Karikani B'aai 18:32 - Te B'aib'ara

³² Ao e taku Aberaam, “Taiaoka ma tai un te UEA, b'a ai bon au kabanea n taetae. Ao ngkana ti tengaun aika kuneaki b'a akea aia bure?” Ao E taku nakoina, “N na bon aki kamaunaa naba ngkana ti tengaun m'aitiia.”

Karikani B'aai 18:32 ပူးပေါင်းရင်းမြစ်များ

Karikani B'aai 18:30

Ao e taku Aberaam, “Taiaoka ma tai un te UEA, b'a N na taetae riki. Ao tera am iango ngkana ti teningaun?” Ao E taku nakoina, “N na bon aki karaoia naba ngkana I kuneia teningaun.”

Karikani B'aai 18:31

Ao E taku Aberaam, “Tai mamatauninga te UEA ngkana I reitanako riki au taetae nakoim. Ao aongkoa ti uangaun aika kuneaki b'a akea aia bure?” Ao E taku nakoina, “N na bon aki kamaunaa te kaawa ae buubura aei ngkana I kuneia uangaun.”

Karikani B'aai 44:18

Ao e waerake Iuta nakon Ioteb'a ao e taku, “Taiaoka Nao, kariaia b'a N na inaomata n taetae ma ngkoe. Tai un irou, b'a bon ti te arona ngkoe ma te uea.

Iobi 33:23

E na mena ngkoa, ao e a roko naba te anera ni buokia are temanna mai buakoia Ana anera te Atua ake te ngaa, ake a kakauringiia aomata nako tib'angaia.

Taian Areru 86:5

Te UEA, Ko raoiroi ao Ko kab'ab'arai buure; E bati am Tangira nakoia akana tataro nakoim ni kabaneia.

Te Otinako 32:14

E aoria ngkana E a tia ni katanoataa te UEA b'a E na kamaunaia ana aomata, ma E na manga bon bita nanona ma ni kamaiuia.

Taeka n Rabakau 15:8

E aki kukurei te UEA n aia b'aintangira aomata aika a buakaka, ma e kakukureiaki ngkana a tataro ana aomata.

Itaia 65:8

Aio te b'ai are e taekinna te UEA: boota ni kureebe ae a kaotinakoa te wain a bongana kawakinaia Ma, i bukimi aika au toro, N na bon aki ekaanako temanna.

Ieremia 5:1

Kakaaia aomata aika a raoiroi i Ierutarem aika a kataia ni kakaonimaki. Ngkana e konaa n reke i roumi temanna, ao N na kab'ara ana bure te kaawa ae e b'anin.

Mika 7:18

Ara UEA bon akea riki n ai arom, te UEA; Ko kab'arai aia bure am aomata ake nikira ni maiu. Ko aki kakamaana unim, ma Ko kukurei riki ni kaota Am tangira ae e teimatoa nakoira.

Mataio 7:7

Bubuti, ao ane kam na anganaki; ukeuke, ao ane kam na karereke; karebwerebwe, ao ane e na kaukaki nako imi.

I-Ebeto 3:20

Ao nakon Teuare kona ni karaoi b'aai aika moan te bati aika m'aiti riki nakoni b'aai aika ti bubuti ma n ururing, n ai aron te m'aaka ae m'am'akuri i nanora:

Tani Motiki-taeka 6:39

Ma e a manga tataro riki Kiteon nakon te Atua ni kaangai, “Taiaoka n aki un irou. Kariaia b'a N na kata riki te b'ai aei te kabanea n tai, b'a I aonga ni koaua raoi b'a Ko na boni buokai. N te tai aei ngkanne, e na manga m'au te buraentiibu, ao e na m'aim'ai te atiibu ae raababa aei n te aoi.”