Karikani B'aai 18:8 - Te B'aib'ara

⁸ E anaa teutana te tangauri, te miriki teutana, ao te irikomaiu, ao e katauraoa te tabo n am'arake i mataia uakekei. Ao e kam'arakeia i aan te aroka arei, ao a tanaki n am'arake iai.

Karikani B'aai 18:8 ပူးပေါင်းရင်းမြစ်များ

Karikani B'aai 18:7

Ao e biri nakon ana nanai ni kao, ao e anaa ana kao teteei ae e raoiroi ae marikarika, ao e angan ana toro, ao e kabaitiia te toro arei ni katauraoa te am'arake.

Karikani B'aai 18:9

Ao a taku uakekei nako ina, “E ngaara buum are Nei Taara?” Ao e taku, “Bon are i nanon te auti n rianna.”

Karikani B'aai 19:3

Ma e imanonoia Roota ni karokoa a iria nakon ana auti. Ao e tuanga ana toro Roota b'a e na kam'aa tabeua te kariki ma ni katauraoa te katairiki i bukiia ana iruwa akekei. Ao ngke e a tauraoi, ao a am'arake.

Neemia 12:44

A rineaki tabeman taani kairiiri b'a taani kaawakin taian b'aintangira i bukin te Tembora ao taan butim'aai moan uaan te tai ao kabwianib'ai man taian uita ao man taiani man ake a anga aomata nakon te Atua n te bong naba arei. Bon taan kairiiri naba aikai ake a riirikoi taian uita ake a taekinaki n ana Tua Moote b'a a na anganaki kanoan Rewi. A bane ni kukurei aomata n aia m'akuri ibonga ma kanoan Rewi.

Itaia 7:15

Ngke e taui n ikawai te teei n ataa ae e raoiroi ma ae e buakaka,

Itaia 7:22

ma koraki akana a raka, e na konaa n reke aia miriki i bukin karaoan te miriki bua ao ana karewe te manibeeru.

Ruka 12:37

A kab'aia tooro akana e noria te mataniwi b'a a tabe n tantani ngkana e roko; e koaua ae I a tuangingkami b'a e na kabaea nuukana ao e na katekatekaia b'a a na am'arake, ao e na roko n touati i bukiia.

Ruka 17:8

Tiaki b'a e na kangai nako ina, Ko na katauraoa te am'arake i buku, ao kabaea nuukam ao karaoi baika I tangiri ngkai I am'arake ma ni moi?

Ruka 24:30

Ngke E taibora n am'arake ma ngaiia, ao E anaa te kariki ao E tataro ni katituaraoi, ao E urua, ao E anganiia.

Ruka 24:43

ao E anaia, ao E kanna i mataia.

Ioane 12:2

Ma ngaia are, a karaoa te am'arake i bukin Iesu ikekei; e touati Mareta, ao Rataro e raonia ake a tekateka n rarikiriki ma Iesu.

M'akuri 10:41

Tiaki nakoia aomata ni kabaneia, ma E kaotia ti nako ira, ngaira aika taani kakoaua aika ti a kaman rineaki iroun te Atua, aika ti am'arake ao ti moi ma Ngaia i mwini maiuna mai buakoia maate.

I-Karatia 5:13

B'a kam weteaki nakon te aro n inaomata, taari; ma kam na tai b'aina te aro n inaomata b'a aonami i bukini baika e tangiri te rab'ata; ma kam na i torotoro iroumi n te tangira.

Te Tua-Kaua 32:14

A karekei taian miriki ma taiani b'ata ami nanai ni kao ao ami nanai n tiibu, ao kam rinerinea kanami te iriko maiu ao a reke kanami iriko aika rangi n raraoi mairouia ami tiibu ma ami kooti ake a am'am'arake n uteuten Batian. Te naani kabanea n tamaroa ami uita ao kam mooi n te wain ae te kabanea n raoiroi.

Te Kaotioti 3:20

Noria, I tei i rarikin te mataroa, ao I karebwerebwe: ngkana e ongo b'anaau temanna, ao ngkana e kauka te mataroa, ao N na nakoina, ao N na am'arake ma ngaia, ao ngaia ma Ngai.

Tani Motiki-taeka 13:15

Ao e taku Manoa, Taiaoka ma ko na tiku i rarikira tabeua te tai b'a ti na tiringa te kooti ae uarereke b'a ko na am'arake.

Tani Motiki-taeka 5:25

E bubuti Titera te ran, ma e anga Nei Iaera te miriki ae kangkang i nanon te m'angko ae tamaroa.