Karikani B'aai 19:14 - Te B'aib'ara

¹⁴ Ao e nako Roota ni kawariia mm'aane ake a na iein ma natina aine, ao e taku, “Kawaekoaingkami otinako mai ikai; E nang kamaunaa te tabo aei te UEA.” Ma a taku b'a e manikangare.

Karikani B'aai 19:14 ပူးပေါင်းရင်းမြစ်များ

Karikani B'aai 19:15

Ao a kataia ni kawaekoa Roota taian anera ngke e a karangaina, ao a taku, “Kawaekoako. Kaira buum ma natim aine ao otinako, b'a e kaawa ni bua maium ngkana e kamaunaaki te kaawa ae buubura aei.”

Karikani B'aai 19:17

Ao e taku te anera are temanna, “Biiri iangoi maiumi. Tai tanrikaaki, ao tai tiku i nanon te m'arua ma biiri nakon taian tabuki, b'a kam aonga n aki mate.”

Karikani B'aai 19:22

Kawaekoaingkami! Biiri! Bon akea te b'ai ae N na karaoia ni karokoa rokomi raoi ikekei.” I bukina ngke e atongnga Roota b'a te kaawa ae uarereke, ao e a aranaki b'a Tooa.

2.Rongorongo 30:10

A nako taan uarongorongo ni kabutai kaawan nako Eberaim ao Manate Maeao nakoiang ni karokoa aban Teburun, ma a bane aomata ni ngare ma ni kakanikoia.

2.Rongorongo 36:16

Ma a ti ngare aomata ao a kakanikoia burabeti akekei. A aki kubara te b'ai are e kataia n taekinna te UEA nakoia, ni karokoa e a rangi n un n te aro are bon akea ae e konaa ni katokia man katuaeakiia kaain Iuta ao Ierutarem.

Te Otinako 12:31

Ao te uea, e kanaanako weteaia Moote ma Aaron ni bon te tairiki naba anne ao e taku, Otinako, ngkoe ma am botannaomata ane Iteraera. Kiitana abau; naako taromauriia te UEA n aron are kam buubuti iai.

Te Otinako 9:21

Ma bon iai naba ake a aki tabe ma ana kauring te UEA ao a bon katikuia aia toro ma aia man i tinaniku.

Taeka n Rabakau 29:1

Ngkana ko teimatoa ni bonotaninga ngkana ko a tia n anganaki taiani kauring, ao ane ko na kubanako ni kunea b'a ngaia ko a tia n rangi n raroa nako.

Itaia 28:22

Ma ngaia are, kam riai ni katoka ami b'ab'ainingare b'a kam kaawa ni kamatoatoaa riki kabaeami nakon are mai m'aaina. I ongo taekan te UEA ae Moan te M'aaka b'a e orea te aba ae b'anin ni kamaunaa.

Ieremia 20:7

Ko kam'aneai, te UEA, ao I bon riki b'a te nanobaba iai. Ko korakora riki nako iu, ao Ko a tia ni kataenikaiai. A aki toki aomata ni matanikakanikoai ao n taetae n aki akaaka nako iu.

Ieremia 43:1

I tuangiia aomata ni kabane te b'ai are E a tia n tuangai te UEA.

Ieremia 43:2

Ma a taku nako iu Ataria, Ioanan ao tabeman mm'aane aika a kainikatonga, “Ko kewe! E bon aki tuangko te UEA b'a ti na aki nako Aikubita.

Ieremia 51:6

Otinako mai B'aburon! Biri n rawei maiumi! Kam na mate, ngkana kam tiku ngkana I kaoka te kai nakon te kaawa aei ma ni katuaaea i bukin ana bure nako.

Etekiera 20:49

Ma I ngurengure, te UEA ae te Atua, I aki tangiria ni karaoa te b'ai anne! A taku aomata b'a I kamangaongaoiia n Au rongorongo nako.”

Warekaia Iteraera 16:21

“Kam na kararoaingkami mai rarikiia Iteraera b'a N nang tiringiia n te tai aei!”

Warekaia Iteraera 16:26

Ao e tuangiia aomata ni kaangai, “Kam na kararoaingkami man aia auti n rianna mm'aane aika taani bure aikai! Kam na aki riiriing aia b'ai ni kabane b'a kam kaawa n raona aia bure ni kamaunaaki naba.”

Warekaia Iteraera 16:45

“Kam'aawaingkami! N nang bon karokoa aia bong Iteraera n te tai aei.” Ao a kawaekoaia ni bobaraaki n tataro.

Mataio 1:18

Aio aroni bungiakin Iesu Kristo; e a tia ni kabae tinana are Nei Maria ma Ioteb'a, ma i m'ain ae a mareaki ao e ataaki b'a iai te teei i birotona mairoun te Tamnei are Raoiroi.

Mataio 9:24

ao E taku nako ia, “Kam na bane n oti nako: b'a e aki mate te teeinaine, ma e matu!” Ao a ngareakinna ni kakanikoa.

Ruka 24:11

ma taeka aikai n aia katautau uakekei, kaanga ai aron te rongorongo ae akea nanona, ao a aki kakoauai.

Ruka 9:42

Ngke e tabe n roko te teei ni mm'aane, ao te taimonio, e boaketana ao e kaatikitikia. Ao Iesu, E takua te anti are kam'araa, ao E kamaiua te teei ni mm'aane, ao E anga nakon tamana.

M'akuri 17:32

A kakaniko tem'angina ngke a ongo taekaia maate b'a a kona ni manga uti; ao a taku ake tem'angina, “Ti a manga ongora i roum n taekan naba te baenne.”

1.I-Tetaronike 5:3

Ngkana a kangai aomata, “E a rau te aba ao akea te kakiriwe,” ao ane e na roko ni karina te kabuanib'ai nako ia, kanga ai aron rokon te ariri ni maraki iroun te aine ae nangi bung; ao a na bon aki kona ni kamaiuia maiai.