Karikani B'aai 18:5 - Te B'aib'ara

⁵ N na uota mai te am'arake teutana b'a kam aonga ni manga marurung i m'aain manga reitan nako kawaimi. Ke e butim'aeaki b'anaau ae mangori aei iroumi. Ao a kaeka, Ko rab'a; ti butim'aea nanom.

Karikani B'aai 18:5 ပူးပေါင်းရင်းမြစ်များ

Karikani B'aai 18:6

Ao e kawaekoa Aberaam nakon ana auti n rianna, ao e taku nakon Nei Taara, “Ienikuriko anaa am baeki ni buraawa are te kabanea n tamaroa, ao karaoa am kariki iai.” E mena Nei Taara i akuun Aberaam ni mataroan te auti n rianna, ao e kakauongo.

Karikani B'aai 19:8

Noria, iai uoman natiu aika bon ataeinaine, N na anganingkami, ao kam kona ni karaoa ane kam bon taku nakoia. Ma kam na aki karaoa te b'ai teuana nakoia mm'aane aikai, b'a bon au iruwa ngaiia n au auti, ao I riai ni kawakinia.”

Karikani B'aai 33:10

E taku Iakob'a, “Tiaki ngaia anne, I a butiiko. Ngkana ko taku b'a ko kukurei irou, ao ko na butim'aai au b'ai n tangira. Nooran matam i rou kaanga aron nooran matan te Atua, ma ko a tia ni karaoa te m'akuri n iraorao nako iu.

1.Uea 17:11

Ao ngke e nang nako neierei n anaia, ao e a manga taku riki, Ao ko taiaoka naba ni uota kanau te kariki?

Taian Areru 104:15

Ma te wain i bukini kakukureian nanona, Ma te b'aa b'a e na kabira ubuna iai ni kamaraberabea, Ma te am'arake b'a e aonga ni marurung iai.

Itaia 3:1

E nang uoti nako b'aai ni kabane te UEA ae Moan te M'aaka aika b'aai aika kam tangiri mai Ierutarem ao Iuta ami kariki ma ami ran,

Mataio 6:11

Ko na anganira karara ae ti a tau iai n te bong aei.

Tani Motiki-taeka 13:15

Ao e taku Manoa, Taiaoka ma ko na tiku i rarikira tabeua te tai b'a ti na tiringa te kooti ae uarereke b'a ko na am'arake.

Tani Motiki-taeka 13:16

E m'aninga Manoa are e taetae ma temanna ana anera te UEA. Ao e taku te anera, I aki kona n tiku tabeua te tai, ma ngkana ko kan anga am karea te kooti nakon te UEA, ao e tamaroa.

Tani Motiki-taeka 19:5

Ao ngke a bane n uti aomata n te kaa aua ni bong, ao e a katauraoia kanoan Rewi arei n okira mwengana. Ma e taku taman buuna nakoina, “Ko na aki nako ni karokoa ko tia n am'arake. Ko bon riai n am'arake n karekea korakoram i m'aain te m'ananga.”

Tani Motiki-taeka 6:18

Ao ko na taningaai ikai b'a N na angakarea nakoim.” Ao E taku te UEA, “E tamaroa, N na taningaiko.”

Tani Motiki-taeka 6:19

Ao e okira ana auti Kiteon, ao e tiringa te kooti ae uarereke, ao e a kaburoa irikona. Ao i mwiina, e kauka te baeki ni buraawa, ao e karaoa te kariki ae manii mai iai. Ao ngke e a m'ai te iriko, ao e karinna n te b'atiketi, ao e kab'aroa ranna nakon te b'aata te kaatiibu. E ana te iriko, ma ranna, ao te kariki, ao e katikui i aan te aroka are buubura arei.