Karikani B'aai 18:7 - Te B'aib'ara

⁷ Ao e biri nakon ana nanai ni kao, ao e anaa ana kao teteei ae e raoiroi ae marikarika, ao e angan ana toro, ao e kabaitiia te toro arei ni katauraoa te am'arake.

Karikani B'aai 18:7 ပူးပေါင်းရင်းမြစ်များ

Karikani B'aai 18:6

Ao e kawaekoa Aberaam nakon ana auti n rianna, ao e taku nakon Nei Taara, “Ienikuriko anaa am baeki ni buraawa are te kabanea n tamaroa, ao karaoa am kariki iai.” E mena Nei Taara i akuun Aberaam ni mataroan te auti n rianna, ao e kakauongo.

Karikani B'aai 18:8

E anaa teutana te tangauri, te miriki teutana, ao te irikomaiu, ao e katauraoa te tabo n am'arake i mataia uakekei. Ao e kam'arakeia i aan te aroka arei, ao a tanaki n am'arake iai.

Karikani B'aai 19:3

Ma e imanonoia Roota ni karokoa a iria nakon ana auti. Ao e tuanga ana toro Roota b'a e na kam'aa tabeua te kariki ma ni katauraoa te katairiki i bukiia ana iruwa akekei. Ao ngke e a tauraoi, ao a am'arake.

Amota 6:4

Bon te bong ae rangi ni kakamaaku nakoimi ngkami aika kam ni wenewene i aon kiemi aika a katamaroaaki, ma n am'am'arake n irikoia kaao ma tiibu aika ataei!

Maraki 1:14

Kam anga n onei mwiin maan aika a kariaiakaki ake kam a tia ni berita iai nako iu, maan aikai aika a aki marurung. N na bon katuaaingkami i bukin aei, i bukina ngkai bon te Uea Ngai ae I kakannato, ae te UEA ae Moan te M'aaka, ae I taromauriaki irouia botannaomata n taabo nako.

Mataio 22:4

E a manga kanakoia tooro tabem'aang, ao e taku, Kam na kangai nakoia ake a kaoaki, “Noria, I a tia ni katauraoi au am'arake; a tiringaki au kao ma au man aika a tia ni kamarikaki i bukin te kanaki. A bane n tauraoi b'aai nako. Nako mai nakon te baka!”

Ruka 15:23

ao uota mai te kao te teei ae kamarikaaki, ao tiringnga, ao ti na am'arake ni kim'areirei:

Ruka 15:27

Ao ngaia e taku nako ina, “E a roko tarim, ao e tua tamam b'a e na tiringaki te kao te teei ae kamarikaaki i bukin ae e roko i rouna ma te maiu ao te marurung.”

Ruka 15:30

Ma ngkae e a roko natim anne, ane bakataei am b'ai irouia kabekaau ao ko tiringa te kao te teei ae kamarikaaki i bukina.”

1.Tamuera 28:24

E kabaikoa te aine arei n tiringa te kao te teei are e a tia ni kamarikaa. Ao i mwiina, e anaa tabeua te buraawa, e katauraoia, ao e kam'aa tabeua te kariki ae e aki itinaki.