Karikani B'aai 19:22

Kawaekoaingkami! Biiri! Bon akea te b'ai ae N na karaoia ni karokoa rokomi raoi ikekei.” I bukina ngke e atongnga Roota b'a te kaawa ae uarereke, ao e a aranaki b'a Tooa.

Taian Areru 94:23

E na kareke kaiia i bukin aia m'akuri aika bubuaka, Ao E na kamaunaia i bukin aia bure; A na kamaunaki iroun te UEA ae Atuara.

2.I-Korinto 6:2

b'a E kangai te Atua, “I ongo i roum n te tai ae riai, Ao I buokiko n te bongi ni kamaiu.” Noria, ngkai te tai ae riai; noria, ngkai te bongi ni kamaiu.

Te Kaotioti 18:4

Ao I ongo te b'ana teuana mai karawa b'a e kaangai, “Au aomata, kam na oti nako mai rouna! Kam na aki buokanib'ai ma ngaia n ana bure; ao kam na aki buokanib'ai naba ma ngaia ni katuaeana!